Սատիրիկոն/Լուր-մեկնաբանություն
26.02.2021 / 22:00
Սատիրիկոն/Լուր-մեկնաբանություն
26.02.2021 / 21:00
Քաղաքական
26.02.2021 / 20:00
Սատիրիկոն/Լուր-մեկնաբանություն
26.02.2021 / 19:00
Սատիրիկոն/Լուր-մեկնաբանություն
26.02.2021 / 17:25
Սատիրիկոն/Լուր-մեկնաբանություն
26.02.2021 / 16:15
25.08.2020   15:30
323

Իմիտացիա չստեղծել


Վաճառվող սիգ տեսնելիս քաղաքացին կզանգի՞ իրավապահներին

«SOS Սևան» նախաձեռնության անդամ, բնապահպան Սիլվա Ադամյանը չի կարծում, թե սիգի որսի օրենքով արգելման դեպքում, ապօրինի ձկնորսությունը կդադարի: Նրա համոզմամբ՝ ցանկացած դեպքում օրենք խախտողներ միշտ էլ լինում են:

Բնապահպանը նաև հավատացած է, որ քաղաքացիների՝ սիգ վաճառելու վերաբերյալ պատկան մարմիններին դիմելու դեպքում էլ խնդիրը չի լուծվելու: Նրա խոսքով՝ պետք չէ ամեն ինչ բարդել հասարակության ուսերին:

«Հասարակության մոտ 20-30 տոկոսը, հավանաբար, կահազանգի, որ դրսում սիգ են վաճառում: Մնացածներն ուղղակի շատ անտարբեր կանցնեն դրա կողքով: Բացի այդ, հասարակության մի մասը պատճառաբանում է, որ սիգը Սևանի ավազանի բնակչության մեծ մասի ապրուստի միջոցն է: Ես տեսա ձկնորսների բողոքը, նրանք վրդովված են, որ իրենց թույլ չեն տալիս որս անել: Եթե սոցիալական տեսանկյունից նայենք, խնդիրն այդպես չպետք է լուծել: Ձկնորսներին, ձկնավաճառներին այլընտրանք պետք է առաջարկել՝ նրանց լուծման այլ տարբերակ պետք է առաջարկել»,- «ՉԻ»-ի հետ զրույցում նշեց նա:

Սևանն էկոլոգիապես մահանում է

Սիլվա Ադամյանի խոսքով՝ սիգի մանրաձկան որսը կարող է մահաբեր լինել Սևանի համար: Ձկան պակասի հետևանքով լիճն էկոլոգիապես մահանում է: Արդեն մի քանի տարի է՝ Սևանը նաև «ծաղկում» է:

Շրջակա միջավայրի նախարար Ռոմանոս Պետրոսյանի՝ մանրաձկան որսի արգելքի հայտարարությունից հետո, ձկնորսներն ու ձկնավաճառները փակեցին Երևան-Սևան միջպետական ճանապարհը: Ձկնորսները դժգոհում են, որ նոր պայմանագրով առաջարկվող ուռկանների չափերով ձկնորսություն իրականացնելիս անհնար է վերահսկել 500 գրամից քիչ քաշ ունեցող ձկների որսը: Հետևաբար, ձկնորսները ակամայից դառնում են ապօրինություն գործողներ և անխուսափելիորեն պետք է պատասխանատվության ենթարկվեն:

«Ո՞նց պետք է ձկնորսները մինչև 0,5 կգ ձկան որսը կազմակերպեն: Ո՞նց պետք է անեն՝ պետք է բռնեն, հետո բաց թողնեն: Գիտնականները պնդում են, որ գոնե 2 տարի այնպես պետք է անեն, որ ձկնապաշարներն ավելանան, որից հետո Սևանի ավազանի այդ նույն բնակիչները կկարողանան օգտվել ձկնապաշարներից: Սևանի ավազանում բազմաթիվ սրճարաններ կան, հանրային սննդի կետեր, որոնք հիմնականում ձկան ուտեստներ են մատուցում՝ անխնա ոչնչացնելով սիգի պաշարները: Չեմ կարծում, որ հանրության ահազանգից հետո խնդիրը կկարգավորվի: Ճիշտ է՝ կգտնվեն մարդիկ, որոնք կդիմեն պատկան կառույցներին, բայց խնդիրը պետք է պետական մակարդակով լուծվի: Նախևառաջ պետք է հնարավորության տալ, որ ձուկը բազմանա: Հիմա մեր երկրում այնպիսի սոցիալական վիճակ է ստեղծվել, որ սպառողներն էժան վաճառվող սիգի վերաբերյալ դժվար թե բողոքեն: Եթե պետությունն, իրոք, ուզում է ՝ այդ խնդիրը լուծվի, ուղղակի վիզուալ տպավորություն չի ուզում ստեղծել, գոնե պետք է մեկ տարի խստությամբ հետևել ձկնապաշարների որսին»,- ասաց մասնագետը:

Սիլվա Ադամյանը ԳԱԱ գիտնականների պնդումներն է հիշատակում, որ Սևանա լիճը վատ վիճակում է:

«Արտոնագրային որսի դեմ բողոքող ձկնորսն ասում է, թե ներքին ինֆորմացիա ունեն, որ ձկան պաշարները շատ են, բայց դա այսպես չէ: Ես և լճի ձկնապաշարների քանակն ուսումնասիրող գիտնականներն այդ կարծիքին չենք, դրա համար պետք է համապատասխան միջոցառումներ ձեռնարկել: Չստեղծել իմիտացիա: Սա իմիտացիա կարելի է անվանել»,- հավելեց նա:

