Չորեքշաբթի 05.08.2020 20:03

Լուր-մեկնաբանություն
05.08.2020 / 19:00
Քաղաքական
05.08.2020 / 17:00
Լուր-մեկնաբանություն
05.08.2020 / 16:00
Տնտեսական
05.08.2020 / 14:30
Լուր-մեկնաբանություն
05.08.2020 / 12:30
Լուր-մեկնաբանություն
04.08.2020 / 22:00
27.07.2020   17:00
1151

Անհասկանալի իրավիճակ՝ դպրոցի տնօրենի ընտրության մրցույթի շուրջ


Արարատի մարզի Նորամարգի դպրոցի տնօրենի ընտրության մրցույթի շուրջ լարվածությունը դեռ չի թուլանում: Երկու անգամ տնօրենի ընտրության մրցույթը չի կայացել: Մրցույթին 3 թեկնածու է մասնակցում՝ արդեն նախկին տնօրեն Ծովինար Գալստյանը, Այնթապի դպրոցի փոխտնօրեն Գոհար Սահակյանը և Սիփանիկ համայնքի դպրոցի փոխտնօրեն Գևորգ Մինասյանը։

Ծովինար Գալստյանի համոզմամբ՝ մրցույթը միտումնավոր է ձգձգվում: Նրա կարծիքով՝ անհիմն պատճառներով մրցույթը չի կայանում, որ արդյունքում տնօրենին ոչ թե մրցույթով ընտրեն, այլ նշանակեն:

Ի պատասխան Արարատի մարզպետարանն էլ պարզաբանում էր տարածել՝ պնդելով, որ դպրոցի խորհրդի կազմում ընդգրկված ծնողական և ուսուցչական խորհուրդների անդամները անկախ չեն, հետևաբար, իրենց ունեցած հավաստի տեղեկություններով, այս մրցույթը չի կարող լինել օբյեկտիվ և անաչառ, քանի որ այն արդեն իսկ ուղղորդված է:

Ըստ մարզպետարանի՝ խորհրդի չորս անդամներից մեկը նախկին տնօրենի, մրցույթի հավակնորդներից՝ Ծովինար Գալստյանի ընկերուհին է, մյուս երկուսի ընտանիքի այլ անդամներ էլ են աշխատում դպրոցում, մեկն էլ իր երեխային միտումնավոր է բերել այս դպրոց, որ դառնա խորհրդի անդամ:

Ինչ վերաբերում է խորհրդի նախագահ Ցողիկ Սահակյանի իր ընկերուհին լինելուն՝ Ծովինար Գալստյանը «ՉԻ»-ի հետ զրույցում մեկնաբանեց, որ դպրոցի ողջ անձնակազմը, մանկավարժների մեծամասնությունը դպրոցից դուրս ունեն մտերմիկ հարաբերություններ, այսքան տարի միասին աշխատելով՝ գրեթե բոլորը կիսում են միասին թե՛ դժվարությունները, թե՛ ուրախությունները:

«Այնպես որ, միտումնավոր չգալը կապել դիրքորոշման արտահայտման հետ, չի համապատասխանում իրականությանը, նաև այն պատճառով, որ անդամներից մեկն արդեն հեռախոսով հայտնել էր, որ վատառողջ է:
Խորհրդի երկու անդամներից երկուսը՝ Գևորգյանը և Սահակյանը, դպրոց են ընդունվել նախկին տնօրենի օրոք, որպես հարգված և վաստակ ունեցող ուսուցիչներ, խորհրդի անդամ են եղել իմ տնօրեն ընտրվելուց առաջ և հետագայում կրկին վերընտրվել են: Գևորգյանը, նրա երկու դուստրերը իմ տնօրեն ընտրվելուց առաջ էլ են աշխատել: Իսկ Լուսինե Դավթյանը, որին տարբեր ազգանուններով են ներկայացրել պարզաբանման մեջ, իր որդուն դպրոց բերելուց առաջ արդեն ծնողխորհրդի կողմից ընտրված էր, որովհետև նրա դուստրը մեր դպրոցում էր սովորում: Այսինքն՝ բերված պարզաբանումները անհիմն են, անտրամաբանական»,-
նկատեց դպրոցի նախկին տնօրենը:

Մարզպետարանի պարզաբանման մեջ նշվում է, որ ծնողական կազմը և ուսուցչական կոլեկտիվը լծված են Գալստյանի ընտրության գործին: Նա արձագանքում է, որ այս ամենն սկսվեց նիստը չկայանալուց հետո, երբ բոլորը կասկածեցին, որ միտումնավոր ձգձգվում է:

Անդրադառնալով ձայնագրություններին՝ նշեց, որ Սահմանադրության համապատասխան հոդվածի համաձայն՝ չի թույլատրվում առանց անձի համաձայնության հրապարակել հեռախոսային խոսակցությունները: Ըստ դպրոցի տնօրենի թեկնածուի՝ անհավատալի է, որ նման քայլ անում է պետական մարմինը՝ շրջանցելով օրենքը: Մանավանդ որ, որևէ կապ չկա պարզաբանման և ձայնագրությունների միջև:

