Հինգշաբթի 28.01.2021 01:59

Սատիրիկոն/Լուր-մեկնաբանություն
27.01.2021 / 22:00
Սատիրիկոն/Լուր-մեկնաբանություն
27.01.2021 / 21:00
Սատիրիկոն/Լուր-մեկնաբանություն
27.01.2021 / 20:00
Սատիրիկոն/Լուր-մեկնաբանություն
27.01.2021 / 19:00
Սատիրիկոն/Լուր-մեկնաբանություն
27.01.2021 / 17:30
Սատիրիկոն/Լուր-մեկնաբանություն
27.01.2021 / 16:00
29.11.2020   20:00
484

Արկածախնդրության լեգիտիմացում


Ուղեղների լվացումը շարունակվում է: Վարչապետը պնդում է, որ ինքն է ամեն ինչի համար պատասխանատու՝ հընթացս պատասխանատվությունը գցելով ժողովրդի վրա: Ժողովրդի մեծ մասը լուռ է: Եվ սա բնական է, որովհետև կատարվածը դեռ պետք է վերապրել: Վարչապետի անպատասխանատվությանը մեծապես աջակցում են իրենց ընդդիմություն հռչակած ուժերը: Ինչպե՞ս: 

Ահա, նրանք հայտարարում են, որ իշխանությունը հող է հանձնել, իշխանությունը պարտվել է պատերազմում կամ դավադրաբար ծախել է Արցախը: Փաշինյանին անվանում են դավաճան, հողատու: Իսկ իրականում երկուստեք շարունակում են ոչմիթիզականության ազգակործան քարոզը: Սա՛ է նրանց լեգիտիմության երաշխիքը: Երկուստեք: Որովհետև շատ լավ հասկանում են, որ միասին են «կերտել» պարտությունը, միասին են պատասխանատու Հայաստանին ու Արցախին պատուհասած աղետի համար: Ու հիմա լեգիտիմացնում են արկածախնդրությունը՝ նոր արկածախնդրության համար ճանապարհ բանալով:

Այսպես, երբ իշխանության ներկայացուցիչ Լենա Նազարյանին լրագրողը փոխանցում է ընդդիմության մեղադրանքը, թե իրենք հող են հանձնել, սույն տիկինը պատասխանում է, որ հողերը կորսվել են պատերազմի հետևանքով: Շատ հանգիստ արդարանում է նրանով, որ պատերազմ է եղել և խոստովանում, որ իրենց կարելի էր դավաճան համարել միայն մեկ դեպքում՝ եթե պատերազմից խուսափեին: Եվ հավելում է, որ իրենք պայքարել են: Ո՞ւմ և ինչի՞ հաշվին...

Սրանք երևի մտածում էին, որ միայն դուխով կարելի է հաղթել, որ մարտի դաշտը Երևանի փողոցն է, որ թշնամու դիրքը ԵՊՀ դուռն է կամ ռադիոտունը: Սրանք չէին ուզում դավաճան համարվել, դրա համար երկիրը տարան կործանման ուղիով: 

Չգիտեմ՝ ինչ են մտածում այս մարդիկ և մտածո՞ւմ են արդյոք: 

Ուրեմն դավաճան չհամարվելու համար սրանք կարողացան 5000 երիտասարդների կյանք խլել, հազարավոր վիրավորների խեղված կյանքի պատճառ դառնալ: Սրանք կարողանում են հանգիստ ապրել, երբ թշնամու ձեռքին բազմաթիվ գերիներ ունենք, երկրում գաղթականներ կան, բանակի ողնաշարը ջարդված է:

Ու հիմա վարչապետը հայտարարում է, որ ինքը պատասխանատու է եղածի և ապագայի համար: Ինքը ապագա է տեսնում, այն էլ՝ իր պատասխանատվությամբ:

