09.09.2021   21:30
531

ՏԻՄ ընտրությունների արդյունքները կարող են կանխել իշխանության գայթակղությունները


Այն, ինչ իշխանությունը մեծ ոգևորությամբ անվանում է պողպատե մանդատ, իրականում իր հատկանիշներով ու օգտագործման կիրառելիության բնորոշիչներով ավելի շատ հիշեցնում է հաբռգելու մանդատի:

Համենայնդեպս իշխանության հռետորաբանությունը և վարքը այդ են վկայում: Ընդամենը մի քանի ամիս առաջ խեղճ և վախվորած իշխանությունը դարձել է ամբարտավան, իսկ քննադատությանը հակադարձում է նույն տոնայնությամբ և ցինիկությամբ, ինչ անում էր Սերժ Սարգսյանի ուշ շրջանի կառավարությունը: Իսկ դա նրանք անում էին, որովհետև իրենց թվում էր, թե հաղթել են բոլոր ներքաղաքական ճգնաժամերում և երկրի ներսում այլևս արժանի հակառակորդ չունեն:

Մերկապարանոց չհնչելու համար բերենք երկու օրինակ: 2017 թվականի ապրիլի 2-ին իրենց կարծիքով փառահեղ հաղթանակ տանելու առիթով հանրապետականները հրավառություն կազմակերպեցին: Եվ դա չնայած այն հանգամանքին, որ այդ օրը լրանում էր Ապրիլյան պատերազմում զոհված զինծառայողների առաջին տարին:
Հանրապետականները մտածեցին` հաղթել ենք, ինչ կուզենք, այն էլ կանենք: Նրանք էլ էին գոհ խորհրդարան բերած իրենց ընդդիմությունից: Նրանց էլ էր թվում, թե ցանկացած պահի կփակեն լաչառ ընդդիմության բերանը:

Հունիսի 20-ի հաղթանակից հետո ներկայիս իշխանությունները նույն տրամադրությունն ունեն: ԱԺ նախագահն ու երկրի թիվ մեկ աներձագը մեկնում են Հունաստան և տժժում այնպես, կարծես ոչ մի բան էլ չի պատահել և մի քանի օրից չի լրանում 44-օրյա պատերազմի հազարավոր զոհերի առաջին տարելիցը:

Այս երկու իրադարձությունը նույն անունն ունեն` արբեցած, իրականությունից կտրված և սանձարձակ իշխանություն: Ինչ եղավ առաջինի հետ նկարագրված իրադարձություններից մի տարի հետո, հայտնի է:

Ինչ կլինի գործողների հետ, այս պահին դժվար է կանխատեսել: Բայց հասարակությունը պետք է գիտակցի արբեցած և սանձարձակ իշխանության վտանգավորությունը: Չնայած ընտրությունները տեղի են ունեցել ընդամենը 3 ամիս առաջ, առաջիկայում հասարակությունը հնարավորություն ունի սառը ջուր լցնելու և «օյաղացնելու» իշխանությանը: Խոսքը ՏԻՄ ընտրությունների մասին է: Եթե իշխանությունը պարտվի այնպիսի մեծ քաղաքներում, ինչպիսիք են Գյումրին, Վանաձորը, Կապանը և Գորիսը, դա էականորեն կնպաստի իշխանության իրականություն վերադառնալուն:

Վերոհիշյալ քաղաքների բնակիչները շանս ունեն իրենց քվեարկությամբ կանխել իշխանությունների էլ ավելի հաբռգելու տրամադրությունները: Այդ քաղաքներում պարտության դեպքում էապես կնվազի իշխանության լեզվի երկարությունը ու ամենակարևորը՝ սեփական քիմքին ու ճաշակին համապատասխան պետություն կառուցելու գայթակղությունը: Մի բան է կանխել Քոչարյանի վերադարձը, մեկ այլ բան՝ քարտ բլանշ տալ խելքին եկածը իրագործելու համար:

Եթե իշխանություններին հաջողվի այդ քաղաքներում նույնպես հաղթանակ տանել, ապա Ալեն Սիմոնյանի ու Հրաչի անզուսպ թռչկոտելը մանկական չարաճճիություն կթվա: Նրանց ոչինչ չի խանգարի Հունաստանի կայֆերը տեղափոխել Երևանի կենտրոն:

Արիս Վաղարշակյան



 Պիտակներ

         Արիս Վաղարշակյան

››› Չարենց. Դաշնակցականներին (Ներբող քաղաքական)
››› Սա քո պատերազմն էր, Նիկո՛լ
››› Ոչ ոք չի թաքցրել տարածքներ զիջելու փաստը
››› Քայլ արեք, իրար կերեք
››› Արմեն Շեկոյան. Միջնորդը
››› «Չորրորդ իշխանություն» թերթի և 4rd.am կայքի ՀԱՅՏԱՐԱՐՈՒԹՅՈՒՆԸ
››› Ո՞ւմ ձեռնտու չէ 200 միլիոն դոլարի ներդրումը
››› Երևանի ժառանգության պաշտպանության կոմիտեի հայտարարությունը
››› Իշխելու թշվառությունն ու փառքի արվեստը
››› Անասնաֆերմա՝ Նարեկ Սարգսյանից Նիկոլ Փաշինյանին... Տիգրան Ավինյանին էլ
››› Մերժվածների ջղակծկումների և վարչապետի ձախողումների արանքում
››› Ո՞վ է եղել իրական դավաճանը
››› Երբ թիրախավորվում է լռությունը
››› Ինչո՞ւ են զինվորները զոհվում Ղարաբաղում և ինչո՞ւ են բոլոր զոհերը հայաստանցի
››› Մշակութային հեղափոխություն չի լինելու
››› Ատելության խոսքը, ամբոխահաճությունը և տրամաբանությունը
››› Տաշիրյան սարդոստայն
››› Գործող Սահմանադրությունը կարող է ոչնչացնել հեղափոխությունը
››› Առաջիկա երկու-երեք ամիսները վճռորոշ են լինելու
››› ԱԱԾ-ն պետք է կանխի Քոչարյանի գայթակղությունները
››› Նիկոլն ընդդեմ Նիկոլի
››› Այսպես է լինում, երբ վեթթինգի փոխարեն հավատում են դատախազի ազնիվ խոսքին
››› Սրանց գործը փախնողներին «հաջող» անելն է
››› Արսեն Թորոսյանն ու Ալեն Սիմոնյանը՝ 1-9 հաշվով պարտության գլխավոր մեղավորներ
››› Ակորդեոնիստը որոշել է նստել «սուխոյ ատկազով»
››› ՀՀԿ-ի անհաջող գրագողությունը
››› Տանը վեր ընկնելու ժամանակները
››› Անցյալի պատանդները

Ամսվա ամենաընթերցվածները


















Էս չե՞ք դուք
Էս չե՞ք դուք
06.09.2021 / 1284