25.03.2021   13:35
246

Ձուն «անհետացել» է


Խառնաշփոթ՝ Զատկի տոնին ընդառաջ

Զատկին ընդառաջ իսկական խառնաշփոթ է իրացման խոշոր ցանցերում:

Մասնավորապես, տոնի խորհրդանիշ ամենապահանջված մթերքը՝ ձուն, արդեն տասն օրից ավել է՝ գրեթե «անհետացել» է:

Վերջին օրերին առևտրային որոշ խոշոր կետեր սահմանափակել են ձվի վաճառքը։ Սուպերմարկետներից մեկում անգամ նախազգուշացումով ցուցանակ է հայտնվել, որ մեկ մարդը 60 ձվից ավել չի կարող գնել։ Իսկ փոքր խանութներում ձվի գինը հասել է 90-100 դրամի:

Հայաստանի թռչնաբույծների միության նախագահ Սերգեյ Ստեփանյանը «ՉԻ»-ի հետ զրույցում, սակայն, հավաստիացրեց, որ Հայաստանում ձվի պաշարները բավարար են, որպեսզի Զատկի տոնից առաջ և մոտակա երկու ամսում թանկացում չլինի: Իսկ ձու գնելու սահմանափակումներն էլ նա արհեստական է համարում։

Միության նախագահը նկատում է, որ այս խնդիրն առաջանում է գրեթե ամեն տարի, երբ փորձում են արհեստականորեն պակասուրդ ստեղծել: Այս փորձն էլ աչքի առաջ ունենալով՝ արդեն քայլեր են ձեռնարկում: Ստեփանյանի պնդմամբ՝ արտադրողները մեղավոր չեն, գներն առևտրականների թեթև ձեռքով են ուռճացվում. առաքիչները «մախինացիաներով» են զբաղվում:

«Հասել ենք արդեն նրան, որ առաքիչների միջոցով էլ ձու բաց չենք թողնում, քանի որ առիթից օգտվողները հենց նրանք են, ինչպես նաև առևտրային ցանցերը: Առաջին տեսակի ձուն շուկա մտնող ընդհանուր արտադրանքի 65 տոկոսն է։ Խանութ է մտնում 58-60 դրամով, վաճառվում` 68-ով։ Արտադրողից մինչև ձուն հասնում է խանութ մոտ 10-12 դրամով թանկանում է: Համարյա 20 օր է՝ առևտրային կետերի ներկայացուցիչներն արտադրողներից ձու չեն ստանում, հիմա իրենք խոշոր խանութներից ձու են գնում և փոքր իրացման ցանցերում վաճառում՝ գինը բարձրացնելով»,- նշեց արտադրողը:

Ձուն կտրուկ թանկացել է

Եթե 2019թ․ ձվի շուկայական գինը 2017 և 2018 թվականների համեմատ նվազել էր 9,6 դրամով` հասնելով 38-40 դրամի, ապա 2020-ին միջին գինը կազմել է 46-50 դրամ և այդ մակարդակում մնացել մինչև 2021թ. օգոստոսը։ Այնուհետև գները բարձրացել են` հասնելով 58-60 դրամի։

Ձվի գինը կտրուկ աճել էր նախորդ տարվա դեկտեմբերին: 2020 թվականի տարեսկզբին ջրի գնով վաճառվող ձուն տարեվերջին արդեն բարձր գին ուներ:

Վիճակագրական կոմիտեի տրամադրած տվյալների համաձայն, Հայաստանում ձվի գինը 2021թ. հունվարին 2020թ. հունվարի համեմատ աճել է 26.4 %-ով։ 2018 թվականին ձուն արժեր 40 դրամ, իսկ 2021 թվականին դրա գինը հասավ 80 դրամի։ Ամենացածր արժեքը եղել է 2019 թվականի հունվար ամսին՝ 30 դրամ։

Թեպետ բազմաթիվ դժվարություններ կան, բայց արտադրողներն ամեն ջանք գործադրում են, որպեսզի խուսափեն նաև գնային տատանումներից։

Ինչպես պարզաբանեց Ս.Ստեփանյանը, ձվի գինն ուղղակիորեն կախված է թռչնի կերի, էլեկտրաէներգիայի և գազի սակագներից:

«Ռուսաստանի Դաշնությունում թռչնի կերը թանկացել է: Մեկ կիլոգրամ եգիպտացորենը, որը վաճառվում էր 8 ռուբլով, հիմա դարձել է 14: Կորոնավիրուսով պայմանավորված՝ ՌԴ-ում իրենց ռեզերվներն են ամրապնդում: Կեր չեն վաճառում, ով ավելի բարձր գին առաջարկեց, նրան էլ տալիս են»,- ընդգծեց մեր զրուցակիցը:

Վիճակագրական կոմիտեի տվյալներով, Հայաստանում տարեկան մոտ 700 միլիոն ձու է սպառվում։ Վերջին երկու տարում սպառման աճ է գրանցվել։ 2018թ. սպառվել է 726,8 միլիոն ձու, 2019-ին՝ 720,6 միլիոն, իսկ 2020-ին՝ 754,6 միլիոն։

Խուճապի չմատնվել

Արտադրողների միության ղեկավարը շտապում է հանգստացնել բնակչությանը` նշելով, որ չնայած խնդիրներին, իրենք անում են ամեն ինչ, որպեսզի սպառողը խնդիր չունենա. ձվի պակաս չի լինի: Արտադրողները խոստանում են, որ Զատկի տոնի նախաշեմին ձվի գինը չեն բարձրացնի:

