Երկուշաբթի 18.01.2021 16:57

Սատիրիկոն/Լուր-մեկնաբանություն
18.01.2021 / 16:30
Սատիրիկոն/Լուր-մեկնաբանություն
18.01.2021 / 15:45
Սատիրիկոն/Լուր-մեկնաբանություն
18.01.2021 / 14:30
Ձեռագրերը չեն այրվում
17.01.2021 / 21:00
Քաղաքական
17.01.2021 / 20:00
06.12.2020   20:00
1144

Ղալաթը միասին եք արել


Չէ՛, Վազգեն Մանուկյանը մեղք չունի: Վազգեն Մանուկյանի հետևից երևում են բոլորին լավ հայտնի ականջներ: 

Ո՞ւմ: Իսկ ո՞ւմ օրոք էր բազմել անպետք ու անիմաստ Հանրային խորհրդի նախագահի բազկաթոռին: Ո՞ւմ օրոք ծպտուն չէր հանում երկրում տեղի ունեցող այլանդակությունների մասին: Համաշխարհային ազգի գաղափարական հայրն ո՞ւմ ներեց «գույք պարտքի դիմաց» ղալաթը: Կարծում ենք՝ հասկացաք: Վազգեն Մանուկյանն այսօր պարզապես խամաճիկ է նրանց ձեռքին, ովքեր ռուսների աչքին ուզում են ավելի ռուսամետ երևալ, քան Վլադիմիր Պուտինը: Այո՛, հենց այսպես, համաշխարհային ազգից վերածվում ենք համառուսաստանյան բոշայի:

Բայց դառնանք հայրենիքի փրկությանը: Ուրեմն 16-ը կամ 17-ը ուզում են փրկել հայրենիքը Նիկոլ Փաշինյանից՝ մեղադրելով նրան խայտառակ փաստաթուղթ ստորագրելու համար: Որ փաստաթուղթը խայտառակ է, կասկած չունենք: Բայց որ այդ խայտառակությունը չէր լինի, եթե 22 տարի շարունակ երկիրը չտանեին դեպի կործանարար պատերազմ և կապիտուլյացիա, նման փաստաթուղթ չէր լինի: Ուրեմն, նորընծա՛ խմբակային փրկիչներ, դուք և Նիկոլ Փաշինյանը հավասարապես եք պատասխանատու այս ազգակործան վիճակի համար: Պատասխանատու եք, որովհետև երբեք չեք ունեցել պետական մտածողություն: Որովհետև դու՛ք եք ոչմիթիզականությամբ խաբել ժողովրդին: Դու՛ք եք դավաճանություն որակել ցանկացած ռացիոնալ միտք: Դուք երբեք չեք մտածել երկրի զարգացման մասին: Ձեր հիմնական մտահոգությունը սեփական իշխանությունն է եղել՝ որպես հարստության աղբյուր: Դուք քողարկվել եք կեղծ ազգայնականությամբ, դուք մաս-մաս քանդել եք պետականությունը: Նիկոլ Փաշինյանը շարունակել է ձե՛ր ուղին: Ուրեմն ղալաթը միասին եք արել:

Հիմա հարց տանք փրկիչներին: Ի՞նչն եք փրկելու: Նոր պատերա՞զմ եք հրահրելու: Նոր զոհե՞ր են պետք: Բացատրե՛ք:

Ինչպե՞ս եք փրկելու Հայաստանը: Ծրագիր ունե՞ք, թե՞ Փաշինյանի ճանապարհային քարտեզի նման դատարկաբան թղթեր եք հրամցնելու ծանր հարվածից ուշքի չեկող հանրությանը:

Հիշեցնենք մեր ընթերցողներին ձեր խոստումներից մեկը. «Հայաստանը 100 տարի էլ կարող է զարգանալ շրջափակման մեջ»: Զարգացա՞վ: 1998-ից 2018-ը գործնականում անվերահսկելի իշխանություն ունեիք: Տնտեսությո՞ւնը զարգացրիք, թե՞ ԵՊՀ-ն դարձավ Կովկասի Օքսֆորդ: Բանակի վիճակի մասին խոսելն ավելորդ է, գիտենք, իմացանք: Ի դեպ, 10 տարի Հանրային խորհուրդ կոչվածը ղեկավարող սուպերփրկիչը քանի՞ անգամ է հետաքրքրվել մեր զինված ուժերով: Ժամանակին Պաշտպանության նախարար էր, չէ՞: 

Իսկ հիմա տեսնենք, թե ինչո՞ւ եք հայտնվել հրապարակում: Դուք հատատ գիտեք, որ եթե արտահերթ ընտրություններ լինեն, հաղթելու որևէ շանս չեք ունենա: Արտահերթ ընտրություններից է վախենում նաև ձեր հավատարիմ հետևորդը՝ Նիկոլ Փաշինյանը:

