Չորեքշաբթի 05.08.2020 20:26

Քաղաքական
05.08.2020 / 20:00
Լուր-մեկնաբանություն
05.08.2020 / 19:00
Քաղաքական
05.08.2020 / 17:00
Լուր-մեկնաբանություն
05.08.2020 / 16:00
Տնտեսական
05.08.2020 / 14:30
Լուր-մեկնաբանություն
05.08.2020 / 12:30
01.08.2020   20:00
522

Աշնանը փորձելու են թեժացնել իրավիճակը


Կորոնավիրուսը նահանջում է. եթե առաջիկա մի քանի օրերի ընթացքում ֆորսմաժորային վիճակ չառաջանա, ապա արդեն օգոստոսի 13-ին կվերացնեն արտակարգ դրությունը: Իսկ դա իր հերթին ենթադրում է Հայաստանում քաղաքական լրիվ նոր իրավիճակի ստեղծում:

Ռևանշի ուժերը գրոհելու են բոլոր հնարավոր ճակատներով: Նրանք դա նախատեսել էին դեռ գարնանը, բայց կորոնավիրուսը և արտակարգ դրությունը հետաձգեցին իրենց ծրագրերի իրագործումը:

Այդ ընթացքում տեղի ունեցան գործընթացներ, որոնք ավելի շահեկան դարձրեցին ռևանշիստների մեկնարկային դիրքերը:

Առաջին. կորոնավիրուսը լրջագույն վնաս հասցրեց տնտեսությանը և շարունակում է հասցնել: Նույն պատկերն է ամբողջ աշխարհում, սակայն ռևանշիստների համար մեծ հորիզոններ են բացվել մանիպուլյացիաների համար:

Երկրորդ. Տեղի չունեցավ սահմանադրական դատարանի վերաբերյալ համաժողովրդական հանրաքվեն: Այդ հանրաքվեում իշխանության վստահ հաղթանակը կլիներ լուրջ հաղթաթուղթ քաղաքական պայքարի շրջանակներում: Ոչ միայն տեղի չունեցավ հանրաքվեն, այլև ՍԴ ճգնաժամը մինչև վերջ չհանգուցալուծվեց, իսկ իշխանության կողմից խնդրահարույց համբավ ունեցող մեկին դատավորի պաշտոնին առաջադրելը, գրեթե զրոյացրեց տարած փոքր հաղթանակը: Համենայնդեպս, իշխանությանն այսօր այդ հարցով քննադատում են բոլոր նրանք, ովքեր առաջամարտիկ էին Սահմանադրական դատարանում փոփոխություններ անելու իշխանության ծրագրերում: Անհասկանալի վարքագծի պատճառով, իշխանությունը կորցնում է շատ լուրջ դաշնակիցներ:

Իրավիճակը կարող է մի փոքր շտկվել, եթե, այնուամենայնիվ, Վահրամ Ավետիսյանը մերժվի խորհրդարանական մեծամասնության կողմից, իսկ նրա թեկնածության առաջադրումը դիտարկվի իբրև փոքրիկ բյուզանդական վրեժխնդրություն՝ հոր կողմից տասնյակ մարդկանց, այդ թվում՝ Նիկոլ Փաշինյանին հանիրավի դատապարտելու համար: Իսկ, եթե պարզվի, որ իշխանությունն իսկապես ցանկանում է Դավիթ Ավետիսյանի որդուն տեսնել ՍԴ-ում, ապա այդ անհեռատես քայլի արձագանքները հասարակական ապատիայի տեսքով, իրենց երկար սպասեցնել չեն տա: Իմիջիայլոց, եթե կառավարությունը առաջադրում է մեկին, որն ունի քամահրական վերաբերմունք «Մարտի 1-ի» վերաբերյալ, ապա լրիվ տրամաբանական կլինի, եթե նախագահն էլ առաջադրի մեկին, որը կհեգնի հեղափոխությունը, իսկ դատարանների խորհուրդը կարող է չընկնել այս կամ այն կողմ և միանգամից առաջադրել Ալվինա Գյուլումյանին: Միանշանակ քննադատությունը ավելի քիչ կլինի: Դժվար իշխանությունը հակադարձի, թե ինչ կարելի է Զևսին, չի կարելի ցուլին:

