04.04.2021   17:00
248

Զբոսաշրջային բում սպասե՞լ


Իրանցիներ են եկել, բայց քիչ

Այս օրերին Երևանի փողոցներում իրանցիների կարելի է տեսնել, մեկ տարվա դադարից հետո հարևան երկրի քաղաքացիները եկել են Հայաստան` Նովրուզը` իրանական Նոր տարին նշելու։ Նրանցից ոմանք ծրագրել են ավելի երկար մնալ՝ Հայաստանի տեսարժան վայրերն այցելել:

Հայաստան ժամանած իրանցիների թիվը, սակայն, նախորդ տարիների համեմատ շատ է նվազել: Հավանաբար, զբոսաշրջության ոլորտում այս փոքրիկ աշխուժությունն է էկոնոմիկայի նախարարին լավատեսական կանխատեսումների առիթ տվել: Թեև 2020-ին մեծ անկում է գրանցվել զբոսաշրջության ոլորտում, բայց Վահան Քերոբյանի խոսքով, հնարավոր է ընկնել նորմալ տեմպի մեջ։ Նախարարը հայտարարել է, որ այս տարի զբոսաշրջության ոլորտում կանխատեսում է 319 տոկոս աճ:

Զբոսաշրջության ոլորտում 319 տոկոս աճը նշանակում է, որ մեր երկիր այցելող զբոսաշրջիկների թիվը նախորդ տարվա համեմատ երեք անգամ ավել կլինի: Կորոնավիրուսի և Արցախյան պատերազմի հետևանքով 2020-ին մեր երկիր մոտ 375 000 այցելություն է եղել, եթե կանխատեսվող ցուցանիշը նկատի ունենանք, ապա ընթացիկ տարում հնարավոր է 1-2 մլն զբոսաշրջիկ գա Հայաստան:

Զբոսաշրջության ոլորտում հույս կա

Տուրիզմի ֆեդերացիայի նախագահ Մեխակ Ապրեսյանն այս ցուցանիշն իրատեսական է համարում այն դեպքում, եթե այդ ուղղությամբ հստակ միջոցառումներ իրականացվեն: Ոլորտն անկումից դուրս բերելու ամենաառաջնային քայլերը ֆեդերացիան արդեն նախարարությանն է ներկայացրել:

Չնայած փոքրաթիվ այցելություններին, բայց Հայաստանն աշխարհի բազմաթիվ երկրների կողմից դեռևս «կարմիր» ցուցակում է՝ կորոնավիրուսի պատճառով: Մեխակ Ապրեսյանը նշեց, որ այդ պետությունների հետ դիվանագիտական ուղիներով աշխատանքներ պետք է տարվեն՝ համոզելու, որ կորոնավիրուսի դեմ պայքարի առումով անվտանգության միջոցառումները մեզ մոտ ապահովված են և այցելության համար խորհուրդ չտրվող երկրների ցանկից դուրս գանք:

«Հայաստան մուտքի ռեժիմը բավական դյուրին է: Չնայած դրան՝ այլ խնդիրներ ևս կան: Արդեն շատ երկրներում, այդ թվում՝ եվրոպական, որոնք մեզ համար նպատակային շուկաներ են, սկսել են վիրուսի դեմ պատվաստման գործընթաց: Բացի բացասական թեստ ունեցողներից, պետք է հնարավորություն տալ, որ պատվաստված անձինք, ցույց տալով այդ մասին վկայող փաստաթուղթը, ևս կարողանան մուտք գործել Հայաստան: Իսկ այդ երկրներում թեստերը բավական թանկ են, ինչը կարող է խոչընդոտ հանդիսանալ մեր երկիր այցելության համար»,- «ՉԻ»-ի հետ զրույցում նկատեց նա:

Զբոսաշրջային հոսքեր ունենալու համար, ըստ փորձագետի, պետք է նաև վիզային ռեժիմի հարցով էլ աշխատանքներ տարվեն:

