Հինգշաբթի 02.07.2020 10:28

Քաղաքական
01.07.2020 / 22:00
Քաղաքական
01.07.2020 / 21:00
Սատիրիկոն
01.07.2020 / 20:00
Տնտեսական
01.07.2020 / 19:30
05.06.2020   16:00
576

Ձկնապաշարի նվազումը՝ Սևանի «ծաղկման» պատճառ


Սևանա լիճը «ծաղկում» է

Սևանա լճում նկատվում է կապտականաչ ջրիմուռներ աճ՝ լճի «ծաղկման» առաջնային փուլերն արդեն սկսվել են: Այս մասին հայտարարել է Շրջակա միջավայրի նախարարի տեղակալ Իրինա Ղափլանյանը:

Փոխնախարարը լճի «ծաղկման» համար երեք հիմնական պատճառ է նշել՝ լճի մակարդակի իջեցում, օրգանական նյութերի կուտակում և գլոբալ տաքացում:

«SOS Սևան» նախաձեռնության անդամ, բնապահպան Սիլվա Ադամյանը «ՉԻ»-ի հետ զրույցում ասաց, որ Սևանա լճի խնդիրների մասին իրենք տարիներ շարունակ բարձրաձայնում են: Նրա կարծիքով՝ լիճը «ծաղկում» է ձկան պաշարների նվազման հետևանքով:

«Մեզ ոչ ոք չէր ուզում լսել, նույնիսկ այն գիտնականները, որոնք հիմա պնդում են, թե վիճակը վատ է: Հիմա սիգի ազատ որս է, ինչին դեմ դուրս եկան մասնագետները: Ասացին, որ ձկան պաշարի հետընթացը կարող է բերել նրան, որ լճի էկոլոգիան չվերականգնվի, և ծաղկումը շարունակվի: Այս առումով, իհարկե, լուրջ խնդիր կա: Բոլորս խոսել ենք այդ մասին, գիտնականները ներկայացրել են իրենց տեսակետները, սակայն նախարարությունը չի ուզել այդ կարծիքները հաշվի առնել: Սիգի որսի օրինականացումը բացատրում են, որ այսպես թե այնպես տարածաշրջանի բնակիչները ձուկն անօրինական ճանապարհով լճից հանում են: Դա արդարացում չէ: Դա պատճառներից ամենակարևորն է, որ տարեցտարի ծաղկումը տեսնում ենք: Ջրի մակարդակի իջեցման հետ կապված ձկնապաշարներն էլ են քչացել: Ձկնապաշարների վերականգնումը կբերի նրան, որ ծաղկումը հետընթաց կունենա»,- նկատեց բնապահպանը:

Սիլվա Ադամյանը նշեց, որ բնապահպանները զգուշացրել են, որ այս տարի էլ Սևանա լճի «ծաղկումն» անխուսափելի է, բայց նախարարությունը դրան մատների արանքով է նայում:

«Հիդրոէկոլոգիայի կենտրոնի գիտնականներն անընդհատ խոսում են այն մասին, որ կանգնած ենք լճի «ծաղկման» խնդրի առաջ: Մենք պետք է երկու խնդիր լուծենք: Պետք է բարձր պահենք լճի մակարդակը և ավելացնենք ձկնապաշարները մեծ քանակությամբ: Իրոք, ձուկն է, որ այդ լուրջ խնդիրը՝ «ծաղկումը», կարող է վերացնել»,- մատնանշեց նա:

Սևանի խնդիրների մասին խոսելիս մասնագետը բարձրացնում է նաև լճից ջրառ կատարելու հարցը: Դեռ 2 տարի առաջ են «S.O.S Սևան» նախաձեռնության անդամներն ու բնապահպանները ԱԺ-ի դիմաց ցույց արել՝ պնդելով, որ ջրառը լճի համար աղետալի հետևանքներ կունենա: Այս տարի էլ ոռոգման նպատակով Սևանից ջուր կվերցնեն: Կառավարության որոշմամբ լճից ջրառի չափաքանակը սահմանվել է մինչև 170.0 մլն խմ:

