Երեքշաբթի 07.12.2021 15:20

14.10.2021   17:00
284

Անիմաստ հանձնաժողով


Հայաստանյան քաղաքական օրակարգի կարևորությամբ թվով երկրորդ հարցը 44-օրյա պատերազմի հանգամանքները ուսումնասիրող հանձնաժողովի ստեղծումն է: Առաջինը պարզ է` անվտանգությունն է և Սյունիքի սուվերենությունը պահպանելու օրհասական օրակարգը:

Մի քանի ամիս է, ինչ իշխանությունը նույն կերպ է պատասխանում պատերազմի վերաբերյալ ցանկացած հարցադրման` կստեղծվի հանձնաժողովը, և բոլոր պատասխանները կտրվեն: Բայց հանձնաժողովը չի ստեղծվում և այստեղ մեղքի բաժին ունի թե՛ իշխանությունը, թե՛ ընդդիմությունը: Իրենք զբաղված են Ղազինյան առաջադրելով ու մերժելով: Սակայն եթե մի օր հոգնեն այդ խաղից և ստեղծեն հանձնաժողով, ի՞նչ ակնկալիքներ կարելի է ունենալ այդ հանձնաժողովից: Եվ հարցը միայն ԱԺ պաշտպանության և անվտանգության հանձնաժողովում ընդգրկված իշխանական և ընդդիմադիր պատգամավորների ինտելեկտուալ և մասնագիտական ներուժը չէ: Իհարկե, այստեղ մեծ խնդիրներ կան, քանի որ հանձնաժողովում կան մարդիկ, որոնք գունդը չեն տարբերում գումարտակից և չեն կարող անգամ հերթականությամբ նշել Հայոց բանակի սպաների աստիճանակարգը: Կան ուսապարկեր, Օմարի արծիվներ, մարդիկ, որոնք աչքները փակ կողմ կքվեարկեն վարչապետի բերած ցանկացած օրինագծի, սակայն երբեք չեն կարող նախ վերհանել իշխանության ձախողումները նախապատերազմական և պատերազմական ժամանակաշրջանում, իսկ այնուհետև դրանց միս ու արյուն տալ:

Չեն կարող մի պարզ պատճառով. հանձնաժողովում հավաքված են ոչ միայն մոլի ՔՊ-ականներ՝ նրանց կարելի է բնորոշել իբրև մոլի նիկոլականների: Եվ այստեղ չկա որևէ չափազանցություն: Անդրանիկ Քոչարյանը և հանձնաժողովի իշխանական մյուս անդամները վերջին մի տարում աչքի են ընկել Նիկոլ Փաշինյանի նկատմամբ անձնական մեծ նվիրվածությամբ, պաշտպանել են նրան այն ժամանակ, երբ շատ կուսակիցներ աշխատում էին ձայն չհանել, չերևալ և աչքի չընկնել: Իսկ իրենք (Հունան Ավետիսյանի պես) կրծքով փակում էին Փաշինյանին ուղղված քննադատությունը՝ երբեմն հայտնվելով զավեշտալի վիճակներում, միայն թե Փաշինյանի վրա փոշի չնստի:

Հիմա ի՞նչ կարելի է ակնկալել նմանատիպ մարդկանցից: Իրենք չեն կարող օբյեկտիվ քննել բոլոր հանգամանքները, դա թույլ չի տա իրենց մասնագիտական և մարդկային բնութագիրը:

Կա մեկ այլ հանգամանք ևս: Ապրիլյան պատերազմը քննող հանձնաժողովը աշխատեց մեկ տարի, թե ինչ արդյունքի հասավ, արդեն այլ թեմա է: Բայց 44-օրյա պատերազմի հանգամանքները իշխանությունը ցանկանում է քննել 1991 թվականից սկսած: Կարելի է միայն ենթադրել, թե որքան ժամանակ կպահանջվի այդ գործը մի հանձնաժողովում անելու համար, որտեղ արդեն երեք ամիս է չեն կարողանում հանձնաժողովի նախագահ ընտրել:

Մինչդեռ, եթե իշխանությունը ցանկություն ուներ քննել 44-օրյա պատերազմի հանգամանքները, ապա կարելի էր գնալ բոլորովին այլ ճանապարհով: Նախ, դա լիներ անկախ հանձնաժողով՝ կազմված մարդկանցից, որոնք արդեն մի քանի տարի աչքի չեն ընկնում ակտիվ քաղաքական դիրքորոշումներով, չեն հայտնվում մե՛կ իշխանության, մե՛կ ընդդիմության ճամբարում: Մարդիկ, որոնք նախ՝ իրազեկ են և երկրորդ՝ ունեն բարի համբավ ու հեղինակություն հանրության շրջանում:

Եվ կարևորագույն հարցը, որ պետք է դրվեր հանձնաժողովի առջև, հետևյալը պետք է լիներ՝ կա՞ր արդյոք հնարավորություն խուսափելու վերջին պատերազմից, թե՞ ոչ:

Արիս Վաղարշակյան



 Պիտակներ

         Արիս Վաղարշակյան

››› Չարենց. Դաշնակցականներին (Ներբող քաղաքական)
››› Սա քո պատերազմն էր, Նիկո՛լ
››› Ոչ ոք չի թաքցրել տարածքներ զիջելու փաստը
››› Քայլ արեք, իրար կերեք
››› Արմեն Շեկոյան. Միջնորդը
››› «Չորրորդ իշխանություն» թերթի և 4rd.am կայքի ՀԱՅՏԱՐԱՐՈՒԹՅՈՒՆԸ
››› Ո՞ւմ ձեռնտու չէ 200 միլիոն դոլարի ներդրումը
››› Երևանի ժառանգության պաշտպանության կոմիտեի հայտարարությունը
››› Իշխելու թշվառությունն ու փառքի արվեստը
››› Անասնաֆերմա՝ Նարեկ Սարգսյանից Նիկոլ Փաշինյանին... Տիգրան Ավինյանին էլ
››› Մերժվածների ջղակծկումների և վարչապետի ձախողումների արանքում
››› Ո՞վ է եղել իրական դավաճանը
››› Երբ թիրախավորվում է լռությունը
››› Ինչո՞ւ են զինվորները զոհվում Ղարաբաղում և ինչո՞ւ են բոլոր զոհերը հայաստանցի
››› Մշակութային հեղափոխություն չի լինելու
››› Ատելության խոսքը, ամբոխահաճությունը և տրամաբանությունը
››› Տաշիրյան սարդոստայն
››› Գործող Սահմանադրությունը կարող է ոչնչացնել հեղափոխությունը
››› Առաջիկա երկու-երեք ամիսները վճռորոշ են լինելու
››› ԱԱԾ-ն պետք է կանխի Քոչարյանի գայթակղությունները
››› Նիկոլն ընդդեմ Նիկոլի
››› Այսպես է լինում, երբ վեթթինգի փոխարեն հավատում են դատախազի ազնիվ խոսքին
››› Սրանց գործը փախնողներին «հաջող» անելն է
››› Արսեն Թորոսյանն ու Ալեն Սիմոնյանը՝ 1-9 հաշվով պարտության գլխավոր մեղավորներ
››› Ակորդեոնիստը որոշել է նստել «սուխոյ ատկազով»
››› ՀՀԿ-ի անհաջող գրագողությունը
››› Տանը վեր ընկնելու ժամանակները
››› Անցյալի պատանդները

Ամսվա ամենաընթերցվածները