«Նշանակում է՝ կա ոչխարի նման մի ժողովուրդ և հովիվ»,- 168.am կայքի հետ հարցազրույցի ժամանակ հայտարարել է Վազգեն Մանուկյանը:
«ՉԻ». Քաղաքականության մեջ պատահում է, որ քաղաքական հակառակորդները երբեմն անցնում են էթիկայի կանոնները և միմյանց վիրավորում են: Բայց այն քաղաքական գործիչները, որոնք սեփական ձախողումները փորձում են փաթաթել ժողովրդի վրա, մշտապես դատապարտված են: Իսկ այն գործիչները, որոնք նաև փորձում են վիրավորել ժողովրդին, արժանանում են նույն ժողովրդի անտեսմանը և մերժմանը:
Վազգեն Մանուկյանը վաղուց ատում է հայ ժողովրդին, որ իրեն այդպես էլ չկարգեց նախագահ: Եվ ինքը վերջին 25 տարիներին աշխատել է մշտապես վրեժխնդիր լինել նույն ժողովրդից՝ իր ծառայությունները մատուցելով ժողովրդի հարստահարիչներին ու արյունը թափողներին:
Իսկ հիմա, քանի որ ծերացել է և այլևս պիտանի չէ շահագործման, ստիպված է այս կերպ «մուռ հանել» ժողովրդից՝ նրան անվանելով ոչխար:
Մենք նրան նույն կերպ չենք հակադարձի: Բայց մեկ խորհուրդ, այնուամենայնիվ, կտանք: Ժամանակն է, որ կյանքի մայրամուտին հասկանա և ամեն անգամ գլուխը կախ չգնա մորթվելու՝ հանուն Քոչարյանի և Սարգսյանի շահերի: