«Իմ քայլի» պատգամավորներից Վարդան Աթաբեկյանը դուրս է եկել խմբակցությունից և դարձել անկախ պատգամավոր: Իր հայտարարության մեջ ինքը դա հիմնավորում է այն հանգամանքով, որ իշխող թիմի դիրքորոշման հետ ունի անհամաձայնություն, իսկ պատգամավոր մնալը հիմնավորել է «միմիայն նրանով», որ «գործունեությունն ուղղելու է արցախահայության խնդիրները լուծելուն»:
«ՉԻ». Ինչպես ձեզ, այնպես էլ մեզ այս լուրը և հատկապես պատգամավորի անունը ոչինչ չասաց: Սկզբում անգամ թվաց, թե ֆեյք լուր է, որովհետև այսպիսի ազգանունով պատգամավորի անուն չէինք լսել:
Ստիպված փնտրեցինք համացանցում: 2 տարվա գործունեության արդյունքն է՝ զրո ելույթ, զրո հարց: Բայց ամեն դեպքում մի բանով աչքի է ընկել: Անցյալ տարի խորհրդարանի միջանցքում քաշքշել է գործընկերոջը՝ նույն խմբակցության անդամ Բաբկեն Թունյանին:
Վարդան Աթաբեկյանը ինչպես զրո ելույթ է ունեցել, այնպես էլ՝ զրո մեղք ունի այս ամենի մեջ:
Ո՞վ էր նա, որ հեղափոխական իշխանությունը բերեր և դարձներ պատգամավոր: Մարդը չուներ պայքարի գեթ մեկ դրվագ: Եվ հիմա ոչինչ չի խանգարում մտահոգ ձևանալով՝ սպասարկել հայտնի շրջանակների օրակարգը: