13.03.2021   19:00
614

Առա´ջ, դեպի թարս կապուտ


Բլոտապետության վախճանը

Այս շաբաթ շախմատը վերջնականապես դադարեց Հայաստանի թիվ 1 մարզաձևը լինել: Հիմա ամենամոդայիկ մարզաձևը պինգ-պոնգն է: Այս մարզաձևի մասսայականացման գործում մեծ ավանդ ունեցան Նիկոլ Փաշինյանն ու Արմեն Սարգսյանը: Ճիշտ է, առայժմ գնդակի փոխարեն օգտագործում են տարատեսակ հրամանագրեր, առարկություններ, միջնորդություններ, բայց դրանից պինգ-պոնգի էությունը չի փոխվում: Բավական լավ էլ խաղում են: Մեկ Փաշինյանն է «տոպկում», հետո Արմեն Սարգսյանն է պատասխան «տոպկոցիով» աչքի ընկնում... Ու այնքան արագ են խաղում, որ չենք հասցնում օպերատիվորեն դա գնահատել, մեկնաբանել:

Բա որ մենք չենք կարողանում գնահատել, բա էս խեղճ ընդդիմությունն ի՞նչ ասի: Մեռան ավանսով Արմեն Սարգսյանին հերոսի կամ պետականամետի կոչումներ տալով, բան չստացվեց: Վերջին հույսը Օնիկ Գասպարյանն էր, բայց նա էլ որոշեց օրենքի տառին ու ոգուն համապատասխան գործել, ինչը Վազգեն Մանուկյանին հունից հանեց: Վերջինս իրեն արդեն մի քանի ամիս է, գերագույն և գլխավոր զորահրամանատար է կարգել: Բայց ի՞նչ հրամանատար առանց բանակի, տանկերի, զրահատեխնիկայի, ինչը այդպես էլ անկատար երազ մնաց:

Մեկ-մեկ որ Վազգեն Մանուկյանի հարթակային ելույթները լսում ես, թվում է, թե փոքր երեխա է, որի ձեռքից խլել են իր սիրելի խաղալիքը: Իր համար իշխանությունը խաղալիք է, որն իշխանությունները խլել են ու չեն տալիս: Ու ամբողջ օրը մենակ դա է ասում. տվեք իմ խաղալիքը, տվեք իմ խաղալիքը: Մինչև չտաք, տզզոցս չեմ կտրի:
Նիկոլ Փաշինյանն էլ ասում է, բայց ինչի՞ պիտի տամ, հենա ես խաղում եմ, էլի: Չեմ տալիս: Այո, ցավոք, մեր պետականությունն այսօր խաղալիքի կարգավիճակում է հայտնվել: Ում ձեռքն ընկնում է, մի քիչ խաղում, փչացնում է: 

Ի՞նչ էինք ասում: Հա´, պինգ-պոնգը: Վազգեն Մանուկյանը նաև այս հարցում անհամաձայնություն ունի Փաշինյանի հետ: Ասում է, պետք է զարկ տալ.... բլոտի մասսայականացմանը: Բաղրամյանում ու Դեմիրճյանում բլոտի լավ սեղաններ են գցել, արդեն բլոտի զույգեր, այսպես ասած՝ դաշինքներ են ձևավորվել, որով կարելի է եզրակացնել, թե հիմա ով, ում հետ է քիփ: 

Վազգեն Մանուկյանն էլ տեսնելով, որ ժողովուրդը, այսինքն՝ բլոտիստները, ավելի կրքոտ ու վճռականությամբ են վանկարկում «քուանշ», «թերզ-բլոտ», «բոյը 27», քան «Արմեն Սարգսյան՝ դա-վա-ճան», որոշեց զարգացնել թեման և երեկ հայտարարեց հետևյալը. «Եթե Նիկոլ Փաշինյանին թվում է, որ իր սրելու պատճառով մենք չենք ուզենա ադեկվատ սրել, ապա սխալվում է: Ինքն ինչքան սրի, մենք նույն մակարդակի վրա կլինենք»:

Նահանջի մահացու ճանապարհը 

Հիմա վիճակը սա է. Նիկոլ Փաշինյանը ցանկանում է ընդդիմությանը «կապուտ» հայտարարել, բայց մտավախություն ունի, որ ընդդիմությունը «քուանշ» կտա, ինքն էլ ստիպված կասի՝ սրի, Վազգեն Մանուկյանն էլ կպատասխանի՝ «չորս անգամ» ու համը դուրս կգա: Այդ առումով պինգ-պոնգը ավելի թավշոտ խաղ է: Մանավանդ որ ընդդիմության շարքերում լուրջ տարաձայնություններ են առաջացել. մի մասն ասում է, որ պետք է իշխանության հետ բազար-բլոտի գնալ, Վազգեն Մանուկյանն էլ ասում է՝  չէ, որ չէ, պտի սրենք ու մինչև վերջ գնանք: 

Ինչ-որ տեղ կարելի է հասկանալ մեր վարչապետացուին. թե որ չկարողանա ազգը փրկել, ի՞նչ երեսով է նայելու Վարդուհի Իշխանյանին: Օ՜, որ հանկարծ վարչապետ չդառնա, է՜, տանը ցմահ «մահ, մահ Վազգենին» վանկարկումներ է լսելու: Այնպես որ, մեծ է Հայաստանը, բայց նահանջելու տեղ չկա. հետևում Վարդուհին է:

Աբրահամն ու սառը տարիները

Ինչ մեր մեղքը թաքցնենք, այս  շաբաթ մեղք գործեցինք. Աբրահամ Գասպարյանի հաղորդումը նայեցինք: Դե, շուխուր-մուխուր կար, ասինք՝ հետ չմնանք: Խոստանում ենք, որ էլ տենց բան չենք անի: 5 րոպե նայեցինք, մրսեցինք, այնքան ջիգյարով էր ներկայացնում, թե որքան ցուրտ էր 90-ականներին, աչքներս մթնեց, այնպիսի կրքոտությամբ էր պատմում, թե ինչքան մութ էր 90-ականներին, նույնիսկ՝ ցերեկը, ամոթի զգացում ապրեցինք, երբ վստահեցնում էր, թե անձամբ է գրադարանում  տեսել, թե ինչպես է Լևոն Տեր-Պետրոսյանը որդեգրել Նիկոլ Փաշինյանին: Շուշին թաքուն գրավելու և Բաքուն բացահայտ չգրավելու մասին իր խոսքն արդեն բաց թողեցինք, փոխեցինք ալիքը, լավ էր, «Երկիր Մեդիա» ընկանք, որտեղ Վազգեն Մանուկյանին տողատակերով քրֆում էին՝ Դաշնակցության սև անցյալի մասին ավել-պակաս խոսելու համար: Հետո մտանք «Կենտրոն», որը մեզ կոչ արեց ոսկեղենը գնել բացառապես «Առինջ Մոլից», սպորտ պարապել բացառապես Օլիմպավանում, ու ինչ-որ տաշած քար գնել Արարատի հանքերից: Նադայել եղած, միացրինք «Արմենիան», որտեղ մի հնդիկ կին 98-ի հեղաշրջումից ի վեր չի կարողանում իր ավագ որդուն գտնել, ինչի պատճառով ամենայն հայոց կանայք գիշեր-ցերեկ քուն չունեն: Բայց հեռուստացույցն անջատելուց առաջ նորից մտանք Armnews. էն խեղճ Աբրահամը ընկած գետնին, ազգային-սոցիալիստական տեսքով լացակումած ասում էր, որ իր ուժն իր անօգնական վիճակի մեջ է, ու դրա մեղավորը Խաչատուր Սուքիասյանն է: 

Անջատեցինք ու հիշեցինք մի հինավուրց հրեական անեկդոտ, երբ Աբրահամն ասում է. «Սառա ջան, մեր միջև երկխոսության շանս դեռ կա՞, թե՞ դու արդեն միանշանակ ճիշտ ես»:

«Չորրորդ իշխանություն», թիվ 10, 2021



Համաձայն «Հեղինակային իրավունքի և հարակից իրավունքների մասին» օրենքի՝ լրատվական նյութերից քաղվածքների վերարտադրումը պետք է չբացահայտի նյութի էական մասը: Կայքի նյութերից քաղվածքներ արտատպելիս լրատվամիջոցի անվանման նշումը և ակտիվ հղումի տեղադրումը պարտադիր է:
Հարգելի ընթերցողներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելով Facebook-ի ձեր account-ը: Խնդրում ենք լինել կոռեկտ և հետևել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ և հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում:

 Պիտակներ

         Վարդուհի Իշխանյան, «Չորրորդ իշխանություն», «ՉԻ» ՌԻԹՄՈՎ, Օնիկ Գասպարյան, Լևոն Տեր-Պետրոսյան, Վազգեն Մանուկյան, Արմեն Սարգսյան, Նիկոլ Փաշինյան, Խաչատուր Սուքիասյան, Աբրահամ Գասպարյան


››› Չարենց. Դաշնակցականներին (Ներբող քաղաքական)
››› Սա քո պատերազմն էր, Նիկո՛լ
››› Ոչ ոք չի թաքցրել տարածքներ զիջելու փաստը
››› Քայլ արեք, իրար կերեք
››› Արմեն Շեկոյան. Միջնորդը
››› «Չորրորդ իշխանություն» թերթի և 4rd.am կայքի ՀԱՅՏԱՐԱՐՈՒԹՅՈՒՆԸ
››› Ո՞ւմ ձեռնտու չէ 200 միլիոն դոլարի ներդրումը
››› Երևանի ժառանգության պաշտպանության կոմիտեի հայտարարությունը
››› Իշխելու թշվառությունն ու փառքի արվեստը
››› Անասնաֆերմա՝ Նարեկ Սարգսյանից Նիկոլ Փաշինյանին... Տիգրան Ավինյանին էլ
››› Մերժվածների ջղակծկումների և վարչապետի ձախողումների արանքում
››› Ո՞վ է եղել իրական դավաճանը
››› Երբ թիրախավորվում է լռությունը
››› Ինչո՞ւ են զինվորները զոհվում Ղարաբաղում և ինչո՞ւ են բոլոր զոհերը հայաստանցի
››› Մշակութային հեղափոխություն չի լինելու
››› Ատելության խոսքը, ամբոխահաճությունը և տրամաբանությունը
››› Տաշիրյան սարդոստայն
››› Գործող Սահմանադրությունը կարող է ոչնչացնել հեղափոխությունը
››› Առաջիկա երկու-երեք ամիսները վճռորոշ են լինելու
››› ԱԱԾ-ն պետք է կանխի Քոչարյանի գայթակղությունները
››› Նիկոլն ընդդեմ Նիկոլի
››› Այսպես է լինում, երբ վեթթինգի փոխարեն հավատում են դատախազի ազնիվ խոսքին
››› Սրանց գործը փախնողներին «հաջող» անելն է
››› Արսեն Թորոսյանն ու Ալեն Սիմոնյանը՝ 1-9 հաշվով պարտության գլխավոր մեղավորներ
››› Ակորդեոնիստը որոշել է նստել «սուխոյ ատկազով»
››› ՀՀԿ-ի անհաջող գրագողությունը
››› Տանը վեր ընկնելու ժամանակները
››› Անցյալի պատանդները

Ամենաընթերցված




Տիկին, լա՞վ եք
Տիկին, լա՞վ եք
22.04.2021 / 1422































Ցինիկ և տխմար
Ցինիկ և տխմար
13.04.2021 / 584





Ստոպ-կադր
Ստոպ-կադր
11.04.2021 / 556







Совет да любовь