Հինգշաբթի 28.01.2021 03:42

Սատիրիկոն/Լուր-մեկնաբանություն
27.01.2021 / 22:00
Սատիրիկոն/Լուր-մեկնաբանություն
27.01.2021 / 21:00
Սատիրիկոն/Լուր-մեկնաբանություն
27.01.2021 / 20:00
Սատիրիկոն/Լուր-մեկնաբանություն
27.01.2021 / 19:00
Սատիրիկոն/Լուր-մեկնաբանություն
27.01.2021 / 17:30
Սատիրիկոն/Լուր-մեկնաբանություն
27.01.2021 / 16:00
05.12.2020   14:45
354

Հովիկ Աղազարյանի երազը


Ինքը տեղեկատվական շտաբի ղեկավար է: Եվ ահա հերթական ճեպազրույցն է և ներկայացնում է իրավիճակը ռազմաճակատում: «Այսօր, ռազմաճակատի ողջ երկայնքով ընթացել են համառ ու լարված գործողություններ: Բաղրամյանում ընդդիմության բանակը փորձ է արել ճեղքել խորհրդարանի պաշտպանական բնագծերը և ներխուժել շենք, սակայն «Իմ բանակի» կազմավորումները հերոսական ջանքերի գնով կասեցրել են հակառակորդի գրոհը՝ վերջինիս պատճառելով մեծ կորուստներ: Մասնավորապես, բերման է ենթարկվել թշնամու 31 զինյալ, գերի է վերցվել 3 վարձկան, ոչնչացվել է 17 միավոր պաստառ»,- զեկուցում է ինքը, շունչ քաշում, հետո շարունակում. «Էլ ավելի համառ էին մարտերը Հրապարակում: Թշնամին ամեն կերպ փորձում է գրավել Կառավարության շենքը, ինչի համար նրա մատույցներում հսկայական ռեսուրսներ է մոբիլիզացրել, որոնց թվում է նաև հատուկջոկատայինների «Վերնատուն» ստորաբաժանումը, որը դիվերսիոն գործողություններով փորձում է խուճապ տարածել Կառավարությունում: Ներկայումս դիվերսիոն այդ խմբերը վնասազերծելու ուղղությամբ հատուկ գործողություններ են իրականացվում, ինչի համար մարտի են նետվել «Էրատո» հայկական էլիտար կորպուսի ջոկատները: Կառավարությունը մե՛րն է լինելու»,- բացականչում է ինքը: 

Գնում է իր աշխատասենյակ, միացնում հեռուստացույցը. Նիկոլ Փաշինյանն է ուղերձով հանդես գալիս. «Սիրելի´ իմ հպարտ ժողովուրդ: Իրավիճակը ճակատում շարունակում է բարդ մնալ: Ուզում եմ բացատրել, թե ինչ է տեղի ունենում: 

Ռուս խաղաղապահներն ինձ առաջարկել են ընդդիմության հետ հաշտության պայմանագիր կնքել՝ 3+1 բանաձևով: Այսինքն, առաջին փուլում մենք պետք է հանձնենք Խորհրդարանը, Կառավարությունը, Սահմանադրական դատարանը, իսկ հետագայում՝ բանակցությունների ընթացքում պետք է հստակեցվի իմ կառավարական դաչայի կարգավիճակը: Սակայն ես կտրականապես մերժել եմ այդ առաջարկը, քանի որ թշնամու ղեկավարը՝ Վազգեն Մանուկյանը, շարունակում է ագրեսիվ հայտարարություններ անել և անվտանգության ոչ մի երաշխիք էլ չի տալիս: 

Այս իրավիճակում գնալ հաշտության՝ նշանակում է միակողմանի զիջումներ անել և դավաճանել սեփական կուսակիցներին: Կոչ եմ անում մինչև վերջ պայքարել: Ամեն համայնքում պետք է ստեղծել կամավորական ջոկատներ և համայնք առ համայնք, բակ առ բակ, հայաթ առ հայաթ, բեսեդկա առ բեսեդկա կռիվ տալ նենգ թշնամու դեմ: Հաղթելու ենք: 

Հա, և վերջում ցանկանում եմ ավելացնել, որ այսօր Պուտինի հետ վեց անգամ հեռախոսազրույց եմ ունեցել»: 

Այդ պահին իրեն լրագրող է զանգահարում և հարցնում. «Պրն Աղազարյան, ի՞նչ կարծիք ունեք Նիկոլ Փաշինյանի վերջին ելույթի վերաբերյալ»: «Նիկոլ Փաշինյանը մտավոր ոչ մի բան չունի, բայց իմ վերաբերմունքն իր հանդեպ խիստ դրական է»,- պատասխանում է ինքը:

