23.09.2019   09:00
5565

Ձանձրանալու լուրջ դեֆիցիտ


Ներհայաստանյան կյանքը անցնող շաբաթում այնքան հարուստ էր իրադարձություններով, որ նույնիսկ մեկ տողով դրանց անդրադառնալով, բավական ծավալուն հոդված կստացվի: Սա երեւի բնորոշ է հեղափոխական, անցումային ժամանակներ ապրող երկրներին:

Իհարկե, գլխավոր իրադարձությունը Երեւանի ընդհանուր իրավասության դատարանի դատավոր Աննա Դանիբեկյանի որոշումն էր` «Մարտի 1»-ի գործով մեղադրյալ Ռոբերտ Քոչարյանի խափանման միջոցը փոխելու եւ նրան ազատ արձակելու վերաբերյալ, որը ներկայացրել էին Քոչարյանի պաշտպանները` որպես հիմք ներկայացնելով Սահմանադրական դատարանի մի խումբ անդամների որոշումը: 

Սրանով ձախողվեց Քոչարյանի եւ նախկին իշխանավորների ծրագրած մի ամբողջ բոլոլա-օպերացիան, ըստ որի ՍԴ-ն գոնե ձեւական մի տեղեկանք պետք է տար, հետո մնացածը տեխնիկայի գործ լիներ, դատավորը դրան հղում անելով, ազատ արձակեր Քոչարյանին: 

Ի դեպ, այս որոշումից հետո Քոչարյանի «կողմնակիցները» դատարանի առջեւ հայտարարել էին անժամկետ նստացույց սկսելու մասին: Բայց երեւի այս ակցիան նախատեսված չի եղել Քոչարյանի թիմի «սմետայում», դրա համար պիցցա եւ օրավարձ չի հատկացվել, այդ իսկ պատճառով դատարանի առջեւ գոնե մի մարդ այդպես էլ չհայտնվեց:

Դատարանի այս որոշմամբ անվստահություն ներկայացվեց ՍԴ նախագահ Հրայր Թովմասյանին եւ նրա խմբին: Հիմա ՍԴ նախագահը աննախանձելի վիճակում է հայտնվել. հերիք չէ, Ազգային Ժողովը նրա լիազորությունները դադարեցնելու գործընթաց է սկսել, իշխանություններն էլ սկսել են Հ. Թովմասյանին կոմպրոմատային ճանապարհով պատժել: Մեկնարկը տրվեց երեկ, երբ ձերբակալվեց Հ. Թովմասյանի սանիկը` Ազգային ժողովի աշխատակազմի Վարչատնտեսական վարչության մատակարարման բաժնի պետ Քոչար Խաչատրյանը: Վերջինս մեղադրվում է պաշտոնեական դիրքի չարաշահմամբ խորհրդարանի աշխատակազմի ֆինանսական միջոցների վատնման համար: Այն է, մեդալներ են պատվիրել, որոնք պետք է արծաթից լինեին, սակայն պարզվել է, որ դրանք ցինկից ու պղնձից են: Թե Հրայր Թովմասյանը քանի սանիկ ունի, կերեւա հետագա զարգացումներից: 

Հաջորդը ուժային կառույցներում շռնդալից պաշտոնանկություններն էին: Նիկոլ Փաշինյանը նախ աշխատանքից ազատեց ԱԱԾ պետ Արթուր Վանեցյանին, վերջին հանդես եկավ հրաժեշտի «կանգառով», իսկ ահա ոստիկանապետ Վալերիյ Օսիպյանը ազատվեց ու անմիջապես նշանակվեց վարչապետի խորհրդական: Թերեւս այն պատճառով, որ ի տարբերություն Վանեցյանի, Վ. Օսիպյանը այլ զբաղմունք չուներ: Այժմ ուժային կառույցները ժամանակավորապես կղեկավարեն նախկին պետերի տեղակալները, մինչեւ Ազգային Ժողովը կընդունի օրենքը, որը հնարավորություն կտա ուժային կառույցների ղեկավարների պաշտոններում քաղաքացիական կամ քաղաքական դեմքեր նշանակել: Իսկ այս պաշտոնների հավանական թեկնածուների զանազան անուններ են շրջանառվում. սկսած «Նավակ ճոճողից», մինչեւ «Հոկտեմբերի 27-ի գործի ճոճող»:

Սկսվել են ճոճվել նաեւ երկրի առավել օդիոզ դեմքերից մեկի, մեդիամագնատ, Վատիկանում (ի դեպ, սկզբից սխալմամբ գրել էինք Վենետիկում, հետո ուղղեցինք, թեպետ տարբերությունը մեծ չէ) մեր նախկին դեսպան Միքայել Մինասյանի դիրքերը: 

Վերջինս մի շարք հրապարակախոսական, բարոյախրատական հոդվածներով հանդես եկավ, որոնց իմաստը, անկեղծ ասած, այնքան էլ չհասկացանք, բացի մի բանից, որ կոչ է անում հաշտվել անցյալի հետ, անցյալը չփորփրել, ձեռք չտալ եւ այլն: Բայց, իշխանությունները չանսացին նրա հորդորներին ու սկսել են փորփրել հենց Միքայել Մինասյանի անցյալը: Նիկոլ Փաշինյանն իր ասուլիսում հայտնեց, որ Միքայել Մինասյանը անցնում է Լոռու մարզում ստրատեգիական նշանակություն ունեցող օբյեկտի սեփականաշնորհման գործընթացում տեղ գտած խարդախությունների գործով, այդ օբյեկտը, ինչպես պարզվեց «ՁորաՀԷԿ»-ն է, որը Օստապ Բենդերի ոճով, բազմաթիվ մանիպուլյացիաների շնորհիվ ՀՀ Պաշտպանության նախարարության ենթակայությունից հանել էին ու ջրի գնով տվել ոմն Մ.Մ.-ին: Այս Մ.Մ.-ն իր արտաքինով, սանրվածքով, խոսելու ոճով, ստատուսներով շատ նման է Միքայել Մինասյանին, բայց վերջնական որոշումը կկայացնի ՀՔԾ-ն, որը այս դեպքով քրգործ է հարուցել: 

