Չորեքշաբթի 30.09.2020 12:58

Սատիրիկոն/Լուր-մեկնաբանություն
30.09.2020 / 12:30
Սատիրիկոն/Լուր-մեկնաբանություն
30.09.2020 / 11:30
Սատիրիկոն/Լուր-մեկնաբանություն
29.09.2020 / 20:30
Սատիրիկոն/Լուր-մեկնաբանություն
29.09.2020 / 19:00
13.09.2020   19:00
337

Վեներական


«….Կողմերը հույս են հայտնել, որ քննարկումների արդյունքում կայացված փոխշահավետ որոշումները խթան կհանդիսանան հետագա քննարկումների համար և նոր շունչ կհաղորդեն «Հարավկովկասյան երկաթուղու» գործունեությանը…»: Ընդսմին` էդ հույս հայտնողները հայտնել են նաև, որ քննարկումները երկարատև են եղել: Ու նաև տեղեկացրել են, որ. «…արձանագրության ստորագրումը կարևոր նշանակություն ունի «Հարավկովկասյան երկաթուղու» հետագա գործունեության համար և թույլ կտա լուծել նրա առջև դրված այնպիսի օրակարգային խնդիրներ, ինչպիսիք են ապրանքների և ուղևորների փոխադրումների ծավալի մեծացումը և երկաթուղային շարժակազմի թարմացումը»:

Էստեղ են ասել` խուտուտ տվեք` արթնանամ: Եթե Հարավկովկասյան երկաթուղու գրանդիոզ ներդրումային պայմանագրի ստորագրման օրերի աշխարհացունց հայտարարություններին վերադառնաք ու կարդաք, վերը արած մեջբերումս ու տասնյակ ու տասնյակ այլ կլիշեներ կտեսնեք պատճենած այնտեղից այստեղ: Խուտուտ ՄԻ ՏՎԵՔ` քնած մնամ` զզվում եմ: Այս` ԱՊՐԱՆՔՆԵՐԻ ԵՎ  ՈՒՂԵՎՈՐՆԵՐԻ ՓՈԽԱԴՐՈՒՄՆԵՐԻ ԾԱՎԱԼԻ ՄԵԾԱՑՈՒՄԸ ԵՎ ԵՐԿԱԹՈՒՂԱՅԻՆ ՇԱՐԺԱԿԱԶՄԻ ԹԱՐՄԱՑՈՒՄԸ այն հիմնական կետերն էին, կարծեմ, որոնց համար կնքվել էր այդ միլիարդա-միլիոնանոց ներդրման ծրագիրը, թե բա` ՌԴ-ն ամրացնում և ուժեղացնում է իր հարավային սահմանները: Դրանք ու մեկ էլ նոր երկաթուղագծերի կառուցումն ու նոր կամ նորոգած կայարանների կառուցումը… Ինչով ավարտվեց: Լվացին ու լափեցին: Համատեղ ջանքով: Հայն ու ռուսը: Ռուսներն ու հայերը: Ավելին` հիմա էլ կամ լվում ու լափում են կամ սպասում են հարմար պահի` շարունակեն: Ինչո՞ւ: Որովհետև իրենց, հենց իրենց, հենց այդ պայմանագրով և ներդրմամբ նախանշված ողջ ներդրումային գումարի ներդրման տրամաբանությունը հենց դա է եղել, դրա համար է եղել` լվացման:

