13.03.2021   10:00
776

Արմեն Գրիգորյանի երազը


Տխուր-տրտում գնում է Բաղրամյան պողոտա՝ մասնակցելու ՀՓՇ-ի հոգեհանգստին: «Ա´յ մարդ, էս ո՞նց եղավ,- բարձր մտածում է ինքը,- ախր ոնց որ թե առողջ էր, քանի ամիս լավ աշխույժ էր, թռչկոտում էր, պարում-երգում էր, արդեն վարժ խոսում էր, դրսից էլ հույս էին տվել, որ լավ կլինի, էս ո՞նց մեռավ: Ա՜խ, Նիկոլ, գյոռբագյոռ լինես դու, հը՜»:

Հասնում է Բաղրամյան: Այնտեղ արդեն քելեխի սեղանները գցել են, մանրից ժողովուրդը նստում է: Սեղաններին հավի խաշլամա է, «Ցարսկոյե» ու «Մոսկովսկոյե» օղիներ: 

Առաջինը բաժակը վերցնում է Վազգեն Մանուկյանը: «Ծանր առիթով ենք այսօր հավաքվել: Գիտեք, Արմեն Սարգսյանը դեղատոմսը տենց էլ չուղարկեց Սահմանադրական դատարան, ու դա ազդեց ՀՓՇ-ի առողջության վրա: Ինչքա՜ն բարի գործեր էր արել: Որտեղ հայրենիքը կործանվում էր, առաջինն ինքն էր գնում փրկելու: Հանուն ազգի պատրաստ էր ամեն ինչի. հլը մեկը թարս նայեր, կողերն ու ճաղերը կջարդեր: Բայց հիմիկվանից եմ ասում. ես երբեք չեմ հաշտվելու նրա կորստի հետ: Մենք պիտի նրա հիշատակը վառ պահենք: Օղորմի»,- ավարտում է կենացը:

Հաջորդը խոսք է խնդրում Նաիրա Զոհրաբյանը: Կանգնում է, որ կենաց ասի, ինքը տեղից գոռում է. «Աղջիկ ջան, դու քելեխի ե՞ս եկել, թե՞ Փարիզի նորաձևության սալոն: Էդ հագիդ 20 հազարանոց սոբոլով ե՞ս հարգելու հանգուցյալի հիշատակը: Կորի աչքիցս, մի նեռվայնացրա ինձ, ա´յ ժեխ»:  Նաիրան մեկ ուզում է պատասխանել, մեկ էլ հիշում է, որ Գագիկ Ծառուկյանը չի եկել քելեխին, քանի որ հանդիպում է ունենալու Նիկոլ Փաշինյանի հետ, սուսուփուս թողնում, հեռանում է:

Բաժակ է վերցնում Ռոբերտ Քոչարյանը. «Հարգելի սեղանակիցներ...»,- սկսում է ինքը ու աչքի տակով նկատում, որ Wargonzo-ի Պեգովը իրեն տեսագրում է,- «хочу сказать, что покойник до конца боролся с нечистью: Но он так и не интегрировался с Россией: Вот почему умер: Как говорил чилийский мудрец Августин Пистолет, возьми быка за рака», և տխուր դեմքով խմում: 

«Չէ, չէ, չէ,  չէ, չէ.... չեմ հավատում: Չէ, չէ, չէ... բա դու դրան էի՞ր արժանի»,- ինչ-որ տեղից լսվում է Վարդուհի Իշխանյանի ողբը: 

Այդ պահին սեղանին է մոտենում Արմեն Սարգսյանը, գրպանից հանում ինչ-որ թղթի կտոր ու ասում. «Հեսա, բերել եմ, հո շատ չե՞մ ուշացել»: Իշխան Սաղաթելյանը վազելով մոտենում է Արմեն Սարգսյանին, նայում թուղթը, պաչում Արմեն Սարգսյանին և նրա հետ գիշերը կոալիցիա կազմելու առաջարկություն անում: Վազգեն Մանուկյանն անմիջապես հրահանգում է մարտական N1 վիճակի բերել «Դեմիրճյան» աշխարհազորային խմբավորումը, Քոչարյանը սկսում է «Վայ, մեր»-ը կարդալ:

Ինքը ջոկում է, որ Արմեն Սարգսյանը շանս է տվել, վերցնում է պարանը ու խորհրդարանի մուտքի մոտի ծառից կապում, կախաղան սարքում ու ձեն տալիս Արմեն Սարգսյանին. «Դե, կարդացեք, ի՞նչ է գրված»: Արմեն Սարգսյանը կարդում է. «Քիչ առաջ ՍԴ-ից եկավ իմ հարցման պատասխանը: Այն է՝ հանգուցյալը մեռած է, բայց թաղած չէ: Հետևաբար՝ մեռած չէ»:

