Երեքշաբթի 19.10.2021 00:46

16.09.2021   12:00
615

Երկու արտահայտություն, որոնք դեռ երկար կցնցեն Հայաստանը


Շաբաթվա ընթացքում ամենաքննարկված քաղաքական օրակարգի երկու հարցերը չափազանց մեծ օրգանական կապ ունեն: Խոսքը Անկախության տոնը նշելու և Կապան-Գորիս ճանապարհին ըստ էության ադրբեջանական մաքսատուն հայտնվելու մասին է: Երկու հարցերն էլ չափազանց կարևոր են, իսկ վերջինը նաև մարտահրավեր առաջացնող խնդիր է: Դրանք քննարկվելու և քննադատվելու էին, սակայն Նիկոլ Փաշինյանի անպատեհ, անհեռատես և միաժամանակ, որքան էլ տարօրինակ հնչի, անկեղծ պատասխանները լրացուցիչ էմոցիաներ ու կրքեր առաջացրեցին հասարակության շրջանում: Եվ դեռ երկար էլ առաջացնելու են:

Առաջինը վերաբերում է գունագեղ արտահայտությանը, որի համար նա արդեն ներողություն խնդրեց: Անցել են այն ժամանակները, երբ Փաշինյանը կարող էր առանց թղթի ելույթ ունենալ ու ֆուրոր անել: Անդառնալիորեն անցել են: Հիմա նրա ցանկացած բանավոր ելույթ ավելի շատ խնդիրներ է առաջացնում, ավելի մեծ շփոթմունք գեներացնում, համակիրների ու թիմակիցների համար կարմրելու ավելի շատ առիթներ ստեղծում:

Ադրբեջանցիների կողմից իրանցի վարորդներից մաքսատուրք պահանջելու մասին հարցին պատասխանելիս, Փաշինյանը անկեղծորեն խոստովանեց, թե որքան անհեռատես են գտնվել անցյալ տարվա նոյեմբերի 9-ի համաձայնագիրը ստորագրելիս, երբ մոռացել են նշել նաև արտասահմանյան բեռների մասին կետը:

Փաշինյանը հաճախ է մեղադրում ընդդիմությանը, թե վերջիններս իրենց ելույթներով կոնկրետ ուղղություններ ու ճանապարհներ են ցույց տալիս, թե որտեղից պետք է հարձակվի թշնամին: Կարծես քարե դար է, իսկ հետախուզական ԱԹՍ-ների մասին Ադրբեջանում չեն էլ լսել:

Երեկ խորհրդարանում իր ելույթով, անկեղծ պատասխանով Փաշինյանը չափազանց հեշտացրեց ադրբեջանցիների գործը: Թե՛ իրանցիների, թե՛ միջազգային մյուս դերակատարների հետ հարաբերվելիս ադրբեջանցիները կարող են սար ու ձոր չընկնել, այլ միանգամից միացնել ՀՀ վարչապետի պաշտոնական ելույթը: Դժվար թե դրանից հետո որևէ մեկի մոտ հարցեր առաջանան: Պատահական չէ, որ Հայաստանում հավատարմագրված դեսպաններից որևէ մեկը գրառում չարեց և չգրեց` եթե անհանգիստ է Որոտանում, ուրեմն անհանգիստ է նաև Երևանում: Մի պարզ պատճառով` խնդրի առաջնային հասցեատերը ասում է, որ մեր մեղքով չենք ամրագրել համապատասխան պարբերությունը, ուրեմն դժվար կլինի Ադրբեջանին մեղադրել և համոզել, թե խախտվել է Հայաստանի սուվերենությունը:

Երեքուկես տարին բավարար էր լրացնելու դիվանագիտության այբուբենին տիրապետելու բացը:

Համալսարաններում հենց այդքան է պահանջվում, առանց գործնական պարապմունքների: Իսկ այս դեպքում հավակնորդը գործնական աշխատանքների մեծ հնարավորություն ուներ:

Կարելի է միայն կռահել, թե գործող իշխանությունների ու մասնավորապես Փաշինյանի հեռացումից հետո, որքան զավեշտալի պատմություններ կտիրաժավորեն արտասահմանցի դիվանագետները` վերհիշելով նրա հետ զրույցները:

Մի բան է առիթ չտալ նոր էսկալացիայի, անհեռատես ու պոպուլիստ հայտարարություններով չոռոգել Ադրբեջանի միլիտարիստական քաղաքականությունը, մեկ այլ բան է նույն այդ քաղաքականությունը բացատրել և հիմնավորել սեփական անհեռատեսությամբ: Անկեղծությունը կգնահատվի, բայց ռեալ-պոլիտիկում անդառնալի վնասներ կհասցնի պետականությանը:

Արիս Վաղարշակյան



 Պիտակներ

         Արիս Վաղարշակյան

››› Չարենց. Դաշնակցականներին (Ներբող քաղաքական)
››› Սա քո պատերազմն էր, Նիկո՛լ
››› Ոչ ոք չի թաքցրել տարածքներ զիջելու փաստը
››› Քայլ արեք, իրար կերեք
››› Արմեն Շեկոյան. Միջնորդը
››› «Չորրորդ իշխանություն» թերթի և 4rd.am կայքի ՀԱՅՏԱՐԱՐՈՒԹՅՈՒՆԸ
››› Ո՞ւմ ձեռնտու չէ 200 միլիոն դոլարի ներդրումը
››› Երևանի ժառանգության պաշտպանության կոմիտեի հայտարարությունը
››› Իշխելու թշվառությունն ու փառքի արվեստը
››› Անասնաֆերմա՝ Նարեկ Սարգսյանից Նիկոլ Փաշինյանին... Տիգրան Ավինյանին էլ
››› Մերժվածների ջղակծկումների և վարչապետի ձախողումների արանքում
››› Ո՞վ է եղել իրական դավաճանը
››› Երբ թիրախավորվում է լռությունը
››› Ինչո՞ւ են զինվորները զոհվում Ղարաբաղում և ինչո՞ւ են բոլոր զոհերը հայաստանցի
››› Մշակութային հեղափոխություն չի լինելու
››› Ատելության խոսքը, ամբոխահաճությունը և տրամաբանությունը
››› Տաշիրյան սարդոստայն
››› Գործող Սահմանադրությունը կարող է ոչնչացնել հեղափոխությունը
››› Առաջիկա երկու-երեք ամիսները վճռորոշ են լինելու
››› ԱԱԾ-ն պետք է կանխի Քոչարյանի գայթակղությունները
››› Նիկոլն ընդդեմ Նիկոլի
››› Այսպես է լինում, երբ վեթթինգի փոխարեն հավատում են դատախազի ազնիվ խոսքին
››› Սրանց գործը փախնողներին «հաջող» անելն է
››› Արսեն Թորոսյանն ու Ալեն Սիմոնյանը՝ 1-9 հաշվով պարտության գլխավոր մեղավորներ
››› Ակորդեոնիստը որոշել է նստել «սուխոյ ատկազով»
››› ՀՀԿ-ի անհաջող գրագողությունը
››› Տանը վեր ընկնելու ժամանակները
››› Անցյալի պատանդները

Ամսվա ամենաընթերցվածները

Գույժ
Գույժ
16.10.2021 / 8988




























Հերքում
Հերքում
12.10.2021 / 1399

Պողոսի երազը
Պողոսի երազը
12.10.2021 / 1318




















Բազմածնունդը
Բազմածնունդը
11.10.2021 / 618