Քաղաքական
06.06.2020 / 12:00
Լուր-մեկնաբանություն
06.06.2020 / 10:00
Քաղաքական
06.06.2020 / 09:30
Լուրեր
06.06.2020 / 09:00
4rd.am на русском
06.06.2020 / 09:00
22.10.2019   09:45
2343

Առաքելություն ձախողածը


Հեղափոխության առաջին օրվանից խոսվում է նոր իշխանության կադրային սովի մասին: Դա առավել քան ակնհայտ երևաց իշխող ուժի խորհրդարանական խմբակցությունը կազմավորելիս:

ԱԺ-ն ունի 12 մշտական հանձնաժողով և որքան էլ զավեշտալի է, օպտիմալացման ջատագով իշխանությունը մեկով ավելացրեց հանձնաժողովների քանակը՝ նախորդ գումարման խորհրդարանների համեմատ: 12 հանձնաժողովն էլ ունեն նույն իրավասությունները, սակայն կա հստակ համոզմունք՝ օրենսդիր մարմնի գլխավոր մշտական հանձնաժողովը՝ պետաիրավական հանձնաժողովն է: Այս հանձնաժողովով է անցնում օրենքների գերակշիռ մասը: Այստեղ է ամենից հաճախ եզրակացություն տրվում՝ նախագիծը հնարավորություն ունի՞ դառնալու օրենք: 

Եվ ահա, այդ հանձնաժողովի նախագահ է ընտրվում ՍԴ աշխատակազմի նախկին ղեկավար Վլադիմիր Վարդանյանը: Հատկանշական է, որ նրան նախկին պաշտոնում նշանակել էր Հրայր Թովմասյանը՝ ՍԴ նախագահ դառնալուց անմիջապես հետո: Սովորաբար, աշխատակազմերի ղեկավար նշանակում են մեկին, ում նկատմամբ ունեն անվերապահ վստահություն: 

Եվ եկանք մի հանգրվանի, երբ իշխանությունը Հրայր Թովմասյանի հետ 1.5 տարի սիլի-բիլի անելուց հետո, այնուամենայնիվ, որոշեց նրան ուղարկել տուն: Եվ որքան էլ զավեշտալի անհավատալի թվա, այդ կարևորագույն առաքելությունը հանձնարարեց Թովմասյանի նախկին ենթակային՝ Վլադիմիր Վարդանյանին: Նրան վստահվեց պաշտոնանկ անել մեկին, ում պարտական էր պաշտոնական առաջխաղացման համար:

Այս պահին դժվար է ասել՝ Վարդանյանը միտումնավոր, թե գիտելիքների պակասի պատճառով Թովմասյանից ազատվելու գործը տարավ մի ուղղությամբ, որը շատերի կարծիքով ի սկզբանե դատապարտված էր: ՍԴ-ն պարզապես վարույթ չընդունեց միջնորդությունը՝ այդ թվում հղում անելով ժամկետների խախտմանը: Մի բան, որ կես բերան ընդունում է նաև Վարդանյանը:

Բայց Վարդանյանը ոչ միայն ձախողեց միջնորդությունը, այլև արեց ավելի վտանգավոր բան՝ որոշակիորեն շրջանառությունից հանելով ամենակարևոր փաստարկը՝ ՍԴ-ի դատարանակազմության և ուստի լեգիտիմության հարցը: Այն է՝ նրանք ՍԴ անդամներ են և ոչ թե դատավորներ:

Եվ այժմ չքմեղանում է և կայքերից մեկին տված հարցազրույցում ասում. «Ավելին, նշել ենք, որ այս դիմումի շրջանակում դատավոր նշանակում է անդամ, անդամ նշանակում է դատավոր, և այս փուլում այս վեճին չենք անդրադառնում, մինչդեռ, ՍԴ-ի աշխատակարգային որոշման 16 էջից 6-ը վերաբերում է դատավոր-անդամ փոխհարաբերությանը»։ Քաղաքականությունը դերակատարային խաղեր չեն, չես կարող այսօր դիմել իբրև դատավորի, իսկ վաղը ասել, որ դու այսօր արդեն բժիշկ ես կամ ուսուցիչ: 

Իշխանությունը պետք է հետևություններ անի նման ձախողումներից, ամենակարևոր հարցերը մեկին վստահելիս՝ հասկանա նրա մասնագիտական կարողությունների չափը և հարաբերությունների խզման մակարդակը նախկին իշխանությունների հետ: Այլապես այսպիսի ձախողումները կդառնան օրինաչափություն:



Հարգելի ընթերցողներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելով Facebook-ի ձեր account-ը: Խնդրում ենք լինել կոռեկտ և հետևել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ և հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում:
 Պիտակներ

         Հրայր Թովմասյան, Վլադիմիր Վարդանյան


Գովազդ
››› Մերժվածների ջղակծկումների և վարչապետի ձախողումների արանքում
››› Ո՞վ է եղել իրական դավաճանը
››› Երբ թիրախավորվում է լռությունը
››› Ինչո՞ւ են զինվորները զոհվում Ղարաբաղում և ինչո՞ւ են բոլոր զոհերը հայաստանցի
››› Մշակութային հեղափոխություն չի լինելու
››› Ատելության խոսքը, ամբոխահաճությունը և տրամաբանությունը
››› Տաշիրյան սարդոստայն
››› Գործող Սահմանադրությունը կարող է ոչնչացնել հեղափոխությունը
››› Առաջիկա երկու-երեք ամիսները վճռորոշ են լինելու
››› ԱԱԾ-ն պետք է կանխի Քոչարյանի գայթակղությունները
››› Նիկոլն ընդդեմ Նիկոլի
››› Այսպես է լինում, երբ վեթթինգի փոխարեն հավատում են դատախազի ազնիվ խոսքին
››› Սրանց գործը փախնողներին «հաջող» անելն է
››› Արսեն Թորոսյանն ու Ալեն Սիմոնյանը՝ 1-9 հաշվով պարտության գլխավոր մեղավորներ
››› Ակորդեոնիստը որոշել է նստել «սուխոյ ատկազով»
››› ՀՀԿ-ի անհաջող գրագողությունը
››› Տանը վեր ընկնելու ժամանակները
››› Անցյալի պատանդները

Ամենաընթերցված













































«ՉԻ» ռիթմով
«ՉԻ» ռիթմով
06.06.2020 / 118

Ստոպ-կադր
Ստոպ-կադր
06.06.2020 / 105