Երրորդ. Մնացած դատարանների մասով վիճակն ավելի սարսափելի է: Այսօր մեղադրանքը հաստատվելու կամ որպես խափանման միջոց կալանքն ընտրելու շանսերը գրեթե նույնն են, ինչ Քոչարյանի կամ Սարգսյանի ժամանակներում. հազիվ թե որևէ ընդդիմադիր հույս ունենար, որ դատարանը կկայացնի արդար վճիռ: Օրինակ, այսօր Միքայել Մինասյանին ոչինչ չի խանգարում գալ Հայաստան և իր նկարահանումները իրականացնել Երևանում:

Այս և մի շարք այլ զարգացումները թևեր են տալիս ռևանշիստներին: Նրանք փորձելու են դուրս գալ փողոցներ և հրապարակներ ու մի քանի հարյուր հոգով, մի քանի հազարի աղմուկ բարձրացնել: Նրանք փորձելու են իմիտացիա ստեղծել, թե երկիրը եռում է, և կա շատ մեծ դժգոհություն: Նրանց մեդիաները այդ ամենը տիրաժավորելու և գեներացնելու են:

Իշխանությունը պետք է գիտակցի դաշնակիցներ կորցնելու և մարտահրավերները լուրջ չընդունելու բոլոր հնարավոր հետևանքները: Տավուշի իրադարձությունները ցուցադրեցին, որ անգամ պատերազմի ժամանակ ռևանշիստները չունեն զսպիչ արգելակներ և պատրաստ են ցանկացած արկածախնդրության՝ միայն թե տապալեն օրինական իշխանությանը և վերականգնեն կորսված դիրքերը:

Աշնանը թավիշն ընդհանրապես մոդայիկ չի լինելու. արդեն հիմա իշխանությունը պետք է պատրաստ լինի նոր գործիքակազմ բանեցնելու:

Արիս Վաղարշակյան

«Չորրորդ իշխանություն», թիվ 20, 2020



Հարգելի ընթերցողներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելով Facebook-ի ձեր account-ը: Խնդրում ենք լինել կոռեկտ և հետևել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ և հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում:
 Պիտակներ

         Արիս Վաղարշակյան, «Չորրորդ իշխանություն»


››› Երևանի ժառանգության պաշտպանության կոմիտեի հայտարարությունը
››› Իշխելու թշվառությունն ու փառքի արվեստը
››› Անասնաֆերմա՝ Նարեկ Սարգսյանից Նիկոլ Փաշինյանին... Տիգրան Ավինյանին էլ
››› Մերժվածների ջղակծկումների և վարչապետի ձախողումների արանքում
››› Ո՞վ է եղել իրական դավաճանը
››› Երբ թիրախավորվում է լռությունը
››› Ինչո՞ւ են զինվորները զոհվում Ղարաբաղում և ինչո՞ւ են բոլոր զոհերը հայաստանցի
››› Մշակութային հեղափոխություն չի լինելու
››› Ատելության խոսքը, ամբոխահաճությունը և տրամաբանությունը
››› Տաշիրյան սարդոստայն
››› Գործող Սահմանադրությունը կարող է ոչնչացնել հեղափոխությունը
››› Առաջիկա երկու-երեք ամիսները վճռորոշ են լինելու
››› ԱԱԾ-ն պետք է կանխի Քոչարյանի գայթակղությունները
››› Նիկոլն ընդդեմ Նիկոլի
››› Այսպես է լինում, երբ վեթթինգի փոխարեն հավատում են դատախազի ազնիվ խոսքին
››› Սրանց գործը փախնողներին «հաջող» անելն է
››› Արսեն Թորոսյանն ու Ալեն Սիմոնյանը՝ 1-9 հաշվով պարտության գլխավոր մեղավորներ
››› Ակորդեոնիստը որոշել է նստել «սուխոյ ատկազով»
››› ՀՀԿ-ի անհաջող գրագողությունը
››› Տանը վեր ընկնելու ժամանակները
››› Անցյալի պատանդները

Ամենաընթերցված


Երգիր, որ չկռվես


«ՉԻ» ռիթմով
«ՉԻ» ռիթմով
01.08.2020 / 945














Ստոպ-կադր
Ստոպ-կադր
01.08.2020 / 518














В ритме «ЧИ»
В ритме «ЧИ»
01.08.2020 / 266