Ահա այդ պատճառով ձեզ պետք է ժամանակավոր կառավարություն: Ձեզ պետք է շրջանցել ընտրությունները և զավթել իշխանությունը: Ու հիմա օգտագործում եք Հայաստանի վիրավոր վիճակը՝ նորից իշխանության գալու համար: Հիմա նաև բարձր, շա՜տ բարձր եք աղաղակում, որ ներկա իշխանությունը դավաճան է, որ հող է հանձնել: Բախտներդ բերել է. Փաշինյանի «հեղափոխությունը» ձե՛զ է փրկել հողատուի խարանից: Իսկ հիմա Փաշինյանի արկածախնդրության հետևանքով իրավունք եք ստացել ձեր ոչմիթիզական, հայդատական պետականակործան հռետորաբանությունը նորից մեյդան բերելու, որ խաբեք ժողովրդին, նորից կերակրեք նրան Սևրի պայմանագրով ու ծովից ծով Հայաստանի պատրանքով: Սարսափած եք, որովհետև հասարակության ուղեղ ունեցող հատվածն սկսել է մտածել և պատերա՛զմն է դավաճանություն համարում: Լավ կլինի՝ ազատեք մեզ ձեզանից էլ, ձեր հոգեզավակ Փաշինյանից էլ: 

Զարուհի Գաբրիելյան

Հ.Գ. Իսկ Վազգեն Մանուկյանը ե՞րբ է Ն. Փաշինյանից ներողություն խնդրելու՝ համաշխարհային ազգի բարդույթով նրան վարակելու համար:

«Չորրորդ իշխանություն», թիվ 38, 2020



Համաձայն «Հեղինակային իրավունքի և հարակից իրավունքների մասին» օրենքի՝ լրատվական նյութերից քաղվածքների վերարտադրումը պետք է չբացահայտի նյութի էական մասը: Կայքի նյութերից քաղվածքներ արտատպելիս լրատվամիջոցի անվանման նշումը և ակտիվ հղումի տեղադրումը պարտադիր է:
Հարգելի ընթերցողներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելով Facebook-ի ձեր account-ը: Խնդրում ենք լինել կոռեկտ և հետևել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ և հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում:
 Պիտակներ

         Նիկոլ Փաշինյան, Զարուհի Գաբրիելյան, ոչմիթիզականություն, Վազգեն Մանուկյան, «Չորրորդ իշխանություն»


››› «Չորրորդ իշխանություն» թերթի և 4rd.am կայքի ՀԱՅՏԱՐԱՐՈՒԹՅՈՒՆԸ
››› Ո՞ւմ ձեռնտու չէ 200 միլիոն դոլարի ներդրումը
››› Երևանի ժառանգության պաշտպանության կոմիտեի հայտարարությունը
››› Իշխելու թշվառությունն ու փառքի արվեստը
››› Անասնաֆերմա՝ Նարեկ Սարգսյանից Նիկոլ Փաշինյանին... Տիգրան Ավինյանին էլ
››› Մերժվածների ջղակծկումների և վարչապետի ձախողումների արանքում
››› Ո՞վ է եղել իրական դավաճանը
››› Երբ թիրախավորվում է լռությունը
››› Ինչո՞ւ են զինվորները զոհվում Ղարաբաղում և ինչո՞ւ են բոլոր զոհերը հայաստանցի
››› Մշակութային հեղափոխություն չի լինելու
››› Ատելության խոսքը, ամբոխահաճությունը և տրամաբանությունը
››› Տաշիրյան սարդոստայն
››› Գործող Սահմանադրությունը կարող է ոչնչացնել հեղափոխությունը
››› Առաջիկա երկու-երեք ամիսները վճռորոշ են լինելու
››› ԱԱԾ-ն պետք է կանխի Քոչարյանի գայթակղությունները
››› Նիկոլն ընդդեմ Նիկոլի
››› Այսպես է լինում, երբ վեթթինգի փոխարեն հավատում են դատախազի ազնիվ խոսքին
››› Սրանց գործը փախնողներին «հաջող» անելն է
››› Արսեն Թորոսյանն ու Ալեն Սիմոնյանը՝ 1-9 հաշվով պարտության գլխավոր մեղավորներ
››› Ակորդեոնիստը որոշել է նստել «սուխոյ ատկազով»
››› ՀՀԿ-ի անհաջող գրագողությունը
››› Տանը վեր ընկնելու ժամանակները
››› Անցյալի պատանդները

Ամենաընթերցված
























37-ի երկրպագուն
37-ի երկրպագուն
07.01.2021 / 4789