Փաստաթուղթը ստորագրել են ՀՀ տարածքային կառավարման և ենթակառուցվածքների նախարարի տեղակալ Արմեն Սիմոնյանը և ՌԴ տրանսպորտի նախարարի տեղակալ, Երկաթուղային տրանսպորտի դաշնային գործակալության ղեկավար Վլադիմիր Տոկարևը. սա էլ պաշտոնական տեղեկությունից է` անէական մանրամասն, քանի որ ով էլ ստորագրեր, որ մի Սիմոնյանն ու Տոկարևն էլ ստորագրեին` վերը բերված տրամաբանության հանգույն էին այդպես անելու` այդ տրամաբանության «ճորտերն» են իրենք: Այդ տրամաբանության ճորտը չէ հենց իսկզբանե այդ տրամաբանության մեխանիզմի համար հավաքագրված կառավարչական աշխատակազմը: Այ, օրինակ, ասում են, այնտեղ մի ֆինանսական «աստվածուհի» կա այդ ՀԿԵ-ում, մի վեներա…այ Միլոսի, թե որտեղի, թե պարզապես երևանցի, դուք որոշեք: Այ օրինակ այդ «աստվածուհին» այս ողջ գործընթացում մի գործառույթ ունի, ասում են, իր համար համեստ, մի կողմ քաշված լվացք է անում: Դե լվանալու բան շատ կա…հոսքեր են, մեքենաներ, վագոններ, քսայուղ (տաուտ), դիզվառելիք, ռելսեր, շինանյութ…, մի խոսքով, շատ բան է կեղտոտվում ու հատկապես փողը: Լվանալ է պետք: Ու վեներան տարիներով, համեստորեն մի կողմ քաշված, հանուն Ռուսաստանի հարավային սահմանների պայծառ ապագայի, իր հայրենիքում լվանում է ու լվանում: Այնպես չէ, որ վեներան չի նեղվում. թավշյա անցուդարձերից հետո, «աստվածուհուն» նույնիսկ քրեական պատասխանատվության կանչեցին: Բայց դե, ում հետ չի պատահել:

Այ օրինակ, Նիկոլ Փաշինյանն էլ ճիշտ երկու տարի առաջ այս մասին ասել էր. «Ռուսական երկաթուղիներ» ընկերության դուստր ձեռնարկություն «Հարավկովկասյան երկաթուղի» ՓԲ ընկերությունում 60 մլն դոլարի չարաշահումներ են հայտնաբերվել: Բա էդպես բան են անում: Բա Վեներան լվանա, որ Նիկոլը հայտարարի: 

Իսկ մի աուդիտորական ընկերություն էլ, պաշտոնական ուսումնասիրություն էր արել ու պարզել, որ ՀԿԵ-ն ֆինանսական բնույթի մի շարք չարաշահումներ է թույլ տվել, այդ թվում՝ երկաթուղային ենթակառուցվածքներում կատարված ներդրումներում՝ 428 միլիոն ՀՀ դրամի չկատարված շինարարական աշխատանքներ: Ըստ որում, էս աուդիտորները, կարծես թե ոչ էլ թավշյա ժամանակներում էին դա հայտնաբերել, այլ սերժյա: Այսինքն՝ լավ էլ դուխով աուդիտորներ էին, կամ էլ Սերժին ինչ-որ նկատառումներով սա պետք էր: Այլապես հասկանալի չէ` ինչպես էր, որ աուդիտը նման բաներ էր հայտնաբերում, իսկ մեր աստվածուհի վեներան և նրա գործընկերներն ու վերադասները շարունակում էին լվացքը և չէին կարողանում մաս-մաքուր լվանալ ու լվացվել: Իսպառ: Դե գումարը կար, լվացքը պետք էր անել: ՀԿԵ ՓԲԸ-ն պարտավորվել է ներդրումներ կատարել ենթակառուցվածքի և շարժակազմի բարելավման համար՝ պայմանագրով սահմանված կարգով և չափերով՝ 122,3 մլրդ դրամ ենթակառուցվածքի և 52,2 մլրդ դրամ շարժակազմի բարելավման համար (ընդհանուրը՝ 174,5 մլրդ դրամ՝ համարժեք 575 մլն ԱՄՆ դոլարին, 2018թ. փոխարժեքով` 360 մլն ԱՄՆ դոլար)…