Սենյակ է ներխուժում Ալեն Սիմոնյանը, սփրթնած, գույնը գցած ու գոռում է. «Հովիկ, էս կռիվը պետք ա շտապ կանգնեցնել, էդքան ռեսուրս չունենք, 2-3 օր կարանք դիմանանք, հետո պռավալ է լինելու, մտնեն, սաղիս քացու տակ գցեն»:

Ինքը վռազ զանգում է Նիկոլին. «Շեֆ, խորհրդարանի գլխավոր շտաբի պետի տեղակալը զեկուցեց, որ պետք է փոխզիջումների գնալ, օրհասական վիճակ է: Ի՞նչ անեմ»: 

«Հանգիստ, ոչ մի խնդիր էլ չկա: Նոր եմ Մակրոնի հետ խոսել, ասաց, որ ինձ շատ է հավանում: Պետք է, որ լավ լինի»:

Ինքը դուրս է գալիս աշխատասենյակից, մեկ էլ տեսնում, որ ամբողջ Հրապարակը թշնամու վարձկաններով շրջապատված է: Նրանց շարքերից դուրս է գալիս Վազգեն Մանուկյանը, մոտենում կառավարության շենքի մուտքին, շրջվում ու հայտարարում. «Եթե 20 րոպեից չգամ, եկեք իմ հետևից»:

Ինքը վազելով վերադառնում է աշխատասենյակ, բացում սեյֆը, այնտեղից հանում դաշնակցական անդամատոմսն ու դնում գրպանը:

Արթնանում է ՀՅԴ գրասենյակում:

«Չորրորդ իշխանություն», թիվ 38, 2020



Համաձայն «Հեղինակային իրավունքի և հարակից իրավունքների մասին» օրենքի՝ լրատվական նյութերից քաղվածքների վերարտադրումը պետք է չբացահայտի նյութի էական մասը: Կայքի նյութերից քաղվածքներ արտատպելիս լրատվամիջոցի անվանման նշումը և ակտիվ հղումի տեղադրումը պարտադիր է:
Հարգելի ընթերցողներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելով Facebook-ի ձեր account-ը: Խնդրում ենք լինել կոռեկտ և հետևել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ և հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում:
 Պիտակներ

         «Չորրորդ իշխանություն», Ալեն Սիմոնյան, Հովիկ Աղազարյան, Վազգեն Մանուկյան, Նիկոլ Փաշինյան


››› «Չորրորդ իշխանություն» թերթի և 4rd.am կայքի ՀԱՅՏԱՐԱՐՈՒԹՅՈՒՆԸ
››› Ո՞ւմ ձեռնտու չէ 200 միլիոն դոլարի ներդրումը
››› Երևանի ժառանգության պաշտպանության կոմիտեի հայտարարությունը
››› Իշխելու թշվառությունն ու փառքի արվեստը
››› Անասնաֆերմա՝ Նարեկ Սարգսյանից Նիկոլ Փաշինյանին... Տիգրան Ավինյանին էլ
››› Մերժվածների ջղակծկումների և վարչապետի ձախողումների արանքում
››› Ո՞վ է եղել իրական դավաճանը
››› Երբ թիրախավորվում է լռությունը
››› Ինչո՞ւ են զինվորները զոհվում Ղարաբաղում և ինչո՞ւ են բոլոր զոհերը հայաստանցի
››› Մշակութային հեղափոխություն չի լինելու
››› Ատելության խոսքը, ամբոխահաճությունը և տրամաբանությունը
››› Տաշիրյան սարդոստայն
››› Գործող Սահմանադրությունը կարող է ոչնչացնել հեղափոխությունը
››› Առաջիկա երկու-երեք ամիսները վճռորոշ են լինելու
››› ԱԱԾ-ն պետք է կանխի Քոչարյանի գայթակղությունները
››› Նիկոլն ընդդեմ Նիկոլի
››› Այսպես է լինում, երբ վեթթինգի փոխարեն հավատում են դատախազի ազնիվ խոսքին
››› Սրանց գործը փախնողներին «հաջող» անելն է
››› Արսեն Թորոսյանն ու Ալեն Սիմոնյանը՝ 1-9 հաշվով պարտության գլխավոր մեղավորներ
››› Ակորդեոնիստը որոշել է նստել «սուխոյ ատկազով»
››› ՀՀԿ-ի անհաջող գրագողությունը
››› Տանը վեր ընկնելու ժամանակները
››› Անցյալի պատանդները

Ամենաընթերցված


























37-ի երկրպագուն
37-ի երկրպագուն
07.01.2021 / 4856