«SOS Սևան» նախաձեռնության անդամն ակնկալիքներ չունի, որ ապօրինի որսագողության դեմը կարող են առնել: Ըստ նրա՝ Բնապահպանության և ընդերքի տեսչական մարմինն էլ չունի համապատասխան ուժեր, մասնագետներ, տեխնիկա, որ կարողանա իր առջև դրված խնդիրն իրագործել:

Այս ամենը և երկրի սոցիալական վիճակը հաշվի առնելով՝ բնապահպանը չի կարծում, որ որսագողության դեմ պայքարը կաշխատի:

Ի դեպ, հաշվարկների համաձայն, եթե 2018-ին սիգի արդյունագործական պաշարը լճում գնահատվել է շուրջ 740 տոննա, ապա 2019թ. այն նվազել է 9.5 %-ով՝ հասնելով 660 տոննայի: Իշխանի պաշարները 2017-ին գնահատվել են մոտ 17 տոննա, իսկ 2018-2019 թթ. իշխանի պաշարները 1-1,5 տոննայի սահմաններում են: Նվազել է նաև կարասի պաշարը:

Նշենք, որ «Չորրորդ իշխանությունը» մի քանի հրապարակմամբ էր հանդես եկել սիգի որսի վերաբերյալ՝ ներկայացնելով, որ ջրի գնով սիգ է վաճառվում:

Օրեր առաջ Շրջակա միջավայրի նորանշանակ նախարար Ռոմանոս Պետրոսյանը հայտարարեց, որ 7 սիգը 1000 դրամով է վաճառվում, ինչն անընդունելի է:

Պետրոսյանը կոչ է արել 0,5 կգ թեթև մանրաձուկ չորսալ: Իսկ իրավագիտակից քաղաքացիներին էլ հորդորել է մանրաձուկ չգնել և հանդիպելու դեպքում՝ ահազանգել պատկան մարմիններին:

Նախարարի պնդմամբ՝ չեն հանդուրժելու ապօրինի ձկնորսությունը, չափորոշիչներով սահմանված արգելված ձկնաչափերի որսը Սևանա լճում և սահմանված նորմերի շրջանցումը:

Սիգի որսի մինչև 200 տոննայի թույլտվություն կա: Ռոմանոս Պետրոսյանի պահանջն առաջացրել էր ձկնորսների վրդովմունքը:

Նկատենք, որ թեև 2006 թվականից արգելված է սիգ տեսակի ձկան որսը, բայց մինչ օրս էլ որսագողությունը շարունակվում է:

Իսկ օգոստոսի 10-ին ԱԱԾ-ն տեսանյութ էր հրապարակել, որտեղ ներկայացվում էին Սևանա լճից շուրջ 127 տոննա ձկների ապօրինի արդյունահանման հանցավոր սխեմայի մանրամասները։

Մանյա Պողոսյան



Համաձայն «Հեղինակային իրավունքի և հարակից իրավունքների մասին» օրենքի՝ լրատվական նյութերից քաղվածքների վերարտադրումը պետք է չբացահայտի նյութի էական մասը: Կայքի նյութերից քաղվածքներ արտատպելիս լրատվամիջոցի անվանման նշումը և ակտիվ հղումի տեղադրումը պարտադիր է:
Հարգելի ընթերցողներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելով Facebook-ի ձեր account-ը: Խնդրում ենք լինել կոռեկտ և հետևել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ և հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում:

 Պիտակներ

         Մանյա Պողոսյան, Սիլվա Ադամյան, ձկնորսություն


››› Արմեն Շեկոյան. Միջնորդը
››› «Չորրորդ իշխանություն» թերթի և 4rd.am կայքի ՀԱՅՏԱՐԱՐՈՒԹՅՈՒՆԸ
››› Ո՞ւմ ձեռնտու չէ 200 միլիոն դոլարի ներդրումը
››› Երևանի ժառանգության պաշտպանության կոմիտեի հայտարարությունը
››› Իշխելու թշվառությունն ու փառքի արվեստը
››› Անասնաֆերմա՝ Նարեկ Սարգսյանից Նիկոլ Փաշինյանին... Տիգրան Ավինյանին էլ
››› Մերժվածների ջղակծկումների և վարչապետի ձախողումների արանքում
››› Ո՞վ է եղել իրական դավաճանը
››› Երբ թիրախավորվում է լռությունը
››› Ինչո՞ւ են զինվորները զոհվում Ղարաբաղում և ինչո՞ւ են բոլոր զոհերը հայաստանցի
››› Մշակութային հեղափոխություն չի լինելու
››› Ատելության խոսքը, ամբոխահաճությունը և տրամաբանությունը
››› Տաշիրյան սարդոստայն
››› Գործող Սահմանադրությունը կարող է ոչնչացնել հեղափոխությունը
››› Առաջիկա երկու-երեք ամիսները վճռորոշ են լինելու
››› ԱԱԾ-ն պետք է կանխի Քոչարյանի գայթակղությունները
››› Նիկոլն ընդդեմ Նիկոլի
››› Այսպես է լինում, երբ վեթթինգի փոխարեն հավատում են դատախազի ազնիվ խոսքին
››› Սրանց գործը փախնողներին «հաջող» անելն է
››› Արսեն Թորոսյանն ու Ալեն Սիմոնյանը՝ 1-9 հաշվով պարտության գլխավոր մեղավորներ
››› Ակորդեոնիստը որոշել է նստել «սուխոյ ատկազով»
››› ՀՀԿ-ի անհաջող գրագողությունը
››› Տանը վեր ընկնելու ժամանակները
››› Անցյալի պատանդները

Ամենաընթերցված













Շատ ուրախ ե՞ք
Շատ ուրախ ե՞ք
09.02.2021 / 980









Էդ սպառնըմ ե՞ս
Էդ սպառնըմ ե՞ս
10.02.2021 / 847


















Խզարում ենք
Խզարում ենք
02.02.2021 / 637