Երկուշաբթի 30.11.2020 06:27

Քաղաքական
29.11.2020 / 22:10
Ձեռագրերը չեն այրվում
29.11.2020 / 21:00
Քաղաքական
29.11.2020 / 20:00
Ձեռագրերը չեն այրվում
29.11.2020 / 13:00
Խմբագրի ընտրանին
29.11.2020 / 12:00
21.11.2020   09:30
351

«ՉԻ» ռիթմով


Վատը, ավելի վատը

Բայց ասեք, որ անասուն տարի դուրս եկավ այս 2020 թվականը: Սկզբից կորոնավիրուս, հետո՝ պատերազմ: Ու շարունակվում է դեռ: Բոլոր նախադրյալները կան, որ այս ամենն ավելի է խորանալու:

Պատերազմը շարունակում ենք տանուլ տալ: Թվում էր, թե նոյեմբերի 9-ի կապիտուլյացիայով բանը կավարտվի, բայց դա միայն խաբկանք է: Քանի դեռ հնարավորություն կա, Ադրբեջանը, Թուրքիան, Ռուսաստանը, չգիտենք` գուցե նաև ԱՄՆ-ը, Իրանը, Ֆրանսիան հնարավոր ամեն ինչ պլոկելու են Հայաստանից ու Արցախից: Ահավասիկ, պարզվեց, որ Մարտակերտի շրջանի 6 գյուղ պետք է դատարկվի ու հանձնվի Ադրբեջանին: 2000 մարդ համալրելու է փախստականների շարքերը: Ոնց որ թե այդ պայմանագրում Մարտակերտի շրջանի գյուղերի մասին խոսք չկա, բայց Ադրբեջանը` առանց մի գյուլլա թափելու, դրանք էլ է վերցնում:

Ներքաղաքական իրավիճակն աստիճանաբար մոտենում է հանգուցալուծմանը. քաղաքացիական պատերազմի կամ պարզապես բախումների հավանականությունը շատ մեծ է: Ու ինչն է ահավոր. ո՛չ ընդդիմությունը, ո՛չ իշխանությունը բացարձակապես ի վիճակի չեն իրավիճակը մեղմելու լուծումներ առաջարկել: 

Իշխանության մասով ամեն ինչ պարզ է. ըստ էության` վերջինս փլուզման գործընթացում է, այլևս անգործունակ է: Հա, ԱԺ նիստեր են անցկացնում, լայվ ու հայտարարություն են անում, ճանապարհային քարտեզներ են ներկայացնում, Ալեն Սիմոնյանը Պուտինի մտքերն է շեյր անում, բայց իրականում պետական համակարգը աստիճանաբար կաթվածահար է լինում: Սա լինելու է. պետական համակարգից, խորհրդարանից, տարբեր գերատեսչություններից մարդիկ դուրս են գալու, հրաժարվելու են մաս լինել այս կառավարությանը կամ իշխող խորհրդարանական խմբակցությանը:

Զրոների տեղափոխությունից բան չի փոխվում

Բայց ամբողջ ցավն այն է, որ ընդդիմությունն էլ է անգործունակ: Ավելի ճիշտ՝ գաղափարազուրկ, ամորֆ, պոպուլիստ է և նույնպես ի զորու չէ այս իրավիճակին համարժեք լուծումներ առաջարկել: Հա, Նիկոլ Փաշինյանի հրաժարականը պահանջում եք: Հասկացանք: Իսկ ի՞նչ եք առաջարկում: Ոչինչ: Ընդամենն այն, որ Նիկոլը վատն է:

Իսկ թե ինչով են իրենք ավելի լավը, դրա մասին բան չեն ասում: Առավել ևս` ծպտուն չեն հանում, որ պատերազմի աղետալի ավարտի համար իրենք էլ են պատասխանատվություն կրում: Արթուր Վանեցյան, Ղազինյան... սրանք դեռ մի կողմ` նոր ուժեր են։ Բայց այնտեղ ուժեր կան, որոնք 20 և ավելի տարի իշխանություն են եղել, իշխանության մաս են կազմել, ի՞նչ են արել ղարաբաղյան հակամարտության կարգավորման համար: Կա՞ նրանց մեջ գոնե մեկը, որ ասի՝ ես մեղավոր եմ, զղջում եմ կոնֆլիկտը չլուծելու համար, ղալաթ եմ արել, որ 20 տարի «ոչ մի թիզ» կարգախոսից էն կողմ` ուրիշ ոչինչ չեմ ասել: Ղալաթ եմ արել, որ 20 տարի Ղարաբաղի հարցը շահարկել եմ՝ իշխանություն զավթելու, իշխանություն պահելու, իշխանությունից թուլափայ ստանալու համար: Վազգեն Մանուկյան, Դաշնակցություն, քոչարյանականներ, օլիգարխներ... ասելու բան չունե՞ք: Ոչ, բան չեն ասում: Իհարկե` չեն ասի, քանի որ ոնց այն ժամանակ, հիմա  էլ՝ Ղարաբաղի հարցն ընդամենը իշխանության համար պայքարի առիթ է: Թե չէ` թքած ունեն և՛ Հայաստանի, և՛ Արցախի ապագայի վրա: 

