Երեքշաբթի 07.12.2021 16:37

23.09.2021   16:45
447

Իսկապես սրտի ընդդիմություն է


Պնդումը, որ խորհրդարանական ընդդիմությունը գործող իշխանության սրտի ընդդիմությունն է, գնալով ամրանում և առարկայանում է: Ինչպես հայտնի ֆիլմում է ասվում՝ հարսը կդիմադրի, կկծի, կբղավի, բայց պետք չէ ուշադրություն դարձնել, դա հին ավանդույթ է:

Իշխանությունը վերարտադրվեց՝ գերմարդկային ճիգեր բանեցնելով, ահռելի և մեծածավալ խոստումներ տալով: Ինչ պետք է աներ խորհրդարանական ընդդիմությունը հետընտրական ժամանակաշրջանում, ընտրություններից 3 ամիս հետո: Իհարկե անընդհատ խոսեր այդ խոստումների մասին, հիշեցներ և հասարակությանը ցուցադրեր, որ իրեն խաբել են և տրված հիմնական խոստումները չեն կատարվում:

Իսկ որո՞նք էին այդ հիմնական խոստումները: Ապօրինի գույքի բռնագանձման մասին օրենքի ամբողջական կիրառում, պետությունից գողացված գումարների վերադարձ, հանքերի իրական սեփականատերերի բացահայտում, իսկ Սյունիքում առավել կան առարկայական խոստումներ: Հավանաբար հիշում եք, որ Փաշինյանը Կապանում խոստացավ մինչև հուլիսի 15-ը լուծել Քաջարանի պղնձամոլիբդենային կոմբինատի հարցը: Նաև կոնկրետ նշելով, թե ինչ նկատի ունի հարցի լուծում ասելով՝ կոմբինատի արժեթղթերի մի մասը պետք է անցներ պետությանը: Հատկապես Սյունիքում շատ էին ոգևորվել վարչապետի թեկնածուի այդ խոստումով: Կոմբինատի շատ աշխատակիցներ, ոգևորվելով այդ խոստումով, բազում խնդիրներ ունեցան և շարունակում են ունենալ կոմբինատի տնօրինության հետ: Բազմաթիվ աշխատակիցներ սկսեցին անգամ աշխատանքի չներկայանալ՝ կարծելով, թե մոտ է օրը, երբ վերջ կդրվի այդ կոմբինատում տիրող ստրկատիրական հարաբերություններին:

Ինչ ունենք այսօր: Ոչինչ: Ապօրինի գույքի բռնագանձման մասին օրենքի շրջանակներում անցնող անձինք սկսել են դատի տալ դատախազությանը և դեռ մի քանի տարի կհետևենք, թե որ դատավորը որ գույքն է հանում արգելանքից: Դատախազությունն էլ կհրապարակի հերթական հաղորդագրությունը, թե իրենք մեղավոր չեն, ամեն ինչ օրենքի շրջանակներում է արվում: Խորհրդարանից էլ կպատասխանեն, որ իրենք չեն մեղավորը, դատախազությունն է վատ կիրառում օրենքը: Մի երկու տարի անց էլ Փաշինյանից կլսենք, որ դատախազությունում պատսպարվել էին հին ռեժիմի ներկայացուցիչները: Այ, հիմա դրանց կփոխենք, և օրենքը 2024 թվականից կսկսի աշխատել:

Չկա իշխանական որևէ մեկնաբանություն, թե ինչ փուլում են Քաջարանի պղնձամոլիբդենային կոմբինատի հետ բանակցությունները: Ի վերջո հուլիսի 15-ից անցել է ավելի քան երկու ամիս:

Ձայն չի հանում իշխանությունը, սակայն ձայն չի հանում նաև ընդդիմությունը: Իսկ չի հանում մի պարզ պատճառով՝ իշխանության տված հիմնական խոստումների սուր ծայրը ուղղված է նույն ընդդիմության առաջնորդների անձնական հարստության դեմ: Ոչ մի գող կամ ավազակ չի բարձրաձայնում, թե ինչու վերջապես չեն զբաղվում իրենով, չեն բացահայտում իր հանցագործությունները, չեն դատապարտում և բռնագանձում գողոնը: Այդպիսին է իրերի օբյեկտիվ իրավիճակը:

Ընդդիմությունը հաճախ է ասում, որ իշխանությունը խաբել է հանրությանը, որ հանրությունը մոլորության մեջ է և այլն: Վերը շարադրված փաստարկները լավագույն կռվանն էին իրենց հիմնավորումները ապացուցելու համար: Սակայն օբյեկտիվ պատճառներով մոռացել են իշխանության հիմնական խոստումները և ցանկություն չունեն դրանք օգտագործելու, որպեսզի հիմնավորեն, թե ինչպես է խաբվել հասարակությունը:

Դրա փոխարեն անընդհատ հիշեցնում են պատերազմը և ստանում պատասխան՝ հասարակությունը լսեց ձեր մեղադրանքները և որոշում կայացրեց:

Արիս Վաղարշակյան



 Պիտակներ

         Արիս Վաղարշակյան

››› Չարենց. Դաշնակցականներին (Ներբող քաղաքական)
››› Սա քո պատերազմն էր, Նիկո՛լ
››› Ոչ ոք չի թաքցրել տարածքներ զիջելու փաստը
››› Քայլ արեք, իրար կերեք
››› Արմեն Շեկոյան. Միջնորդը
››› «Չորրորդ իշխանություն» թերթի և 4rd.am կայքի ՀԱՅՏԱՐԱՐՈՒԹՅՈՒՆԸ
››› Ո՞ւմ ձեռնտու չէ 200 միլիոն դոլարի ներդրումը
››› Երևանի ժառանգության պաշտպանության կոմիտեի հայտարարությունը
››› Իշխելու թշվառությունն ու փառքի արվեստը
››› Անասնաֆերմա՝ Նարեկ Սարգսյանից Նիկոլ Փաշինյանին... Տիգրան Ավինյանին էլ
››› Մերժվածների ջղակծկումների և վարչապետի ձախողումների արանքում
››› Ո՞վ է եղել իրական դավաճանը
››› Երբ թիրախավորվում է լռությունը
››› Ինչո՞ւ են զինվորները զոհվում Ղարաբաղում և ինչո՞ւ են բոլոր զոհերը հայաստանցի
››› Մշակութային հեղափոխություն չի լինելու
››› Ատելության խոսքը, ամբոխահաճությունը և տրամաբանությունը
››› Տաշիրյան սարդոստայն
››› Գործող Սահմանադրությունը կարող է ոչնչացնել հեղափոխությունը
››› Առաջիկա երկու-երեք ամիսները վճռորոշ են լինելու
››› ԱԱԾ-ն պետք է կանխի Քոչարյանի գայթակղությունները
››› Նիկոլն ընդդեմ Նիկոլի
››› Այսպես է լինում, երբ վեթթինգի փոխարեն հավատում են դատախազի ազնիվ խոսքին
››› Սրանց գործը փախնողներին «հաջող» անելն է
››› Արսեն Թորոսյանն ու Ալեն Սիմոնյանը՝ 1-9 հաշվով պարտության գլխավոր մեղավորներ
››› Ակորդեոնիստը որոշել է նստել «սուխոյ ատկազով»
››› ՀՀԿ-ի անհաջող գրագողությունը
››› Տանը վեր ընկնելու ժամանակները
››› Անցյալի պատանդները

Ամսվա ամենաընթերցվածները