Քրեական գործն ուրեմն, կա, կա նաև համաձայնագիրը: Փաստ է, որ քրեական գործը չփակված, մենք համաձայնագիր ենք կնքում Ռուսաստանի հետ այն մասին, որ քրեական գործով անցնող չարաշահումների էպիկենտրոնում ամեն ինչ կարգին է և էպիկենտրոնը չեն քանդելու, չեն փլուզելու: Ավելին` իմ տվյալներով միլիարդանոց ներդրումային ծրագիրը գրեթե լիովին ավարտվել էր` փողը պրծել է, համարյա թե ներդրումներն էլ թղթի վրա` տեղի են ունեցել… Եվ ուրեմն` ինչ արձանագրություն, ինչի մասին:

Գուցե Ռուսաստանը խոստացել է գողացած փողի փոխհատուցումը տալ, գուցե Հայաստանը խոստացել է գողացած փողը հալալ անել, իսկ գուցե ոչ ոք էլ ոչինչ չի խոստացել` քաղաքական հարաբերություններում կոնյուկտուրային փոփոխություններ են և ամեն բան իր իներցիայով քարշ է գալիս:

Առայժմ մի բան է «լավ»: Քրեական գործը փակված չէ:

Առայժմ Նիկոլ Փաշինյանից այս հարցում մի բան է պահանջվում` այս գործը չտապալել ու չձևանալ, թե կան ավելի խորը, շրջահայաց և իմաստուն նկատառումներ, քան երկիրդ ու քո դաշնակից երկիրը թալանած միջազգային վեներական բանդան` էս համավարակը, պատի տակ սատկացնելը:

Հակոբ Գրիգորյան

«Չորրորդ իշխանություն», թիվ 26, 2020



Հարգելի ընթերցողներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելով Facebook-ի ձեր account-ը: Խնդրում ենք լինել կոռեկտ և հետևել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ և հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում:
 Պիտակներ

         «Չորրորդ իշխանություն», «Հարավկովկասյան երկաթուղի», Արմեն Սիմոնյան, Վլադիմիր Տոկարև, Հակոբ Գրիգորյան


››› «Չորրորդ իշխանություն» թերթի և 4rd.am կայքի ՀԱՅՏԱՐԱՐՈՒԹՅՈՒՆԸ
››› Ո՞ւմ ձեռնտու չէ 200 միլիոն դոլարի ներդրումը
››› Երևանի ժառանգության պաշտպանության կոմիտեի հայտարարությունը
››› Իշխելու թշվառությունն ու փառքի արվեստը
››› Անասնաֆերմա՝ Նարեկ Սարգսյանից Նիկոլ Փաշինյանին... Տիգրան Ավինյանին էլ
››› Մերժվածների ջղակծկումների և վարչապետի ձախողումների արանքում
››› Ո՞վ է եղել իրական դավաճանը
››› Երբ թիրախավորվում է լռությունը
››› Ինչո՞ւ են զինվորները զոհվում Ղարաբաղում և ինչո՞ւ են բոլոր զոհերը հայաստանցի
››› Մշակութային հեղափոխություն չի լինելու
››› Ատելության խոսքը, ամբոխահաճությունը և տրամաբանությունը
››› Տաշիրյան սարդոստայն
››› Գործող Սահմանադրությունը կարող է ոչնչացնել հեղափոխությունը
››› Առաջիկա երկու-երեք ամիսները վճռորոշ են լինելու
››› ԱԱԾ-ն պետք է կանխի Քոչարյանի գայթակղությունները
››› Նիկոլն ընդդեմ Նիկոլի
››› Այսպես է լինում, երբ վեթթինգի փոխարեն հավատում են դատախազի ազնիվ խոսքին
››› Սրանց գործը փախնողներին «հաջող» անելն է
››› Արսեն Թորոսյանն ու Ալեն Սիմոնյանը՝ 1-9 հաշվով պարտության գլխավոր մեղավորներ
››› Ակորդեոնիստը որոշել է նստել «սուխոյ ատկազով»
››› ՀՀԿ-ի անհաջող գրագողությունը
››› Տանը վեր ընկնելու ժամանակները
››› Անցյալի պատանդները

Ամենաընթերցված

















Մալադե´ց, աներ
Մալադե´ց, աներ
11.09.2020 / 1528





















Վազիր դատարան
Վազիր դատարան
23.09.2020 / 912