«2 տարի շարունակ խոսում ենք լճի ծաղկման մասին: Չնայած ասում են, որ ջրառը քիչ է լինելու, բայց ոչ ոք չի կարող կանխագուշակել, թե ոռոգման շրջանն ինչպես կլինի և Սևանից լրացուցիչ ջուր կվերցնեն, թե՝ ոչ: Շատ վատ վիճակ է ստեղծվելու, լիճը կկորցնենք: Հիմա արդեն ճահճացման վտանգ կա: 3- 4 տարի առաջ խոսել եմ կլիմայական փոփոխությունների մասին և զգուշացրել, որ կլիմայական փոփոխությունների պատճառով Սևանա լճի հետ կապված խնդիրներ կառաջանան: Ինձ պատասխանել են, որ գլոբալ կլիմայական փոփոխությունները մեզ չեն սպառնում: Բայց նկատեմ, որ հրդեհներ եղան, Սևանում խնդիրներ կան, ամբողջը կլիմայական փոփոխությունների հետևանքն է»,- նշեց նա:

Բնապահպանը ևս մեկ անգամ ընդգծում է, որ Սևանա լճի «ծաղկումից» խուսափելու համար պետք է ձկնապաշարներն ավելացնել: Մինչդեռ կառավարությունը լճում ձկան պաշարների ավելացման փոխարեն հակառակ գործընթացն է սկսել՝ օրինականացնելով սիգի որսը:

Քննարկման է ներկայացված այս տարվա որսի չափաքանակի կառավարության որոշման նախագիծը: Թույլատրվելու է 500 գրամից ոչ պակաս սիգի արդյունագործական որս 200 տոննայի սահմանում, իսկ կարասի որս՝ անսահմանափակ: Որսը նախատեսվում է թույլատրել ««Սևան» ազգային պարկ» ՊՈԱԿ-ի մասնաճյուղերի 17 տեղամասերում 2020 թվականի մարտի 15-ից մինչև 2020 թվականի հոկտեմբերի 1-ն ընկած ժամանակահատվածում:

Ի դեպ, հաշվարկների համաձայն, եթե 2018-ին սիգի արդյունագործական պաշարը լճում գնահատվել է շուրջ 740 տոննա, ապա 2019թ. այն նվազել է 9.5 % -ով՝ հասնելով 660 տոննայի: Իշխանի պաշարները 2017-ին գնահատվել են մոտ 17 տոննա, իսկ 2018-2019 թթ. իշխանի պաշարները 1-1,5 տոննայի սահմաններում են: Նվազել է նաև կարասի պաշարը:

Մանյա Պողոսյան



Հարգելի ընթերցողներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելով Facebook-ի ձեր account-ը: Խնդրում ենք լինել կոռեկտ և հետևել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ և հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում:
 Պիտակներ

         Մանյա Պողոսյան, բնապահպանություն, Սիլվա Ադամյան, ձկնորսություն


››› Երևանի ժառանգության պաշտպանության կոմիտեի հայտարարությունը
››› Իշխելու թշվառությունն ու փառքի արվեստը
››› Անասնաֆերմա՝ Նարեկ Սարգսյանից Նիկոլ Փաշինյանին... Տիգրան Ավինյանին էլ
››› Մերժվածների ջղակծկումների և վարչապետի ձախողումների արանքում
››› Ո՞վ է եղել իրական դավաճանը
››› Երբ թիրախավորվում է լռությունը
››› Ինչո՞ւ են զինվորները զոհվում Ղարաբաղում և ինչո՞ւ են բոլոր զոհերը հայաստանցի
››› Մշակութային հեղափոխություն չի լինելու
››› Ատելության խոսքը, ամբոխահաճությունը և տրամաբանությունը
››› Տաշիրյան սարդոստայն
››› Գործող Սահմանադրությունը կարող է ոչնչացնել հեղափոխությունը
››› Առաջիկա երկու-երեք ամիսները վճռորոշ են լինելու
››› ԱԱԾ-ն պետք է կանխի Քոչարյանի գայթակղությունները
››› Նիկոլն ընդդեմ Նիկոլի
››› Այսպես է լինում, երբ վեթթինգի փոխարեն հավատում են դատախազի ազնիվ խոսքին
››› Սրանց գործը փախնողներին «հաջող» անելն է
››› Արսեն Թորոսյանն ու Ալեն Սիմոնյանը՝ 1-9 հաշվով պարտության գլխավոր մեղավորներ
››› Ակորդեոնիստը որոշել է նստել «սուխոյ ատկազով»
››› ՀՀԿ-ի անհաջող գրագողությունը
››› Տանը վեր ընկնելու ժամանակները
››› Անցյալի պատանդները

Ամենաընթերցված