Սատիրիկոն/Լուր-մեկնաբանություն
26.02.2021 / 22:00
Սատիրիկոն/Լուր-մեկնաբանություն
26.02.2021 / 21:00
Քաղաքական
26.02.2021 / 20:00
Սատիրիկոն/Լուր-մեկնաբանություն
26.02.2021 / 19:00
Սատիրիկոն/Լուր-մեկնաբանություն
26.02.2021 / 17:25
Սատիրիկոն/Լուր-մեկնաբանություն
26.02.2021 / 16:15
31.01.2021   19:00
216

Մաքսատուրքը կբարձրանա. ինչ է սպասվում թռչնամսի շուկայում


ՀԱՎԵ՛Ր, ԲԱԶՄԱՑԵՔ

Նախարարի կոչը՝ արտադրողներին

Ուղիղ մեկ տարի հետո Հայաստան ներմուծվող թռչնամսի մաքսատուրքը կտրուկ կաճի և կդառնա 80 %:
Ըստ էկոնոմիկայի նախարար Վահան Քերոբյանի՝ դա Հայաստանում թռչնամսի արտադրությունը կդարձնի շատ գրավիչ:

Այդ շանսից օգտվելու համար նախարարը ներդրումներ անելու կոչով էր հանդես եկել՝ ուղղված թռչնամսի արտադրությամբ, ինչպես նաև ներմուծմամբ զբաղվող գործարարներին։

Հայաստանում տարեկան արտադրվում է մոտ 15 000 տոննա թռչնամիս, ներմուծվում՝ մոտ 44 000 տոննա: Պակասուրդը լրացնելու համար, Վահան Քերոբյանի կարծիքով, պետք է մոտ 120 մլն եվրոյի ներդրում կատարել թռչնաֆաբրիկաներում։

Իսկ թռչնամսի մաքսատուրքի բարձրացումը Հայաստանի համար ԵԱՏՄ-ի շրջանակներում պարտադրված որոշում է։

Այս տարվանից տարբեր չափերով բարձրանում են ոչ միայն թռչնամսի, այլև մոտ 650 ապրանքատեսակի ներմուծման մաքսատուրքերը։ Մեղմացման մեխանիզմներ, սակայն, կգործեն թռչնամսի, խոշոր եղջերավոր անասունների և խոզի մսի ներմուծման համար:

Մաքսատուրքերի բարձրացման նպատակը ԵԱՏՄ միասնական դրույքաչափերին հավասարվելն է: Մաքսատուրքերի փոփոխման գրաֆիկը կախված է ներկրումների ծավալից: 2021 թվականից թռչնամսի և մսամթերքի ներմուծման մաքսատուրքը 22-ից դառնում է 50 %: Թռչնամսի դեպքում, օրինակ, քվոտավորման շրջանակներում Հայաստանի համար 2021 թվականին սահմանված է 44 000 տոննա։

Երբ ոչ ԵԱՏՄ երկրներից Հայաստան ներմուծվող թռչնամսի քանակը գերազանցի նշված 44 000 տոննան, ներմուծողներն արդեն ստիպված կլինեն վճարել ոչ թե 25 % մաքսատուրք, այլ՝ 50:

Իսկ 2022 թվականից ոչ ԵԱՏՄ՝ երրորդ երկրներից հավի մսի ներմուծման մաքսատուրքը դառնալու է 80 %: Թե որքան կլինի քվոտայի շեմը և ինչ մաքսատուրքեր կսահմանվեն դրա շրջանակներում, առայժմ հայտնի չէ:

Կարճ ժամանակում ինքնաբավության հասնելն անիրատեսական է

Թռչնաբույծների միության նախագահ Սերգեյ Ստեփանյանն անիրատեսական է համարում կարճ ժամկետներում Հայաստանում թռչնամսի պահանջարկն ամբողջությամբ տեղականով բավարարելը: Նախարարի կոչն ավելի շատ բարի ցանկություն է համարում: «ՉԻ»-ի հետ զրույցում մեր զրուցակիցը նշեց, որ յուրաքանչյուր լրացուցիչ 5 000 տոննա թռչնամիս արտադրելու համար հարկավոր են 16 մլն եվրոյի ներդրումներ:

