ԱԺՄ կուսակցության ղեկավար Վազգեն Մանուկյանը ընդդիմության հանրահավաքում հայտարարել է. «Եթե մենք Նիկոլին չքշենք, դա նշանակում է՝ մեր ժողովուրդն արժանապատվություն չունի։ Նիկոլին քշելը դա մեր արժանապատվությունն է, Նիկոլին քշելը նշանակում է չհամաձայնել կապիտուլյացիային։ Մի խնդիր կա՝ Նիկոլին քշել, քշել ամեն գնով»:
«ՉԻ». Ուշադրություն դարձրեք վերջին ձևակերպմանը. «ամեն գնով»: Այս արտահայտության մեջ խտացված է Վազգեն Մանուկյանի ողջ էությունը: Այսինքն, եթե պետք լինի, նաև՝ քաղաքացիական պատերազմի գնով:
1996-ին Վազգեն Մանուկյանը ամեն գնով փորձեց տիրանալ իշխանությանը՝ երկիրը կանգնեցնելով քաղաքացիական պատերազմի շեմին: Չստացվեց:
1998-ին Վազգեն Մանուկյանը ամեն գնով նպաստեց հեղաշրջմանը: Ստացվեց:
1999-ին Վազգեն Մանուկյանը չթաքցրեց իր հրճվանքը, երբ ամեն գնով վերացրին Վազգեն Սարգսյանին:
Հիմա էլ ամեն գնով նորից նույնն է փորձում անել:
Ու իր այդ յուրաքանչյուր ամեն գնի համար ամեն անգամ վճարել է ու շարունակում է վճարել երկիրը, հասարակությունը: Բայց ոչ երբեք ինքը: Տեսնենք, թե այս անգամ ինչ գին ենք վճարելու: