Քաղաքական
28.05.2020 / 21:00
Լուր-մեկնաբանություն
28.05.2020 / 19:00
Քաղաքական
28.05.2020 / 17:00
Տնտեսական
28.05.2020 / 16:00
Խոհանոց
28.05.2020 / 15:00
23.09.2019   09:30
1885

Դիմակայություն, որ կվտանգի բարեփոխումները


Այլեւս իշխանության կամքից ու որոշումներից է կախված` կլինի «թեժ աշուն», թե` ոչ: Քոչարյանական եւ սարգսյանական թիմերն իրենց ամբողջ ռեսուրսները պետք է ուղղեն դատարաններում պաշտպանվելուն: Իսկ քրեական գործերը եւ նրանցում ներգրավված անձանց քանակը աճելու են երկրաչափական պրոգրեսիայով: Իրավապահ մարմինների աշխատանքից է կախված` նրանք երբ ուշքի կգան կամ կգան ընդհանրապես:

Այլ են Ամուլսարի շուրջ ստեղծված թնջուկի հանգամանքները: Հասարակական կարծիքը շարունակում է դեմ լինել սարի հանք դարձնելուն, եւ այդ տրամադրությունները չեն փոխվում իշխանության` նախկին ռեժիմին պատասխանատվության ենթարկելու վճռական քայլերի համատեքստում: Իշխանությունը եւ անձամբ վարչապետը պետք է ճիշտ հետեւություններ անեն ստեղծված իրավիճակում: Եվ առաջին հերթին քաղաքական հետեւություններ: Այլեւս անիմաստ է բնապահպանական կամ տնտեսական փաստարկներ բերել Ամուլսարի հանք դառնալու օգտին: «Էլլարդի» հետ տեսակոնֆերանսն անդառնալի հարվածներ է հասցրել Ամուլսարի շահագործման բնապահպանական ռիսկերը կառավարելու փաստարկներին: Ոչ մի պետական տեսչական մարմնի եզրակացություն չի կարող հանրությանը համոզել, որ ռիսկեր չկան կամ դրանք կառավարելի են:

Տնտեսական փաստարկներն էլ ավելի թույլ են եւ քննադատությանը չեն դիմանում: Փաշինյանը ֆեյսբուքի իր էջում օրական այնպիսի թվեր է հրապարակում, որ դրանց ֆոնին, տարեկան 50 միլիոն դոլար հարկերի տեսքով մուտքը բյուջե որեւիցե տպավորություն չի կարող թողնել հասարակության վրա: Մի կողմից խոսվում է, որ երկնիշ տնտեսական աճը շատ մոտ է, մյուս կողմից` ցանկանում են բացել հանքը, որի ազդեցությունը ՀՆԱ-ի վրա մոտ չէ անգամ 1 տոկոսին: Օրերս կառավարությունը որոշեց գործարարներին վերադարձնել 58 միլիարդ դրամ պարտք: Մի երկիր, որ կարողանում է 120 միլիոն դոլար անհույս պարտք վերադարձնել, չի կարող գայթակղվել 50 միլիոն դոլարի դիմաց թունավորումից: Պատկերացրեք ֆերմերների ընտանիք, որ վերադարձրել է 10.000 դոլար պարտք, որը նրանից չէին պահանջում եւ անգամ մոռացել էին: Կհամաձայնի արդյոք այդ ընտանիքը, որ 5000 դոլարի դիմաց իր տան միջով անցկացնեն խողովակներ, որոնք կարող են փչացնել բերքը: Իհարկե` ոչ: Ընտանիքի անդամները չեն կշտամբի ընտանիքի մեծին, թե ինչ իմաստ ուներ վերադարձնել մի պարտք, որ մեզանից չէին պահանջում` դրա դիմաց փողի համար վտանգելով մեր տունը: Ոչ միայն կկշտամբեն, այլեւ հնարավոր բոլոր միջոցներով կխոչընդոտեն այդ ծրագրի իրագործմանը: 