Երկու կրակի արանքում

Ու այն, որ մինչև հիմա Նիկոլ Փաշինյանը իշխանությունը պահում է, նաև դրանով է պայմանավորված, որ հանրության մի մեծ խավի համար իշխանափոխության պահանջով հանդես եկող ուժերն ավելի անընդունելի են: Հերիք չէ Արցախի հարցում ենք վատի ու վատթարի միջև ընտրության առջև կանգնած, հիմա էլ ներքաղաքական գզվռտոցներում ենք վատի ու վատթարի ընտրության առջև կանգնել: Այսինքն, մենք ընտրելու բան չունենք. ոչ իշխանությունն է ադեկվատ, ոչ՝ ընդդիմությունը: Երկուսն էլ` պոզերը տնկած, կանգնած են իրենց դիրքերում և զիջելու մտադրություն չունեն: Շարունակելու են տուժել Արցախն ու Հայաստանը:

Մենք մեր ինքնիշխանությունը կորցնելու եզրին ենք: Փաստաթղթով դեռ կշարունակենք անկախ երկիր համարվել, բայց իրականում կորցնում ենք մեր ճակատագիրն ինքներս տնօրինելու հնարավորությունը: Մեր տեղը որոշումներ կայացնող են դառնում Ռուսաստանն ու Թուրքիան: Ոնց որ 1920-ին: Ու բացառված չէ, որ ներքաղաքական այս պայթյունավտանգ վիճակն էլ դրսից լուծվի: Ուղղակի, օրինակ, Պուտինը ձեռքը խփի սեղանին ու ասի՝ ֆսյո, դուք պետություն չեք կարողանում կառավարել, սաղդ ռադ եք լինելու, էս Պողոսին բերում եմ ձեր գլխին տանուտեր: Մի քիչ անհավանական է թվում, բայց եթե անկախություն ու ինքնիշխանություն ես կորցնում, ինչ-որ մեկը դա պե՞տք է վերցնի իր ձեռքը: Ինչպես բազմիցս է եղել մեր պատմության ընթացքում: Ո՞նց էր ասում դասականը՝ հայի հետին խելքի պատճառով:

«Չորրորդ իշխանություն», թիվ 36, 2020



Համաձայն «Հեղինակային իրավունքի և հարակից իրավունքների մասին» օրենքի՝ լրատվական նյութերից քաղվածքների վերարտադրումը պետք է չբացահայտի նյութի էական մասը: Կայքի նյութերից քաղվածքներ արտատպելիս լրատվամիջոցի անվանման նշումը և ակտիվ հղումի տեղադրումը պարտադիր է:
Հարգելի ընթերցողներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելով Facebook-ի ձեր account-ը: Խնդրում ենք լինել կոռեկտ և հետևել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ և հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում:
 Պիտակներ

         Վազգեն Մանուկյան, Նիկոլ Փաշինյան, «Չորրորդ իշխանություն», Ալեն Սիմոնյան, «ՉԻ» ՌԻԹՄՈՎ, Վլադիմիր Պուտին, Արցախյան երկրորդ պատերազմ


››› Կարդացեք Չարենց. Նաիրյան հովվերգություն
››› Կարդացեք Չարենց
››› Կարդացեք Չարենց
››› Կարդացեք Չարենց
››› Կարդացեք Չարենց
››› Կարդացեք Չարենց
››› Կարդացեք Չարենց
››› Կարդացեք Չարենց
››› Կարդացեք Չարենց
››› «Չորրորդ իշխանություն» թերթի և 4rd.am կայքի ՀԱՅՏԱՐԱՐՈՒԹՅՈՒՆԸ
››› Ո՞ւմ ձեռնտու չէ 200 միլիոն դոլարի ներդրումը
››› Երևանի ժառանգության պաշտպանության կոմիտեի հայտարարությունը
››› Իշխելու թշվառությունն ու փառքի արվեստը
››› Անասնաֆերմա՝ Նարեկ Սարգսյանից Նիկոլ Փաշինյանին... Տիգրան Ավինյանին էլ
››› Մերժվածների ջղակծկումների և վարչապետի ձախողումների արանքում
››› Ո՞վ է եղել իրական դավաճանը
››› Երբ թիրախավորվում է լռությունը
››› Ինչո՞ւ են զինվորները զոհվում Ղարաբաղում և ինչո՞ւ են բոլոր զոհերը հայաստանցի
››› Մշակութային հեղափոխություն չի լինելու
››› Ատելության խոսքը, ամբոխահաճությունը և տրամաբանությունը
››› Տաշիրյան սարդոստայն
››› Գործող Սահմանադրությունը կարող է ոչնչացնել հեղափոխությունը
››› Առաջիկա երկու-երեք ամիսները վճռորոշ են լինելու
››› ԱԱԾ-ն պետք է կանխի Քոչարյանի գայթակղությունները
››› Նիկոլն ընդդեմ Նիկոլի
››› Այսպես է լինում, երբ վեթթինգի փոխարեն հավատում են դատախազի ազնիվ խոսքին
››› Սրանց գործը փախնողներին «հաջող» անելն է
››› Արսեն Թորոսյանն ու Ալեն Սիմոնյանը՝ 1-9 հաշվով պարտության գլխավոր մեղավորներ
››› Ակորդեոնիստը որոշել է նստել «սուխոյ ատկազով»
››› ՀՀԿ-ի անհաջող գրագողությունը

Ամենաընթերցված

Բա
Բա
20.11.2020 / 13698








Բա ո՞ւր ես, ապեր
Բա ո՞ւր ես, ապեր
12.11.2020 / 3209






Հիմա էլ սրանք
Հիմա էլ սրանք
04.11.2020 / 2368


Ի՞նչ եք ծխում
Ի՞նչ եք ծխում
24.11.2020 / 2104



























Թամադա Իշխանը
Թամադա Իշխանը
13.11.2020 / 1035



Սկսիր կնոջիցդ
Սկսիր կնոջիցդ
23.11.2020 / 941



Ձե՛նդ, այ...
Ձե՛նդ, այ...
17.11.2020 / 924