27.02.2021   16:05
581

Պատուհասը պետք է հեռանա


2020թ. նոյեմբերի 10-ից անցել է 3,5 ամիս: Սակայն Հայաստանի իշխանությունը որևէ իրատեսական ծրագիր չունի ստեղծված ծանրագույն իրավիճակից դուրս գալու համար: Այդպիսի ծրագիր չունի նաև բազմաշերտ ընդդիմությունը: Մենք ապագայի մասին չենք մտածում, մենք անգամ ներկա չունենք: Եվ մինչ օրս քննարկվում են հետևյալ հարցերը.

1. ինչու՞ պարտվեցինք
2. ո՞վ է մեղավոր:

Քաղաքական խոսույթում ավելի քիչ տեղ էր զբաղեցնում «ինչո՞ւ սկսվեց պատերազմը», ըստ մեզ, շատ ավելի կարևոր հարցը: Թեպետ ոմանք այն արծարծում են, սակայն իրական պատասխանը ձեռնտու չէր ո՛չ իշխանությանը, ո՛չ ընդդիմությանը: Իսկ պրիմիտիվ պատասխանները միայն սրան-նրան արդարացնելու բնույթի են: Այսպես, Ռ. Քոչարյանն ասում է, որ եթե ինքը վարչապետ լիներ, պատերազմ չէր սկսվի, իշխանությունը պնդում է, որ եթե պատերազմ չլիներ, միևնույնն է, հողերը տալու էին, բայց իրենց դավաճան էին անվանելու, մի երրորդ կողմ ամեն ինչում մեղադրում է ռուսներին և թուրքերին: Բոլոր պատասխաններում բացակայում է Հայաստանի և Արցախի գործոնը, բոլոր պատասխանները մեղքը այլոց վրա գցելու փորձեր են. ուրիշ ոչինչ:

Այնուամենայնիվ, անդրադառնանք նաև ներհայաստանյան ճգնաժամին, որ տևում է արդեն 3,5 ամիս: Դրա հիմքում իշխանության խնդիրն է: 

Նոյեմբերի 10-ին թվում էր՝ Ն. Փաշինյանն ու նրա թիմն այլևս անելիք չունեն Հայաստանում, որովհետև ինչքան էլ փորձեն այլ պատճառներ ու մեղավորներ գտնել, իրենք են պատասխանատու պատերազմի համար: Այո՛, աղետը նրա՛նց ապաշնորհության, անգործության հետևանքն է: Թվում էր՝ կընտրեն արտահերթ ընտրություններ նախաձեռնելու ուղին և անցնցում կհեռանան: Բայց միայն թվում էր: Եվ ահա շարունակելով նույն պոպուլիստական, անլուրջ հռետորաբանությունը, անցյալն իսպառ սևացնելու, ոչնչացնելու կործանարար քարոզչությունը, խաղալով ոմանց ցածր բնազդների վրա՝ նրանք պահում են իշխանությունը: 

Վարչապետի վերջին սկանդալային հարցազրույցից անտեսված մնաց մի հայտարարություն, որ միտված էր մարդկանց ուշադրությունը գլխավոր խնդրից շեղելուն և հերթական անգամ ապացուցում էր իշխողների փոքրոգությունն ու դիլետանտիզմը: Ն. Փաշինյանը հայտարարեց, որ վերացրել է մեր երկրում կայացած միակ ինստիտուտը՝ կոռուպցիան: Հասկանո՞ւմ եք, ուրեմն մեր երկրում բոլորս միասին կարողացել էինք միայն կոռուպցիա ստեղծել, ո՛չ բանակ ունեինք, ո՛չ պետական ինստիտուտներ, ոչ մի բան չունեինք: Բոլորս կոռումպացված էինք, ինքը՝ մաքրամաքուր փրկիչը, մեզ ազատեց այդ ախտից: Ընդ որում, այս հայտարարությունն ապացուցող որևէ հավաստի փաստ չկա, չի բերվում... 