Ներկայումս կառավարությունը ստանձնել է մեծածավալ բարեփոխումների հանձնառություն` Հայաստանի կյանքի բոլոր հնարավոր ոլորտներում: Դրանք ընթանում են դանդաղ, վայրիվերումներով, սխալներով, բայց սկսել են եւ մոտ ապագայում չեն կարող չունենալ իրենց բարենպաստ ազդեցությունը: Ամուլսարի պատ ճառով հասարակության հետ դիմադրության մեջ մտնելը, կարող է վիժեցնել դրանց ընթացքը: Առավել վտանգավոր կլինի ուժի միջոցով խնդրի հանգուցալուծումը: Դիմակայություն կլինի ոչ միայն Վայքում, այլեւ Երեւանում: 

Ներկայումս շատ ավելի լուրջ մարտահրավերներ են ծառացած պետության առջեւ եւ միայն հեղինակության հնարավոր թեթեւակի նվազումը չի կարող լինել այն գինը, որ անխուսափելի բարիկադներ կառաջացնի իշխանության եւ ժողովրդի միջեւ: 

Արիս Վաղարշակյան

Հ.Գ. Հատուկ շեշտենք, որ հասարակության վրա որեւէ ազդեցություն չթողեց նաեւ այն հանգամանքը, որ նախկին ռեժիմի սպասարկուները փորձում են մտնել Ամուլսարի պայքարի մեջ: Ներկայումս հանրության քաղաքական գիտակցությունն այնքան բարձր է, որ շատ արագ զանազանում է անշահախնդիր պայքարողներին հանկարծակի «մտահոգվածներից»: Եվ նրանց ֆիզիկական ներկայությունն ամենեւին պատճառ չէ հրաժարվելու պայքարից:

«Չորրորդ իշխանություն» 1.2019

Նյութը հասանելի է նաև անգլերեն



Հարգելի ընթերցողներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելով Facebook-ի ձեր account-ը: Խնդրում ենք լինել կոռեկտ և հետևել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ և հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում:
 Պիտակներ

         «Չորրորդ իշխանություն», Ամուլսար, Արիս Վաղարշակյան


Գովազդ
››› Մերժվածների ջղակծկումների և վարչապետի ձախողումների արանքում
››› Ո՞վ է եղել իրական դավաճանը
››› Երբ թիրախավորվում է լռությունը
››› Ինչո՞ւ են զինվորները զոհվում Ղարաբաղում և ինչո՞ւ են բոլոր զոհերը հայաստանցի
››› Մշակութային հեղափոխություն չի լինելու
››› Ատելության խոսքը, ամբոխահաճությունը և տրամաբանությունը
››› Տաշիրյան սարդոստայն
››› Գործող Սահմանադրությունը կարող է ոչնչացնել հեղափոխությունը
››› Առաջիկա երկու-երեք ամիսները վճռորոշ են լինելու
››› ԱԱԾ-ն պետք է կանխի Քոչարյանի գայթակղությունները
››› Նիկոլն ընդդեմ Նիկոլի
››› Այսպես է լինում, երբ վեթթինգի փոխարեն հավատում են դատախազի ազնիվ խոսքին
››› Սրանց գործը փախնողներին «հաջող» անելն է
››› Արսեն Թորոսյանն ու Ալեն Սիմոնյանը՝ 1-9 հաշվով պարտության գլխավոր մեղավորներ
››› Ակորդեոնիստը որոշել է նստել «սուխոյ ատկազով»
››› ՀՀԿ-ի անհաջող գրագողությունը
››› Տանը վեր ընկնելու ժամանակները
››› Անցյալի պատանդները

Ամենաընթերցված
















«ՉԻ» ռիթմով
«ՉԻ» ռիթմով
11.05.2020 / 2525










«ՉԻ» ռիթմով
«ՉԻ» ռիթմով
04.05.2020 / 2177














Թիմ չի, մուրազ է





Գործակալ 00
Գործակալ 00
02.05.2020 / 1728