2,5 տարի համարյա բացարձակ իշխանություն ունեցող մարդը խուսափել է պատասխանատվությունից՝ միայն ու միայն նախկիններից վախենալով: Այո՛, նա վախենում էր, որ նախկիններն իրեն հող հանձնող էին անվանելու, դավաճան էին հայտարարելու, եթե ընտրեր խաղաղ կարգավորման՝ կործանարար պատերազմից խուսափելու լուծումը: Այսինքն՝ իր կաշին փրկելու համար Հայաստանը դարձրեց պարտված երկիր, դուրս դրեց բոլոր զարգացումներից, հազարավոր կյանքեր խլեց: 

Նախկիններն իրենց հերթին լավ նախապատրաստել էին աղետը՝ 22 տարի իշխանություն վայելելով, «հաղթողականությամբ» երկրի թալանն արդարացնելով:

Ու հիմա չեն ուզում, չեն կարող հետ կանգնել իրենց «հերոսական» հռետորաբանությունից: Չեն ուզում և մեծապես օգնում են անպատասխանատու և անմեղսունակ իշխանությանը: 

Ահա այսպես են երկուստեք լեգիտիմացնում արկածախնդրությունը:

Զարուհի Գաբրիելյան

«Չորրորդ իշխանություն», թիվ 37, 2020



Համաձայն «Հեղինակային իրավունքի և հարակից իրավունքների մասին» օրենքի՝ լրատվական նյութերից քաղվածքների վերարտադրումը պետք է չբացահայտի նյութի էական մասը: Կայքի նյութերից քաղվածքներ արտատպելիս լրատվամիջոցի անվանման նշումը և ակտիվ հղումի տեղադրումը պարտադիր է:
Հարգելի ընթերցողներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելով Facebook-ի ձեր account-ը: Խնդրում ենք լինել կոռեկտ և հետևել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ և հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում:
 Պիտակներ

         Զարուհի Գաբրիելյան, Լենա Նազարյան, Նիկոլ Փաշինյան, «Չորրորդ իշխանություն»


››› «Չորրորդ իշխանություն» թերթի և 4rd.am կայքի ՀԱՅՏԱՐԱՐՈՒԹՅՈՒՆԸ
››› Ո՞ւմ ձեռնտու չէ 200 միլիոն դոլարի ներդրումը
››› Երևանի ժառանգության պաշտպանության կոմիտեի հայտարարությունը
››› Իշխելու թշվառությունն ու փառքի արվեստը
››› Անասնաֆերմա՝ Նարեկ Սարգսյանից Նիկոլ Փաշինյանին... Տիգրան Ավինյանին էլ
››› Մերժվածների ջղակծկումների և վարչապետի ձախողումների արանքում
››› Ո՞վ է եղել իրական դավաճանը
››› Երբ թիրախավորվում է լռությունը
››› Ինչո՞ւ են զինվորները զոհվում Ղարաբաղում և ինչո՞ւ են բոլոր զոհերը հայաստանցի
››› Մշակութային հեղափոխություն չի լինելու
››› Ատելության խոսքը, ամբոխահաճությունը և տրամաբանությունը
››› Տաշիրյան սարդոստայն
››› Գործող Սահմանադրությունը կարող է ոչնչացնել հեղափոխությունը
››› Առաջիկա երկու-երեք ամիսները վճռորոշ են լինելու
››› ԱԱԾ-ն պետք է կանխի Քոչարյանի գայթակղությունները
››› Նիկոլն ընդդեմ Նիկոլի
››› Այսպես է լինում, երբ վեթթինգի փոխարեն հավատում են դատախազի ազնիվ խոսքին
››› Սրանց գործը փախնողներին «հաջող» անելն է
››› Արսեն Թորոսյանն ու Ալեն Սիմոնյանը՝ 1-9 հաշվով պարտության գլխավոր մեղավորներ
››› Ակորդեոնիստը որոշել է նստել «սուխոյ ատկազով»
››› ՀՀԿ-ի անհաջող գրագողությունը
››› Տանը վեր ընկնելու ժամանակները
››› Անցյալի պատանդները

Ամենաընթերցված


























37-ի երկրպագուն
37-ի երկրպագուն
07.01.2021 / 4855