Իսկ թե ում դիրքերն են անսասան ու այս մեկուկես տարվա ընթացքում շարունակում է այդպիսին մնալ, ապա դա Հանրային հեռուստաընկերության գործադիր տնօրեն Մարգարիտա Գրիգորյանինն է: Իշխանափոխություն կլինի, Քոչարյան կնստացնեն, կոռուպցիոն դեպքեր կբացահայտեն, ինքը ոնց եղել է այդ պաշտոնին, այդպես էլ մնում է, եւ նույն ձեւով էլ շարունակում է աշխատել: Երեկ, օրինակ, պարզվեց, Հանրային հեռուստաընկերության վերահեռարձակման իրավունքները Հյուսիսային Ամերիկայում պատկանում են Միքայել Մինասյանի “ՊանԱրմ Ինք” ընկերությանը, ինչի դիմաց Հանրայինին վճարվում է ամսեկան... 2500 դոլար: Երեւանի կենտրոնում մի հատ նորմալ առանձնատան ամսավճարի չափով: Սա Մարգարիտա Գրիգորյանի հանճարեղ մենեջմենթի հետեւանքն է: Հիմա մի քիչ բարձրացրել են վճարը` 4500 դոլար, իբր տեսեք, հեղափոխությունը մի քիչ մեր վրա ազդել է, բայց մեկ է, այդ իրավունքներով ձեւավորվող միլիոնավոր գովազդային դոլարները կհոսեն... ճիշտ է, ոմն Մ.Մ.-ի գրպանը: Այնպես որ, տուշոնկեքը թողեք, զբաղվեք իրական կոռուպցիայով: 

Մհեր Ղալեչյան

«Չորրորդ իշխանություն» 1.2019



Համաձայն «Հեղինակային իրավունքի և հարակից իրավունքների մասին» օրենքի՝ լրատվական նյութերից քաղվածքների վերարտադրումը պետք է չբացահայտի նյութի էական մասը: Կայքի նյութերից քաղվածքներ արտատպելիս լրատվամիջոցի անվանման նշումը և ակտիվ հղումի տեղադրումը պարտադիր է:
Հարգելի ընթերցողներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելով Facebook-ի ձեր account-ը: Խնդրում ենք լինել կոռեկտ և հետևել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ և հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում:

 Պիտակներ

         Հրայր Թովմասյան, Ռոբերտ Քոչարյան, Մհեր Ղալեչյան, Արթուր Վանեցյան, Վալերիյ Օսիպյան, Մարտի 1-ի գործ, Աննա Դանիբեկյան, «Չորրորդ իշխանություն»


››› Չարենց. Դաշնակցականներին (Ներբող քաղաքական)
››› Սա քո պատերազմն էր, Նիկո՛լ
››› Ոչ ոք չի թաքցրել տարածքներ զիջելու փաստը
››› Քայլ արեք, իրար կերեք
››› Արմեն Շեկոյան. Միջնորդը
››› «Չորրորդ իշխանություն» թերթի և 4rd.am կայքի ՀԱՅՏԱՐԱՐՈՒԹՅՈՒՆԸ
››› Ո՞ւմ ձեռնտու չէ 200 միլիոն դոլարի ներդրումը
››› Երևանի ժառանգության պաշտպանության կոմիտեի հայտարարությունը
››› Իշխելու թշվառությունն ու փառքի արվեստը
››› Անասնաֆերմա՝ Նարեկ Սարգսյանից Նիկոլ Փաշինյանին... Տիգրան Ավինյանին էլ
››› Մերժվածների ջղակծկումների և վարչապետի ձախողումների արանքում
››› Ո՞վ է եղել իրական դավաճանը
››› Երբ թիրախավորվում է լռությունը
››› Ինչո՞ւ են զինվորները զոհվում Ղարաբաղում և ինչո՞ւ են բոլոր զոհերը հայաստանցի
››› Մշակութային հեղափոխություն չի լինելու
››› Ատելության խոսքը, ամբոխահաճությունը և տրամաբանությունը
››› Տաշիրյան սարդոստայն
››› Գործող Սահմանադրությունը կարող է ոչնչացնել հեղափոխությունը
››› Առաջիկա երկու-երեք ամիսները վճռորոշ են լինելու
››› ԱԱԾ-ն պետք է կանխի Քոչարյանի գայթակղությունները
››› Նիկոլն ընդդեմ Նիկոլի
››› Այսպես է լինում, երբ վեթթինգի փոխարեն հավատում են դատախազի ազնիվ խոսքին
››› Սրանց գործը փախնողներին «հաջող» անելն է
››› Արսեն Թորոսյանն ու Ալեն Սիմոնյանը՝ 1-9 հաշվով պարտության գլխավոր մեղավորներ
››› Ակորդեոնիստը որոշել է նստել «սուխոյ ատկազով»
››› ՀՀԿ-ի անհաջող գրագողությունը
››› Տանը վեր ընկնելու ժամանակները
››› Անցյալի պատանդները

Ամենաընթերցված


Տիկին, լա՞վ եք
Տիկին, լա՞վ եք
22.04.2021 / 1630


































Ցինիկ և տխմար
Ցինիկ և տխմար
13.04.2021 / 586





Ստոպ-կադր
Ստոպ-կադր
11.04.2021 / 558






Совет да любовь