Երևանում սակավաթիվ զբոսաշրջիկների ներկայությունը Տուրիզմի ֆեդերացիայի նախագահին հույս է տալիս, որ զբոսաշրջության ոլորտը կվերականգնվի: Ռուսաստանի Դաշնությունից ու Իրանից այս պահին զբոսաշրջիկների շարժ կա դեպի մեր երկիր: Մեխակ Ապրեսյանի համոզմամբ՝ 2021-ն անցած տարվանից լավն է լինելու։

Լավ ցուցանիշ արձանագրելու համար, նրա դիտարկմամբ, պետք է զբոսաշրջության փլուզվող ոլորտին կյանք տալ. ներդրումային միջավայրը բարելավել, կորոնավիրուսի տնտեսական հետևանքները չեզոքացնող ծրագրեր իրականացնել: Այս ամենն իրագործելու դեպքում ոլորտը կաշխուժանա:

Վտանգավոր հայտարարություն

Վահան Քերոբյանի հայտարարությունը՝ զբոսաշրջության 319% աճի վերաբերյալ իրականությանը մոտ չի համարում Հայաստանի հյուրանոցների ասոցիացիան:

Նախարարի պնդումն առ այն, որ «մայիս ամսից կմտնենք ընդունելի և նորմալ տեմպի մեջ» հյուրանոցների ասոցիացիայի համար ավելի քան մտահոգիչ է, քանզի, ըստ ասոցիացիայի, գոյություն չունի ապագային վերաբերող քիչ թե շատ հիմնավոր կանխատեսում անելու հնարավորություն: Նախարարի նման մոտեցումը շատ վտանգավոր են համարում, որովհետև այն կարող է թուլացնել պետության և զբոսաշրջության ոլորտում գործողների զգոնությունը, առաջացնել կեղծ սպասումներ ու պետական զգալի աջակցության բացակայության պարագայում անելանելի վիճակի մեջ դնել ոլորտը:

Զբոսաշրջային գործակալությունները հույսները չեն կտրում

Մինչդեռ զբոսաշրջային ընկերությունները տուրիստական հոսքերի աշխուժացում են ակնկալում, եթե կրկին «լոքդաուններ» չլինեն: Կորոնադադարից հետո ոլորտում որոշակի աշխուժացում է նկատում «Ռիմա Թրավել» զբոսաշրջային գործակալության տնօրեն Ռիմա Խաչատրյանը: Նրա տեղեկացմամբ՝ ակտիվացել է նաև ավիատոմսերի վաճառքը:

«Աշխուժությունն ավելի շատ արտագնա ուղղությամբ է, քան ներգնա: Ներքին տուրերից հիմնականում օգտվում են այն զբոսաշրջիկները, որոնք ունեն սոցիալական փաթեթներ: Իսկ նրանք, ովքեր սոցփաթեթներ չունեն, շատ քիչ են հանգստանալու համար դիմում զբոսաշրջային ընկերություններին: Քաղաքացիներից շատերը ֆինանսական հնարավորություն չունեն հանգստանալու համար: Նորապսակները, բուժման կարիք ունեցողներն են ավելի շատ հանգստի մեկնում»,- ներկայացրեց զբոսաշրջային ընկերության տնօրենը:

Առայժմ դրսից շատ հետաքրքրվողներ չկան, բայց ոլորտի ներկայացուցչի գնահատմամբ, այս խնդիրը հաղթահարելի է: Պետք է երկիրը լավ ներկայացնել՝ ցույց տալ, որ Հայաստանը ոչ թե վատ վիճակում է, այլ հակառակը: Ռիմա Խաչատրյանը նպատակ ունի այս տարի զբոսաշրջիկներ տանելու Արցախ՝ ի լուր աշխարհի ապացուցելու, որ այն չենք կորցրել:

