Չորեքշաբթի 05.08.2020 20:20

Քաղաքական
05.08.2020 / 20:00
Լուր-մեկնաբանություն
05.08.2020 / 19:00
Քաղաքական
05.08.2020 / 17:00
Լուր-մեկնաբանություն
05.08.2020 / 16:00
Տնտեսական
05.08.2020 / 14:30
Լուր-մեկնաբանություն
05.08.2020 / 12:30
25.07.2020   09:30
536

«ՉԻ» ռիթմով

 Читать на русском

Թեժ հուլիսի զոհը

Շաբաթ չէր, այլ շանթ ու կրակ: Ու սա դեռ չհաշված 40 աստիճան շոգը: Ծիրան, ԱԹՍ, մարգարիտներ, մտքի գոհարներ, հայ-ադրբեջանական համաշխարհային կռիվներ. չտեսնված հագեցած օրեր էին:

Ամենաուշագրավը, իհարկե, այն էր, որ իրադարձությունների այս փոթորիկում տեղ գտնվեց նույնիսկ Աշոտ Բլեյանի համար: Հանգիստ, խախանդ, իր համար կրթահամալիր էր ղեկավարում, մեկ էլ բռնեցին ու բերման ենթարկեցին ոստիկանություն: Քոչարյանի օրոք դա հասկանալի էր. «հերոսը» նախորդ հանցավոր ռեժիմի դեմ պայքարում խոշորացույցով ամիսներ փնտրելուց հետո կանգ առավ Բլեյանի վրա: Բայց որ Նիկոլ Փաշինյանի օրոք էլ իրեն բերման կենթարկեին, դա անհավանական էր: Այն Բլեյանին, որը «Հայկական ժամանակ» օրաթերթի հիմնադիրներից է, այն «ՀԺ»-ի, որտեղ իր քաղաքական կարիերան է սկսել Նիկոլ Փաշինյանը: Այն Փաշինյանը, որի երեխաները Բլեյանի դպրոցում են սովորել: Խենթանոց:

Դե լավ, մարդ ես, հանրությունը պահանջում է պատախանատվության ենթարկել նախկիններին, կռիվ, ղալմաղալ իրավիճակ է, իշխանությունները երևի ամեն ինչ խառնել են իրար: Պատահում է:

Վիրտուալ ընդդիմություն

Բայց մենք հիմա անդրադառնանք իրական նախկիններին ու դրանց սպասարկող ներկաներին: Այս շաբաթ մեր ուշադրությունը գրավեց այն, որ սոցցանցերում վիրտուալ գաստարբայտերների խմբեր են ձևավորվել, որոնց բան ու գործը տարբեր հարթակներում իրենց պատվիրատուներին սպասարկելն է: Նման մի խումբ էլ մեզ էր այցելել: Այսինքն՝ մեր ֆեյսբուքյան էջ: Մի 20-30 հոգանոց խումբ էր, որի անդամները խիստ վրդովվել էին Քոչարյանի մասին մեր հրապարակումներից մեկի պատճառով: Բոլորն էլ մոտավորապես նույն բանն էին գրել. «Դուք վատն եք, Քոչարյանը՝ լավը»: Սրանցից ում էջը բացեցինք, ֆեյք էր: Մի քանի ամսից մինչև մի քանի օրվա բացած էջերով:

Ու մեկ էլ տեսանք, որ այս նույն խումբը մեկ ուրիշ լրատվամիջոցի էջում դոշ է տալիս Արթուր Վանեցյանի համար: Նույն ֆեյքերը: Արթուր Վանեցյանն ինչ-որ միտք էր հայտնել՝ «Солнышко выходит и людям жарко-жарко» կարգի, ու այս նույն խումբը տակը քոմենթ է, որ գրում էր: «Վանեցյան՝ հերոս», «Վանեցյանը՝ վարչապետ», «Լավագույն գործիչ», «Մենակ դու երկիրը կհանես ոտքի», «Հիանում եմ ձեզանով»: Բոլորն այսպիսի գրառումներ են:

Եվ հենց Վանեցյանի այդ հզոր միտքը որևէ լրատվամիջոցի ֆեյսբուքյան էջում դնում են, այս նույն խմբերը նույն բանն այնտեղ են գրում: Կներեք, իհարկե, բայց ոնց որ սեռական ինքնաբավարարման պրոցես լինի: Իրենք գրում, իրենք լայքում, իրենք էլ ուրախանում են: Լավ, անում, անում եք, բայց մեր էջերը մի՛ աղտոտեք, անիմաստ ժամանակ մի՛ վատնեք: Ուղարկեք, թող ադրբեջանցիների հետ Յութուբում կռիվ տան, սրտի ուզածի չափ: 

