«Երկիր Ծիրանի» կուսակցության ղեկավար Զարուհի Փոստանջյանը ֆեյսբուքյան իր էջում գրել է. «Աննան իր դերը գերազանց կատարեց: Ղեկավարեց ռազմական շտաբը` հանձնեց հարավը և վերադարձավ»:
«ՉԻ». Այո, ափսոս, շատ ափսոս, որ գենշտաբը Զարուհին չէր ղեկավարում: Հենց ադրբեջանցիները հարձակվեին, գժականով կհակահարձարկվեր, հարավում մինչև Ուրմիա լիճ կհասներ, հյուսիսում կազատագրեր ամբողջ Ուտիքն ու Փայտակարանը, Գյանջան կհռչակեր «Երկիր Ծիրանիի» կենտրոնակայան:
Էրդողանը ստիպված կլիներ խոստովանել, որ իրենց «Բայրաքթարները» խելագարության դեմ անզոր են, ուղիղ բանակցությունների մեջ կմտներ Զարուհու հետ, կաղաչեր, որ վերջինս դադարեցնի բնաջնջել Ադրբեջանը և որպես կաշառք՝ սկուտեղի վրա կմատուցեր Ղարս-Սուրմալու ստրատեգիական նշանակության հողատարածքը:
Այո, ափսոս, իհարկե, ափսոս: Ի՜նչ գաղափար է կորչում, ի՜նչ գաղափար:
«Չորրորդ իշխանություն», թիվ 33, 2020