Իսկ անցյալ զբոսաշրջային գործակալությունների գործունեության անկումը կազմել է ավելի քան 85 տոկոս։ Ռիմա Խաչատրյանի կարծիքով՝ քիչ քանակությամբ զբոսաշրջիկներ ընդունելու դեպքում էլ կարող են նախորդ տարվա կրած վնասները վերականգնել, եթե պետությունն իրենց թիկունքին կանգնի: Զբոսաշրջային ընկերության նախագահը կարևորում է հատկապես աշխատակիցների հարկերի վճարման ժամանակավոր դադարեցումը:

Մանյա Պողոսյան

«Չորրորդ իշխանություն», թիվ 13, 2021



Համաձայն «Հեղինակային իրավունքի և հարակից իրավունքների մասին» օրենքի՝ լրատվական նյութերից քաղվածքների վերարտադրումը պետք է չբացահայտի նյութի էական մասը: Կայքի նյութերից քաղվածքներ արտատպելիս լրատվամիջոցի անվանման նշումը և ակտիվ հղումի տեղադրումը պարտադիր է:
Հարգելի ընթերցողներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելով Facebook-ի ձեր account-ը: Խնդրում ենք լինել կոռեկտ և հետևել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ և հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում:

 Պիտակներ

         Մանյա Պողոսյան, զբոսաշրջություն, Ռիմա Խաչատրյան, Մեխակ Ապրեսյան, Վահան Քերոբյան, «Չորրորդ իշխանություն»


››› Չարենց. Դաշնակցականներին (Ներբող քաղաքական)
››› Սա քո պատերազմն էր, Նիկո՛լ
››› Ոչ ոք չի թաքցրել տարածքներ զիջելու փաստը
››› Քայլ արեք, իրար կերեք
››› Արմեն Շեկոյան. Միջնորդը
››› «Չորրորդ իշխանություն» թերթի և 4rd.am կայքի ՀԱՅՏԱՐԱՐՈՒԹՅՈՒՆԸ
››› Ո՞ւմ ձեռնտու չէ 200 միլիոն դոլարի ներդրումը
››› Երևանի ժառանգության պաշտպանության կոմիտեի հայտարարությունը
››› Իշխելու թշվառությունն ու փառքի արվեստը
››› Անասնաֆերմա՝ Նարեկ Սարգսյանից Նիկոլ Փաշինյանին... Տիգրան Ավինյանին էլ
››› Մերժվածների ջղակծկումների և վարչապետի ձախողումների արանքում
››› Ո՞վ է եղել իրական դավաճանը
››› Երբ թիրախավորվում է լռությունը
››› Ինչո՞ւ են զինվորները զոհվում Ղարաբաղում և ինչո՞ւ են բոլոր զոհերը հայաստանցի
››› Մշակութային հեղափոխություն չի լինելու
››› Ատելության խոսքը, ամբոխահաճությունը և տրամաբանությունը
››› Տաշիրյան սարդոստայն
››› Գործող Սահմանադրությունը կարող է ոչնչացնել հեղափոխությունը
››› Առաջիկա երկու-երեք ամիսները վճռորոշ են լինելու
››› ԱԱԾ-ն պետք է կանխի Քոչարյանի գայթակղությունները
››› Նիկոլն ընդդեմ Նիկոլի
››› Այսպես է լինում, երբ վեթթինգի փոխարեն հավատում են դատախազի ազնիվ խոսքին
››› Սրանց գործը փախնողներին «հաջող» անելն է
››› Արսեն Թորոսյանն ու Ալեն Սիմոնյանը՝ 1-9 հաշվով պարտության գլխավոր մեղավորներ
››› Ակորդեոնիստը որոշել է նստել «սուխոյ ատկազով»
››› ՀՀԿ-ի անհաջող գրագողությունը
››› Տանը վեր ընկնելու ժամանակները
››› Անցյալի պատանդները

Ամենաընթերցված





























Ցինիկ և տխմար
Ցինիկ և տխմար
13.04.2021 / 577


Ստոպ-կադր
Ստոպ-կադր
11.04.2021 / 550















Հերքում
Հերքում
12.04.2021 / 480