Բոլորը պատրաստվում են գրոհի՝ բացի Աղվան Վարդանյանից, որը սեղաններից սնունդը հավաքում է, որ տուն տանի: Բայց հանկարծ Արմեն Սարգսյանը շարունակում է. «Որոշումը ուժի մեջ կմտնի վարչապետի ստորագրությունից հետո»: Տոնը նորից սուգի է վերածվում, ուզում են շարունակել քելեխը, բայց Աղվան Վարդանյանն արդեն սաղ ուտելիքը տարել է:

Արթնանում է կատաղությունից հոգնած:

«Չորրորդ իշխանություն», թիվ 10, 2021



Համաձայն «Հեղինակային իրավունքի և հարակից իրավունքների մասին» օրենքի՝ լրատվական նյութերից քաղվածքների վերարտադրումը պետք է չբացահայտի նյութի էական մասը: Կայքի նյութերից քաղվածքներ արտատպելիս լրատվամիջոցի անվանման նշումը և ակտիվ հղումի տեղադրումը պարտադիր է:
Հարգելի ընթերցողներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելով Facebook-ի ձեր account-ը: Խնդրում ենք լինել կոռեկտ և հետևել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ և հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում:

 Պիտակներ

         Վազգեն Մանուկյան, Աղվան Վարդանյան, Սեմյոն Պեգով, «Չորրորդ իշխանություն», Արմեն Սարգսյան, Իշխան Սաղաթելյան, Արմեն Գրիգորյան, Վարդուհի Իշխանյան, Ռոբերտ Քոչարյան


››› Չարենց. Դաշնակցականներին (Ներբող քաղաքական)
››› Սա քո պատերազմն էր, Նիկո՛լ
››› Ոչ ոք չի թաքցրել տարածքներ զիջելու փաստը
››› Քայլ արեք, իրար կերեք
››› Արմեն Շեկոյան. Միջնորդը
››› «Չորրորդ իշխանություն» թերթի և 4rd.am կայքի ՀԱՅՏԱՐԱՐՈՒԹՅՈՒՆԸ
››› Ո՞ւմ ձեռնտու չէ 200 միլիոն դոլարի ներդրումը
››› Երևանի ժառանգության պաշտպանության կոմիտեի հայտարարությունը
››› Իշխելու թշվառությունն ու փառքի արվեստը
››› Անասնաֆերմա՝ Նարեկ Սարգսյանից Նիկոլ Փաշինյանին... Տիգրան Ավինյանին էլ
››› Մերժվածների ջղակծկումների և վարչապետի ձախողումների արանքում
››› Ո՞վ է եղել իրական դավաճանը
››› Երբ թիրախավորվում է լռությունը
››› Ինչո՞ւ են զինվորները զոհվում Ղարաբաղում և ինչո՞ւ են բոլոր զոհերը հայաստանցի
››› Մշակութային հեղափոխություն չի լինելու
››› Ատելության խոսքը, ամբոխահաճությունը և տրամաբանությունը
››› Տաշիրյան սարդոստայն
››› Գործող Սահմանադրությունը կարող է ոչնչացնել հեղափոխությունը
››› Առաջիկա երկու-երեք ամիսները վճռորոշ են լինելու
››› ԱԱԾ-ն պետք է կանխի Քոչարյանի գայթակղությունները
››› Նիկոլն ընդդեմ Նիկոլի
››› Այսպես է լինում, երբ վեթթինգի փոխարեն հավատում են դատախազի ազնիվ խոսքին
››› Սրանց գործը փախնողներին «հաջող» անելն է
››› Արսեն Թորոսյանն ու Ալեն Սիմոնյանը՝ 1-9 հաշվով պարտության գլխավոր մեղավորներ
››› Ակորդեոնիստը որոշել է նստել «սուխոյ ատկազով»
››› ՀՀԿ-ի անհաջող գրագողությունը
››› Տանը վեր ընկնելու ժամանակները
››› Անցյալի պատանդները

Ամենաընթերցված




Տիկին, լա՞վ եք
Տիկին, լա՞վ եք
22.04.2021 / 1397































Ցինիկ և տխմար
Ցինիկ և տխմար
13.04.2021 / 584





Ստոպ-կադր
Ստոպ-կադր
11.04.2021 / 556







Совет да любовь