Այսինքն, վիրտուալ բանակներ են ստեղծել, իրար պաս են տալիս, «գրեֆ» են անում, «ադալժիտ» անում: Չգիտենք: Երևի այսպիսի խոսակցություն են տանում. «Ապեր, երկու հատ ցենտր խումբ ունեմ: Մեկը՝ 25 հոգանոց, մյուսը՝ 50: Ո՞րն ես ուզում: Էն 25-նոցը օրը 78 քոմենթ ու 167 լայք ա ապահովում, իսկ էն մեկը վաբշե ժարիտ ա անում. օրը 180 քոմենթ, 300 լայք, որից 190-ը՝ սրտիկով, ուզածդ  ձևի քոմենթ կթողնեն»:

Լավ էլ անում են

Իսկ այս ընթացքում շարունակվում է հայկական «Սանտա Բարբարան»՝ Մարտի 1-ի գործով դատավարությունը: Այստեղ թոփ-նորություն կա. գործով տուժող է հայտնվել, որը հայտարարել է, որ տուժել է ոչ թե Ռոբերտ Քոչարյանի գործողություններից, այլ Նիկոլ Փաշինյանի: Այդպես էլ հայտարարում է տուժող Սարգիս Եղիազարյանը, որ Մարտի 1-ի գործով իրական պատասխանատուն Փաշինյանն է: 

Կարճ ասած՝ Քոչարյանի թիմը կպցրել է այս անձնավորությանը: Տուժածն էլ ո՞րն է. պարզվում է, իր մեքենան է վնասվել մարտիմեկյան ոճրագործության ժամանակ: Արդեն փաստաբան ունի, որը հասցրել է բացարկ հայտնել մեղադրող դատախազներին:

Այսինքն, Մարտի 1-ի զոհերի հարազատները նման միջնորդություն չեն անում, իսկ ահա ավտոյի դարդ անողը նման քայլ է կատարում: Այստեղ մենք իրեն մեղադրելու բան չունենք: Այդպիսի մարտավարություն են ընտրել, իրենց իրավունքն է: 

Այստեղ ավելի շատ հարցեր կան իշխանություններին, որոնք այնքան քնեցին, այնպիսի դանդաղկոտություն դրսևորեցին, որ հիմա Մարտի 1-ը շուռ են տալիս իրենց վրա: Ավելին, հիմա, ինչպես պարզվում է, դատավարությունը երկարաձգելու նոր ալիք են գտել. ամեն անգամ մի նոր տուժողի «համոզելու» են, որ նոր միջնորդությամբ հանդես գա, դատավարությունը հետաձգվի, և այսպես շարունակ: Մեզ թվում է, որ ավելի շուտ Պուտինի կառավարման ժամկետը կավարտվի, քան այս դատավարությունը:  

«Չորրորդ իշխանություն», թիվ 19, 2020



Հարգելի ընթերցողներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելով Facebook-ի ձեր account-ը: Խնդրում ենք լինել կոռեկտ և հետևել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ և հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում:
 Պիտակներ

         «ՉԻ» ՌԻԹՄՈՎ, Մարտի 1-ի գործ, Ռոբերտ Քոչարյան, Աշոտ Բլեյան, Արթուր Վանեցյան, «Չորրորդ իշխանություն»


››› Երևանի ժառանգության պաշտպանության կոմիտեի հայտարարությունը
››› Իշխելու թշվառությունն ու փառքի արվեստը
››› Անասնաֆերմա՝ Նարեկ Սարգսյանից Նիկոլ Փաշինյանին... Տիգրան Ավինյանին էլ
››› Մերժվածների ջղակծկումների և վարչապետի ձախողումների արանքում
››› Ո՞վ է եղել իրական դավաճանը
››› Երբ թիրախավորվում է լռությունը
››› Ինչո՞ւ են զինվորները զոհվում Ղարաբաղում և ինչո՞ւ են բոլոր զոհերը հայաստանցի
››› Մշակութային հեղափոխություն չի լինելու
››› Ատելության խոսքը, ամբոխահաճությունը և տրամաբանությունը
››› Տաշիրյան սարդոստայն
››› Գործող Սահմանադրությունը կարող է ոչնչացնել հեղափոխությունը
››› Առաջիկա երկու-երեք ամիսները վճռորոշ են լինելու
››› ԱԱԾ-ն պետք է կանխի Քոչարյանի գայթակղությունները
››› Նիկոլն ընդդեմ Նիկոլի
››› Այսպես է լինում, երբ վեթթինգի փոխարեն հավատում են դատախազի ազնիվ խոսքին
››› Սրանց գործը փախնողներին «հաջող» անելն է
››› Արսեն Թորոսյանն ու Ալեն Սիմոնյանը՝ 1-9 հաշվով պարտության գլխավոր մեղավորներ
››› Ակորդեոնիստը որոշել է նստել «սուխոյ ատկազով»
››› ՀՀԿ-ի անհաջող գրագողությունը
››› Տանը վեր ընկնելու ժամանակները
››› Անցյալի պատանդները

Ամենաընթերցված


Երգիր, որ չկռվես


«ՉԻ» ռիթմով
«ՉԻ» ռիթմով
01.08.2020 / 945














Ստոպ-կադր
Ստոպ-կադր
01.08.2020 / 518














В ритме «ЧИ»
В ритме «ЧИ»
01.08.2020 / 266