Ըստ թռչնաբույծի՝ այս ամենը նաև նրա հետևանքն է, որ նախորդ տարվանից դժվարությամբ են ճուտ ներկրում: Կորոնավիրուսն ու անցյալ տարվա սեպտեմբերի 27-ից երկրում հայտարարված ռազմական դրությունը ներկրումների համար ճանապարհները փակել են:

«Ամեն տարի սեպտեմբերին վառեկներ էինք ներկրում և Սուրբ Զատիկին հասցնում էինք նոր ներկրած ճտերից ձու ստանալ: Այս տարի, սակայն, չենք կարողացել դա անել, ուշացել ենք: Ե՛վ ՌԴ-ն է փակ, և՛ Իրանը: Ռուսների հետ խոսում ենք, ասում են՝ մենք պատրաստ ենք, երբ ուզում եք, կարող եք ապրանք տանել, բայց թռիչքներ չունենք: Վրաստանից նույնպես չենք կարողանում ներկրումներ անել»,- մտահոգվեց նա:

Ասում է՝ հույսներս դրսի հետ չէինք կապի, եթե տոհմային տնտեսություններ ունենայինք: Այս առաջարկը Թռչնաբույծների միության նախագահը նախորդ և ներկայիս իշխանություններին է ներկայացրել, բայց ուշադրություն դարձնող չի եղել:

«Մեզ պետք է գոնե մեկ տոհմային թռչնաֆաբրիկա, որ վերարտադրություն ապահովենք և ամեն անգամ վիզ չծռենք: Մեր տնտեսություններն առանց պետական օժանդակության չեն կարող այդ քայլին գնալ, քանի որ ֆինանսներ չունեն»,- կարևորեց փորձագետը:

Սերգեյ Ստեփանյանի խոսքով, ձվի շուկայում ստեղծված վիճակը կարգավորելու նպատակով դիմել են Տնտեսական մրցակցության պաշտպանության պետական հանձնաժողով:

Մանյա Պողոսյան

«Չորրորդ իշխանություն», թիվ 12, 2021



Համաձայն «Հեղինակային իրավունքի և հարակից իրավունքների մասին» օրենքի՝ լրատվական նյութերից քաղվածքների վերարտադրումը պետք է չբացահայտի նյութի էական մասը: Կայքի նյութերից քաղվածքներ արտատպելիս լրատվամիջոցի անվանման նշումը և ակտիվ հղումի տեղադրումը պարտադիր է:
Հարգելի ընթերցողներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելով Facebook-ի ձեր account-ը: Խնդրում ենք լինել կոռեկտ և հետևել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ և հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում:

 Պիտակներ

         «Չորրորդ իշխանություն», Սերգեյ Ստեփանյան, Մանյա Պողոսյան, գնաճ


››› Չարենց. Դաշնակցականներին (Ներբող քաղաքական)
››› Սա քո պատերազմն էր, Նիկո՛լ
››› Ոչ ոք չի թաքցրել տարածքներ զիջելու փաստը
››› Քայլ արեք, իրար կերեք
››› Արմեն Շեկոյան. Միջնորդը
››› «Չորրորդ իշխանություն» թերթի և 4rd.am կայքի ՀԱՅՏԱՐԱՐՈՒԹՅՈՒՆԸ
››› Ո՞ւմ ձեռնտու չէ 200 միլիոն դոլարի ներդրումը
››› Երևանի ժառանգության պաշտպանության կոմիտեի հայտարարությունը
››› Իշխելու թշվառությունն ու փառքի արվեստը
››› Անասնաֆերմա՝ Նարեկ Սարգսյանից Նիկոլ Փաշինյանին... Տիգրան Ավինյանին էլ
››› Մերժվածների ջղակծկումների և վարչապետի ձախողումների արանքում
››› Ո՞վ է եղել իրական դավաճանը
››› Երբ թիրախավորվում է լռությունը
››› Ինչո՞ւ են զինվորները զոհվում Ղարաբաղում և ինչո՞ւ են բոլոր զոհերը հայաստանցի
››› Մշակութային հեղափոխություն չի լինելու
››› Ատելության խոսքը, ամբոխահաճությունը և տրամաբանությունը
››› Տաշիրյան սարդոստայն
››› Գործող Սահմանադրությունը կարող է ոչնչացնել հեղափոխությունը
››› Առաջիկա երկու-երեք ամիսները վճռորոշ են լինելու
››› ԱԱԾ-ն պետք է կանխի Քոչարյանի գայթակղությունները
››› Նիկոլն ընդդեմ Նիկոլի
››› Այսպես է լինում, երբ վեթթինգի փոխարեն հավատում են դատախազի ազնիվ խոսքին
››› Սրանց գործը փախնողներին «հաջող» անելն է
››› Արսեն Թորոսյանն ու Ալեն Սիմոնյանը՝ 1-9 հաշվով պարտության գլխավոր մեղավորներ
››› Ակորդեոնիստը որոշել է նստել «սուխոյ ատկազով»
››› ՀՀԿ-ի անհաջող գրագողությունը
››› Տանը վեր ընկնելու ժամանակները
››› Անցյալի պատանդները

Ամենաընթերցված




Տիկին, լա՞վ եք
Տիկին, լա՞վ եք
22.04.2021 / 1397































Ցինիկ և տխմար
Ցինիկ և տխմար
13.04.2021 / 584





Ստոպ-կադր
Ստոպ-կադր
11.04.2021 / 556







Совет да любовь