«Վերջին 4-5 տարիներին մեծ թվով ներդրումներ են կատարվել։ Մասնավորապես, մասնագիտացված տնտեսություններում մոտ 6-6,5 միլիոն դոլարի ներդրում է եղել։ 120 մլն եվրոն էլ, եթե վերլուծում ես, նշանակում է՝ մոտ 30 000 տոննա թռչնամսի արտադրություն: Միանգամից այդ ծավալին դժվար կարող ենք հասնել: 12 տարվա մեջ 3 անգամ ենք կարողացել արտադրության ծավալներն ավելացնել: 2007-2008 թվականներին 5 000 տոննա ենք արտադրել, իսկ 2020-ին՝ 14 000: Թռիչքային ներդրումներ և ավելացումներ չենք կարող անել: Մենք 5 000 տոննայի արտադրության ծրագիր ունենք, բայց 2 տարի է՝ չենք կարողանում ֆինանսավորում գտնել, ուր մնաց՝ 120 մլն եվրոյի ներդրում արվի»,- ասաց նա և ընդգծեց, որ թռչնամսի արտադրության պետական ծրագիր է պետք:

«Արտադրողները քիչ-քիչ են ներդրումներ անում: Հիմա մեր բոլոր գործարարները բանկերից վարկեր են վերցրել ու հազիվ են աշխատում։ Լրացուցիչ խոշոր ներդրում ոլորտում անհնար է։ 2019-ի ներդրումներով 2020թ. իներցիայով անցկացրինք, բայց 2021-2022 թվականները ոլորտի համար դժվար են լինելու։ Առկա ռեսուրսներն արդեն ներդրել ենք, ոլորտում հիմա ներարկում է պետք։ Եթե պետությունը բիզնեսում ներարկում կատարելու ուղղությամբ գնա, շատ լավ կլինի»,- մատնանշեց թռչնաբույծը:

Նույնիսկ գնային էական բարձրացման պարագայում, գնի առումով տեղական թռչնամիսը չի կարողանա մրցակցել ներկրվածի հետ, քանի որ այն տեղականից անհամեմատ էժան է:

Եթե նախկինում Հայաստանը Ռուսաստանից, ԱՄՆ-ից և մյուս երկրներից էր ավելի շատ թռչնամիս ներմուծում, ապա վերջին 2-3 տարիներին գերիշխում են Ուկրաինայից ներկրումները:

Կասկածելի թռչնամիս՝ Ուկրաինայից

Վիճակագրությունը փաստում է, որ 2019 թվականին Հայաստանը թռչնամիս է ներմուծել հիմնականում Ուկրաինայից, ԱՄՆ-ից, Բրազիլիայից, Ռուսաստանից, Բելգիայից: Իսկ գերմանական թռչնամիսը բերվում է Վրաստանից, որտեղից նախկինում ներկրումներ չեն եղել: Սերգեյ Ստեփանյանի խոսքով՝ Ուկրաինայից ներմուծվում է շատ էժան, կասկածելի ծագմամբ և որակի թռչնամիս:

«Ներկրողը երբեք արտադրության մեջ ներդրումներ չի անի: Էժան միս է բերում և արագ սպառում: Այսպես, 30 000 տոննա ներկրման դեպքում և 12 000 տոննա արտադրողները գրեթե նույն քանակի բյուջե փող են վճարում: Նրանք 5 աշխատող են պահում, մենք՝ շատ»,- բացատրեց մասնագետը:

Հավասար պայմաններ են պահանջում

Թռչնաբույծների միության նախագահի կարծիքով, եթե կառավարությունն ուզում է զարգացնել տեղական թռչնամսի արտադրությունը, ապա պետք է հավասար մրցակցային պայմաններ ստեղծի և՛ տեղական արտադրողի, և՛ ներկրողի համար:

