ԱԺ պետաիրավական հարցերի մշտական հանձնաժողովի նախագահ Վլադիմիր Վարդանյանը՝ մեկնաբանելով այն փաստը, որ Սահմանադրական դատարանը Հրայր Թովմասյանի լիազորությունները դադարեցնելու վերաբերյալ դիմումը վարույթ ընդունելը մերժելու որոշում է կայացրել, ասել է.
«Անսպասելի էր, որովհետև այստեղ պետք էր քննարկել բացառապես ֆորմալ հիմքերը։ Սահմանադրական դատարանը փորձում է տարբեր պատճառներով խուսափել բարդ գործերի քննությունից։
«ՉԻ». Մի անգամ էլ ենք հիշեցնում. ԱԺ պետաիրավական հարցերի մշտական հանձնաժողովի նախագահ Վլադիմիր Վարդանյանն է: Թե բա՝ ՍԴ-ի որոշումը անսպասելի էր:
Իսկ ի՞նչ էիք սպասում: Սրանք դեռ թավշե ամպերի մեջ են սավառնում, իրենց թվում է, թե բավական է դեմքի լուրջ արտահայտությամբ միտք հայտնեն, ուրեմն, բոլորն էլ դա պետք է լուրջ ընդունեն:
Այսպիսի որակով խորհրդարանին Սահմանադրական դատարանի այդ խմբակը՝ Հրայր Թովմասյանի գլխավորությամբ, դեռ շատ է հինգ մատի արանքով նայել: Կամ՝ ընդհանրապես չի նայել:
ՍԴ դատավոր Վահե Գրիգորյանը Հրայր Թովմասյանի հարցը լուծելու ճանապարհը ծամել, դրել է խորհրդարանի բերանը, սրանք դեռ զիլինա են խաղում:
Իսկ Վլադիմիր Վարդանյանին խորհուրդ կտանք դիտել Վահե Գրիգորյանի նոր մեկնաբանությունը, թող սովորի: