Հինգշաբթի 28.01.2021 13:40

Սատիրիկոն/Լուր-մեկնաբանություն
27.01.2021 / 22:00
Սատիրիկոն/Լուր-մեկնաբանություն
27.01.2021 / 21:00
Սատիրիկոն/Լուր-մեկնաբանություն
27.01.2021 / 20:00
Սատիրիկոն/Լուր-մեկնաբանություն
27.01.2021 / 19:00
Սատիրիկոն/Լուր-մեկնաբանություն
27.01.2021 / 17:30
Սատիրիկոն/Լուր-մեկնաբանություն
27.01.2021 / 16:00
13.12.2020   19:00
398

Դրամի արժեզրկումն ու գրանցված գնաճը


Դրամի արժեզրկման հետևանքները

Հանրապետությունում վերջին շրջանում գնաճ է արձանագրվել՝ սննդամթերքից մինչև սեղմված գազ:

Հայաստանում թանկացել է նաև բենզինը։ Արդեն մի քանի օր է՝ հայաստանյան բենզալցակայաններում «Ռեգուլյար» տեսակի բենզինի մեկ լիտրը վաճառվում է 350 դրամով: Պաշտոնական թվերը նույնպես վկայում են, որ բենզինի գինը բարձրացել է։ Ըստ Ազգային վիճակագրական կոմիտեի հրապարակած տվյալների, նոյեմբեր ամսին հոկտեմբերի համեմատ, հանրապետությունում գրանցվել է բենզինի 0.4 % գնաճ։

Մինչդեռ դիզելային վառելիքի գինը 3.6 %-ով նվազել է: Նոյեմբերին, նախորդ տարվա նույն ժամանակահատվածի համեմատ, բենզինի և դիզելային վառելիքի գները նվազել են 13.9 և 23.8 %-ով, իսկ 2019թ. դեկտեմբերի համեմատ՝ 15.6 և 25.2 %-ով։

Բենզալցակայանի աշխատակիցներից մեկը «ՉԻ»-ի հետ զրույցում նշեց, որ պատճառը դոլարի փոխարժեքի բարձրացումն է, ինչն ազդել է ներմուծվող ապրանքների գների վրա:

Բենզինի թանկացումը միակ վատ լուրը չէ վարորդների համար: Սեղմված գազի գինը նույնպես բարձրացել է՝ հասնելով 320 դրամի: «Ավտոգազ» ասոցիացիա ՀԿ նախագահ Մկրտիչ Տիգրանյանի խոսքով՝ սեղմված գազի գնի բարձրացման մի քանի պատճառներ կան:

Դրանցից մեկը դոլարի փոխարժեքի բարձրացումն է:

«Նկատած կլինեք, որ հանրապետությունում սննդամթերքը ևս թանկացել է: Այնպես չէ, որ այդ գնաճն ինչ-որ մեկի քմահաճույքով է տեղի ունեցել: Դոլարի փոխարժեքի բարձրացումով էլ շուտով կհաշվեն, թե ինչքան է թանկացել սեղմված գազը: Գինը պարզ կլինի, երբ Հանրային ծառայությունները կարգավորող հանձնաժողովը վերջնական գին հայտարարի: Իսկ գազալցակայանների շուկայում մրցակցությունը մեծ է: Գազալցակայանների տերերն անհատ ձեռնարկատերեր են, որոնք որոշակի չափով արժեքը նաև իրենք են բարձրացնում: Նկատեմ, որ ամեն ինչն էլ պետք է թանկանա: Ներքաղաքական անկայուն վիճակը, դրամի արժեզրկումը, տնտեսական ծանր վիճակը հանգեցրին գնաճի»,- նշեց Տիգրանյանը:

Այս տարվա ընթացքում սեղմված գազի գինը երկրորդ անգամ է բարձրանում: Ամռանը մեկ կիլոգրամի արժեքը 290-300 դրամ էր: Թանկացում տեղի ունեցավ, երբ հուլիսի 16-ից գազի գինը որոշ սպառողների համար բարձրացավ, ինչի հետևանքով նաև սեղմված գազի գինը 5-10 տոկոսով փոխվեց:

Տնտեսությունում շարժ չկա

Սեղմված գազի սպառման ծավալները կրճատվել են, ինչը նույնպես ազդել է գնագոյացման վրա:

«Դա կախված է նրանից, թե գազալցակայանը որտեղ է գտնվում: Օրինակ՝ տարբեր մարզերում գազի սպառման ծավալները տարբեր են: Ինչքան գազալցակայանը մեծ քանակի գազ է սպառում, այնքան իր մոտ հնարավոր է գինը ցածր լինի: Երբ սպառման ծավալները ցածր են, գինը համեմատաբար բարձր է լինում: Գինը ցանկություն չէ, որ գազալցակայաններն ուզենան շատ բարձրացնեն: Շուկան է կարգավորում գնագոյացումը, իսկ գազալցակայանների շուկայում լուրջ մրցակցություն կա»,- շարունակեց նա:

«Ավտոգազ» ասոցիացիայի նախագահն ընդգծեց, որ կորոնավիրուսի սահմանափակումների և սեպտեմբերի 27-ից երկրում հայտարարված ռազմական դրության հետևանքով տուժել են գազալցակայանները: Նրանց աշխատանքի շահութաբերությունը կախված է տնտեսական ակտիվությունից:

Իսկ առանց այն էլ սոցիալական վատ վիճակում հայտնված քաղաքացիների՝ մասնավորապես վարորդների գրպանին նաև սեղմված գազի գնի բարձրացումն է հարվածելու:

«Տնտեսության մեջ շարժ չկա, իսկ տրանսպորտի ակտիվությունը տնտեսության ցուցանիշներից է: Երբ կանգնում է տնտեսությունը, բնականաբար, սեղմված գազի սպառման ծավալները ևս նվազում են: Ժողովրդի գնողունակության նվազումը այն գործոններից է, որը սեղմված գազի իրացման ծավալների վրա է ազդում»,- նկատեց փորձագետը:

Գնաճ է պարենային և ոչ պարենային ապրանքների շուկայում

Թանկացումների մյուս ալիքը սննդամթերքի շուկայում է: Վերջին մեկ տարվա ընթացքում ավելի քան 20 %-ով աճել են ձեթի, շաքարավազի, բանջարեղենի գները:

Ըստ Ազգային վիճակագրական կոմիտեի, նոյեմբերին նախորդ տարվա նույն ժամանակահատվածի համեմատ հանրապետությունում արձանագրվել է սննդամթերքի և ոչ ալկոհոլային խմիչքի 0.8 %, իսկ 2020թ. հոկտեմբերի համեմատ՝ 2.8 % գնաճ:

Թանկացումները հիմնականում պայմանավորված են եղել մրգի, կաթնամթերքի, շաքարի և շաքարավազի, յուղերի և ճարպերի, բանջարեղենի 1.9-20.5 % գնաճով:

Բանջարեղեն ապրանքախմբում, նոյեմբերին հոկտեմբերի համեմատ, արձանագրվել է 20.5 % գնաճ, իսկ միրգ ապրանքախմբում՝ 1.9 % գնաճ:

Արևածաղկի բուսական յուղի միջին գնաճը նոյեմբերին (2019թ. նոյեմբերի համեմատ) կազմել է 20.9 %: Շաքարավազը շուկայում վերջին մեկ տարվա կտրվածքով գրանցել է երկնիշ գնաճ՝ 26.6 %։

Ոչ պարենային ապրանքների գները այս տարվա նոյեմբերին (նախորդ տարվա նույն ժամանակահատվածի համեմատ) աճել են 1.0 %-ով, վերջին մեկ ամսվա կտրվածքով գնաճը կազմել է 0.6 %: Կոշկեղենի, հագուստի արժեքը նույնպես բարձրացել է:

Մանյա Պողոսյան

«Չորրորդ իշխանություն», թիվ 39, 2020



Համաձայն «Հեղինակային իրավունքի և հարակից իրավունքների մասին» օրենքի՝ լրատվական նյութերից քաղվածքների վերարտադրումը պետք է չբացահայտի նյութի էական մասը: Կայքի նյութերից քաղվածքներ արտատպելիս լրատվամիջոցի անվանման նշումը և ակտիվ հղումի տեղադրումը պարտադիր է:
Հարգելի ընթերցողներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելով Facebook-ի ձեր account-ը: Խնդրում ենք լինել կոռեկտ և հետևել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ և հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում:
 Պիտակներ

         Մկրտիչ Տիգրանյան, Մանյա Պողոսյան, «Չորրորդ իշխանություն», գնաճ, վիճակագրական կոմիտե


››› «Չորրորդ իշխանություն» թերթի և 4rd.am կայքի ՀԱՅՏԱՐԱՐՈՒԹՅՈՒՆԸ
››› Ո՞ւմ ձեռնտու չէ 200 միլիոն դոլարի ներդրումը
››› Երևանի ժառանգության պաշտպանության կոմիտեի հայտարարությունը
››› Իշխելու թշվառությունն ու փառքի արվեստը
››› Անասնաֆերմա՝ Նարեկ Սարգսյանից Նիկոլ Փաշինյանին... Տիգրան Ավինյանին էլ
››› Մերժվածների ջղակծկումների և վարչապետի ձախողումների արանքում
››› Ո՞վ է եղել իրական դավաճանը
››› Երբ թիրախավորվում է լռությունը
››› Ինչո՞ւ են զինվորները զոհվում Ղարաբաղում և ինչո՞ւ են բոլոր զոհերը հայաստանցի
››› Մշակութային հեղափոխություն չի լինելու
››› Ատելության խոսքը, ամբոխահաճությունը և տրամաբանությունը
››› Տաշիրյան սարդոստայն
››› Գործող Սահմանադրությունը կարող է ոչնչացնել հեղափոխությունը
››› Առաջիկա երկու-երեք ամիսները վճռորոշ են լինելու
››› ԱԱԾ-ն պետք է կանխի Քոչարյանի գայթակղությունները
››› Նիկոլն ընդդեմ Նիկոլի
››› Այսպես է լինում, երբ վեթթինգի փոխարեն հավատում են դատախազի ազնիվ խոսքին
››› Սրանց գործը փախնողներին «հաջող» անելն է
››› Արսեն Թորոսյանն ու Ալեն Սիմոնյանը՝ 1-9 հաշվով պարտության գլխավոր մեղավորներ
››› Ակորդեոնիստը որոշել է նստել «սուխոյ ատկազով»
››› ՀՀԿ-ի անհաջող գրագողությունը
››› Տանը վեր ընկնելու ժամանակները
››› Անցյալի պատանդները

Ամենաընթերցված


























37-ի երկրպագուն
37-ի երկրպագուն
07.01.2021 / 4860