«Այսպես՝ առաջին խոսակիցը խնդրում է բոլորին, որ դպրոցի վերաբերյալ անխտիր բոլոր նյութերը, անկախ նրանից համաձայն են, թե՝ չէ, տարածեն, որպեսզի բոլորը տեղեկանան, և հարցին շուտ լուծում տրվի: Մնացածները ծնողների խոսակցություններ են, որտեղ նրանք ևս մեկ անգամ հայտնում են իրենց սերը, անհանգստությունը և աջակցությունը. այստեղ ոչ մի գաղտնիք չկա, որովհետև այդ նույն ծնողները մեկ շաբաթ է , գրեթե բոլոր լրատվական ալիքներով և կայքերով փորձում են բարձաձայնել այդ մասին»,- ասաց նա:

Այնուհետև միտք է հնչում, որ խորհուրդը, առանց ծանոթանալու ծրագրերին, նախապատվությունը տալիս է Գալստյանին: Ընդգծենք, որ խորհուրդը բաղկացած է 8 անդամներից, նրանց ընտրության մասին կարելի էր իմանալ միայն ընտրությունից հետո:

«1 ամսվա ընթացքում ինչ-որ մարդիկ, ներկայացնելով չգիտես ում շահերը, տարբեր զարտուղի ճանապարհներով փորձել են խորհրդի անդամներին ինչ-որ բաներ համոզել, տարբեր առաջարկություններ անել, զարմանալի է, թե այդ մասին ինչպես է իմացել մարզպետարանը, և ինչու միջոցներ չեն ձեռնարկվել»,- մատնանշեց Գալստյանը:

Անհասկանալի իրավիճակ է ստեղծվել Նորամարգի դպրոցի տնօրենի ընտրության մրցույթի շուրջ: Թե ինչպես կհանգուցալուծվի դպրոցի տնօրենի ընտրության շուրջ ստեղծված այս իրավիճակը, դժվար է կանխատեսել: Չի բացառվում, որ սա հնի ու նորի հերթական պայքարն է:

Բայց հարկ է նշել, որ դպրոցների տնօրենների ընտրության հետ կապված սա Արարատի մարզում առաջին դեպքը չէ: Մարզում մի շարք դպրոցների տնօրենների ընտրություններ ևս նմանատիպ սցենարով են զարգացել:

Մանյա Պողոսյան



Հարգելի ընթերցողներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելով Facebook-ի ձեր account-ը: Խնդրում ենք լինել կոռեկտ և հետևել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ և հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում:
 Պիտակներ

         կրթություն, կրթօջախներ, Ծովինար Գալստյան, Մանյա Պողոսյան


››› Երևանի ժառանգության պաշտպանության կոմիտեի հայտարարությունը
››› Իշխելու թշվառությունն ու փառքի արվեստը
››› Անասնաֆերմա՝ Նարեկ Սարգսյանից Նիկոլ Փաշինյանին... Տիգրան Ավինյանին էլ
››› Մերժվածների ջղակծկումների և վարչապետի ձախողումների արանքում
››› Ո՞վ է եղել իրական դավաճանը
››› Երբ թիրախավորվում է լռությունը
››› Ինչո՞ւ են զինվորները զոհվում Ղարաբաղում և ինչո՞ւ են բոլոր զոհերը հայաստանցի
››› Մշակութային հեղափոխություն չի լինելու
››› Ատելության խոսքը, ամբոխահաճությունը և տրամաբանությունը
››› Տաշիրյան սարդոստայն
››› Գործող Սահմանադրությունը կարող է ոչնչացնել հեղափոխությունը
››› Առաջիկա երկու-երեք ամիսները վճռորոշ են լինելու
››› ԱԱԾ-ն պետք է կանխի Քոչարյանի գայթակղությունները
››› Նիկոլն ընդդեմ Նիկոլի
››› Այսպես է լինում, երբ վեթթինգի փոխարեն հավատում են դատախազի ազնիվ խոսքին
››› Սրանց գործը փախնողներին «հաջող» անելն է
››› Արսեն Թորոսյանն ու Ալեն Սիմոնյանը՝ 1-9 հաշվով պարտության գլխավոր մեղավորներ
››› Ակորդեոնիստը որոշել է նստել «սուխոյ ատկազով»
››› ՀՀԿ-ի անհաջող գրագողությունը
››› Տանը վեր ընկնելու ժամանակները
››› Անցյալի պատանդները

Ամենաընթերցված


Երգիր, որ չկռվես


«ՉԻ» ռիթմով
«ՉԻ» ռիթմով
01.08.2020 / 941














Ստոպ-կադր
Ստոպ-կադր
01.08.2020 / 515













В ритме «ЧИ»
В ритме «ЧИ»
01.08.2020 / 262