Էրիկ Գրիգորյան. Կենդանակերպի նշանը՝ Կարմրաայտ:
Այս համաստեղության տակ ծնվածների համար շաբաթը հագեցած կլինի ֆինանսաէկոլոգիական իրադարձություններով։
Երկուշաբթին թեթև օր է. ընդամենը մի ժամում հատ-հատ կհաշվեք Սևանի բոլոր սիգերն ու կհայտարարեք, որ սաղ տեղում է:
Երեքշաբթի օրը կազդարարեք Ամուլսարում նոր ատոմակայան կառուցելու ծրագրի մասին՝ էկոլոգիապես մաքուր ուրանով:
Չորեքշաբթի օրը տեսչական այցով կլինեք Ալավերդիում ու Թեղուտում. երեկոյան սրտխառնոց, փսխոց, թոքերի ու ստամոքսի խանգարում:
Հինգշաբթի օրը կհայտարարեք աղետի գոտին Գյումրիից Զանգեզուր տեղափոխելու մասին:
Ուրբաթ օրը ցուցարարները ձեր վրա կցփնեն Ողջի գետի ջրերը. մաշկի 60 տոկոս այրվածքներով կտեղափոխվեք վերակենդանացման բաժին:
Շաբաթ և կիրակի օրերը կբուժվեք ցեխաջրի վաննաներում՝ պետպատվերի շրջանակներում:
«Չորրորդ իշխանություն», թիվ 5, 2019