Այս մարդը չի հասկանում, թե ամեն անգամ բերանը բացելիս ինչ վնասներ է տալիս Հայաստանին և Արցախին, այս մարդը չի ընդունում, որ անկարող է պետություն ղեկավարել և պետք է հեռանա: 

Ներկա իշխանությունն ինչ էլ անի, չի կարողանալու վերականգնել 2018-ին ունեցած վտահություն իր նկատմամբ, որովհետև եթե անգամ մոռանանք մոտ երեք տարվա նրա անգործությունը, անհնար է հաշտվել պատերազմի 44 օրերի բացարձակ ստի հետ: Անհնար է չհիշել զոհված հազարավոր երիտասարդներին, հաշմանդամներին, տեղահանվածներին: Անհնար է մոռանալ Շուշիի և Հադրութի կորուստը: 

Ի վերջո, անհնար է մոռանալ, որ Ն. Փաշինյանն իր ինքնասիրահարվածության և վախկոտության պատճառով դարձավ պատերազմի հրձիգ, արժեզրկեց երկիրը, կործանեց բանակը: 

Արցախի հարցը չի լուծվել, ավելին՝ հիմա ունենք Հայաստանի լինել-չլինելու խնդիր: Ունենք աշխարհի հետ հարաբերվելու կարողություն ունեցող, իրատես և լուրջ կառավարության կարիք: Կարո՞ղ ենք այս դժվարին իրավիճակում վստահել մի մարդու, մի ուժի, որոնց անլրջությունն ապացուցման կարիք չունի: Չենք կարող:

Զարուհի Գաբրիելյան

«Չորրորդ իշխանություն», թիվ 8, 2021



Համաձայն «Հեղինակային իրավունքի և հարակից իրավունքների մասին» օրենքի՝ լրատվական նյութերից քաղվածքների վերարտադրումը պետք է չբացահայտի նյութի էական մասը: Կայքի նյութերից քաղվածքներ արտատպելիս լրատվամիջոցի անվանման նշումը և ակտիվ հղումի տեղադրումը պարտադիր է:
Հարգելի ընթերցողներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելով Facebook-ի ձեր account-ը: Խնդրում ենք լինել կոռեկտ և հետևել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ և հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում:

 Պիտակներ

         «Չորրորդ իշխանություն», Զարուհի Գաբրիելյան, Նիկոլ Փաշինյան


››› Չարենց. Դաշնակցականներին (Ներբող քաղաքական)
››› Սա քո պատերազմն էր, Նիկո՛լ
››› Ոչ ոք չի թաքցրել տարածքներ զիջելու փաստը
››› Քայլ արեք, իրար կերեք
››› Արմեն Շեկոյան. Միջնորդը
››› «Չորրորդ իշխանություն» թերթի և 4rd.am կայքի ՀԱՅՏԱՐԱՐՈՒԹՅՈՒՆԸ
››› Ո՞ւմ ձեռնտու չէ 200 միլիոն դոլարի ներդրումը
››› Երևանի ժառանգության պաշտպանության կոմիտեի հայտարարությունը
››› Իշխելու թշվառությունն ու փառքի արվեստը
››› Անասնաֆերմա՝ Նարեկ Սարգսյանից Նիկոլ Փաշինյանին... Տիգրան Ավինյանին էլ
››› Մերժվածների ջղակծկումների և վարչապետի ձախողումների արանքում
››› Ո՞վ է եղել իրական դավաճանը
››› Երբ թիրախավորվում է լռությունը
››› Ինչո՞ւ են զինվորները զոհվում Ղարաբաղում և ինչո՞ւ են բոլոր զոհերը հայաստանցի
››› Մշակութային հեղափոխություն չի լինելու
››› Ատելության խոսքը, ամբոխահաճությունը և տրամաբանությունը
››› Տաշիրյան սարդոստայն
››› Գործող Սահմանադրությունը կարող է ոչնչացնել հեղափոխությունը
››› Առաջիկա երկու-երեք ամիսները վճռորոշ են լինելու
››› ԱԱԾ-ն պետք է կանխի Քոչարյանի գայթակղությունները
››› Նիկոլն ընդդեմ Նիկոլի
››› Այսպես է լինում, երբ վեթթինգի փոխարեն հավատում են դատախազի ազնիվ խոսքին
››› Սրանց գործը փախնողներին «հաջող» անելն է
››› Արսեն Թորոսյանն ու Ալեն Սիմոնյանը՝ 1-9 հաշվով պարտության գլխավոր մեղավորներ
››› Ակորդեոնիստը որոշել է նստել «սուխոյ ատկազով»
››› ՀՀԿ-ի անհաջող գրագողությունը
››› Տանը վեր ընկնելու ժամանակները
››› Անցյալի պատանդները

Ամենաընթերցված




Տիկին, լա՞վ եք
Տիկին, լա՞վ եք
22.04.2021 / 1397































Ցինիկ և տխմար
Ցինիկ և տխմար
13.04.2021 / 584





Ստոպ-կադր
Ստոպ-կադր
11.04.2021 / 556







Совет да любовь