«Շուկայի ամբողջ թարմ պաղեցված միսը տեղական արտադրողներ են ապահովում: Սառեցված մսի դեպքում էլ թող հավասար մրցակցային պայմաններ ստեղծեն, մեր ուժերով կավելացնենք»,- նկատեց նա:

Թռչնաբույծի խոսքով՝ տեղական արտադրությունը զարգացնելու համար, պետությունը կարող է դրսից ներդրումներ բերել:

Առաջիկայում հեշտ օրեր չեն սպասվում թռչնաբույծների համար: Կերի գինը 30-35 տոկոսով բարձրացել է, գազն ու էլեկտրաէներգիան նույնպես թանկանում են, որը թռչնամսի ինքնարժեքի վրա է ազդելու: Ստեփանյանը նշեց, որ շուկայում թռչնամսի գների բարձրացում է սպասվում:

Մանյա Պողոսյան

«Չորրորդ իշխանություն», թիվ 4, 2021



Համաձայն «Հեղինակային իրավունքի և հարակից իրավունքների մասին» օրենքի՝ լրատվական նյութերից քաղվածքների վերարտադրումը պետք է չբացահայտի նյութի էական մասը: Կայքի նյութերից քաղվածքներ արտատպելիս լրատվամիջոցի անվանման նշումը և ակտիվ հղումի տեղադրումը պարտադիր է:
Հարգելի ընթերցողներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելով Facebook-ի ձեր account-ը: Խնդրում ենք լինել կոռեկտ և հետևել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ և հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում:

 Պիտակներ

         «Չորրորդ իշխանություն», Սերգեյ Ստեփանյան, Վահան Քերոբյան, Մանյա Պողոսյան


››› Արմեն Շեկոյան. Միջնորդը
››› «Չորրորդ իշխանություն» թերթի և 4rd.am կայքի ՀԱՅՏԱՐԱՐՈՒԹՅՈՒՆԸ
››› Ո՞ւմ ձեռնտու չէ 200 միլիոն դոլարի ներդրումը
››› Երևանի ժառանգության պաշտպանության կոմիտեի հայտարարությունը
››› Իշխելու թշվառությունն ու փառքի արվեստը
››› Անասնաֆերմա՝ Նարեկ Սարգսյանից Նիկոլ Փաշինյանին... Տիգրան Ավինյանին էլ
››› Մերժվածների ջղակծկումների և վարչապետի ձախողումների արանքում
››› Ո՞վ է եղել իրական դավաճանը
››› Երբ թիրախավորվում է լռությունը
››› Ինչո՞ւ են զինվորները զոհվում Ղարաբաղում և ինչո՞ւ են բոլոր զոհերը հայաստանցի
››› Մշակութային հեղափոխություն չի լինելու
››› Ատելության խոսքը, ամբոխահաճությունը և տրամաբանությունը
››› Տաշիրյան սարդոստայն
››› Գործող Սահմանադրությունը կարող է ոչնչացնել հեղափոխությունը
››› Առաջիկա երկու-երեք ամիսները վճռորոշ են լինելու
››› ԱԱԾ-ն պետք է կանխի Քոչարյանի գայթակղությունները
››› Նիկոլն ընդդեմ Նիկոլի
››› Այսպես է լինում, երբ վեթթինգի փոխարեն հավատում են դատախազի ազնիվ խոսքին
››› Սրանց գործը փախնողներին «հաջող» անելն է
››› Արսեն Թորոսյանն ու Ալեն Սիմոնյանը՝ 1-9 հաշվով պարտության գլխավոր մեղավորներ
››› Ակորդեոնիստը որոշել է նստել «սուխոյ ատկազով»
››› ՀՀԿ-ի անհաջող գրագողությունը
››› Տանը վեր ընկնելու ժամանակները
››› Անցյալի պատանդները

Ամենաընթերցված













Շատ ուրախ ե՞ք
Շատ ուրախ ե՞ք
09.02.2021 / 980









Էդ սպառնըմ ե՞ս
Էդ սպառնըմ ե՞ս
10.02.2021 / 847


















Խզարում ենք
Խզարում ենք
02.02.2021 / 637