Քաղաքական
28.05.2020 / 21:00
Լուր-մեկնաբանություն
28.05.2020 / 19:00
Քաղաքական
28.05.2020 / 17:00
Տնտեսական
28.05.2020 / 16:00
Խոհանոց
28.05.2020 / 15:00
08.10.2019   10:00
2127

Ե՞րբ կփակվի «Նահատակի» պոչամբարը


Պոչամբարում շարունակվում են վնասակար թափոններ կուտակվել

Ճիշտ չեն այն պնդումները, թե «Նահատակ» պոչամբար այլևս պոչանք չի լցվում: Այս համոզմանն է Լոռու մարզի Մեծ Այրում համայնքի բնակիչ, «Համայնքային համախմբման և աջակցության» կենտրոն» ՀԿ  նախագահ Օլեգ Դուլգարյանը: Նա եղել է տեղում և համոզվել, որ «Ախթալայի լեռնահարստացուցիչ կոմբինատի» թունավոր նյութերը շարունակվում են այնտեղ լցվել:

«Ախթալայի լեռնահարստացուցիչ կոմբինատ» ՓԲԸ-ի կողմից  պարբերաբար տեղեկություններ են շրջանառվում, թե մեկ-երկու ամիս հետո «Նահատակ» պոչամբարը կփակվի: Մի քանի անգամ արդեն հայտարարված վերջնաժամկետը լրացել է, բայց պոչամբարում շարունակվում են վնասակար թափոններ կուտակվել:

«Լուրեր կային, որ «Նահատակ» արդեն պոչանք չի լցվում, պոչանքը վերամշակվում է և լցվում է Շամլուղի հանքախորշերը: Երբ գնացի այնտեղ, տեսա, որ նույն ձևով պոչամբարը շարունակվում է շահագործվել: Պոչամբարի սահմանները շարունակաբար բարձրացվում են, որպեսզի կարողանան ավելի շատ թափոն տեղավորել»,- մանրամասնեց Դուլգարյանը:

Պոչամբարը հիվանդության պատճառ

Մեծ Այրում և Ճոճկան համայնքների տարածքում է գործում Ախթալայի կոմբինատի «Նահատակ» պոչամբարը, որը տեղացիների համար լուրջ խնդիրներ է առաջացնում: Դուլգարյանի խոսքով` այն անմիջապես համայնքը սնող ջրի աղբյուրի մոտ է, արդեն ծածկել է աղբյուրը, տարածքի բնակիչները բողոքում են նաև հիվանդություններից: Խնդրի մասին մեկ անգամ չէ, որ խոսվել է, պատկան բոլոր կառույցներին ահազանգել են, բայց ապարդյուն:

««Նահատակ» պոչամբարը ցանկապատված չէ: Պոչամբարի տարածքում արածում են կենդանիները: Նրանք այդ թույնն իրենց մեջ են տանում, և մարդիկ օգտվում են այդ կաթնամթերքից: Արևոտ եղանակին գոլորշիացում է կատարվում, ու ծանր մետաղները օդային եղանակով տարածվում են Մեծ Այրում և Ճոճկան գյուղերի դաշտերում, քամիների դեպքում փոշիներն են պոչամբարից պատում գյուղն ու դաշտերը: Մարդիկ գլխացավերից են տառապում»,- ասաց նա՝ շեշտելով, որ պոչամբարի շահագործումը ոչ մի ստանդարտի չի համապատասխանում:

Դեռ 2015 թ-ին փորձագիտական ուսումնասիրությունների արդյունքում պարզվեց, որ Մեծ Այրում և Ճոճկան համայնքերի միայն դեղձի նմուշների 60-70 տոկոսում կապարի պարունակությունը 2-4 անգամ գերազանցում է թույլատրելի սանիտարական և առողջապահական նորմը  «Նահատակ» պոչամբարի շահագործման արդյունքում:

Բնապահպանության նախարարության՝ «2002 թ. շրջակա միջավայրի վիճակի մասին» ազգային զեկույցում «Նահատակ» պոչամբարը երկրի առաջին դասի վտանգավորության 3 պոչամբարներից մեկն է:

«Նահատակ» պոչամբարը ռեկուլտիվացվելու է

«Ախթալայի լեռնահարստացուցիչ կոմբինատ» ՓԲԸ-ի արտաքին կապերի բաժնի պետ Գագիկ Շահնազարյանը հերթական անգամ հուսադրում է այրումցիներին՝ ոչինչ, թող մի քիչ էլ բողոքեն, շուտով խնդիրը կվերանա: «Նահատակն» էլ չի շահագործվի: Նրա փոխանցմամբ՝ կառուցվում է գործարանի պոչերի չորացման և հարստացման արտադրամաս: Արդեն 1 մլրդ դրամի ներդրում է արվել: Ուզում են կոմբինատի արտադրանքի պոչանքներն այդ տեղամասում մշակել և հետո այն տեղափոխել դրա համար նախատեսված պահեստարան:

«Հիմա սարքավորումների կարգավորման փուլն է ընթանում: Երբ դա վերջանա, պատրաստվում ենք ռեկուլտիվացնել «Նահատակը»: Հիմա օրական 600-700 տոննա միջին արտադրական ծավալով աշխատում ենք: Երբ չորացման արտադրամասն իր ամբողջ նախագծային հզորությամբ աշխատի, այն կռեկուլտիվացնենք, որը ըստ նախագծային ծրագրի, կտևի մոտ 2-3 տարի: Մենք «Նահատակ» պոչամբարը ռեկուլտիվացնելու ենք: Հիմա դա որպես վթարային պոչամբար ծառայում է և պետք է ծառայի, քանի դեռ պոչերի չորացման արտադրամասի աշխատանքները նորմալ հունի մեջ չեն մտել»,- ներկայացրեց կոմբինատի ներկայացուցիչը:

Վստահեցնում է նաև, որ պոչերի չորացման արտադրամասի գործարկումը բոլորի շահերից է բխում: Այն շրջակա միջավայրին հասցրած վնասը կնվազեցնի մոտ 70 տոկոսի չափով: 

Հիշեցնենք, որ 2010թ-ին Ախթալայի ԼՀԿ ՓԲԸ-ն ռեկուլտիվացրեց իր կողմից շահագործված Նազիկի պոչամբարը: Իսկ 2012թ-ին պոչամբարի տարածքում 14 տեսակի 700 ծառ տնկվեց: Սական ծառերը չաճեցին: Իսկ պոչամբարի թունավոր պոչերը նորից հայտնվեցին մակերեսեին տեղումների հետևանքով հողի բարակ շերտի լվացման արդյունքում:



Հարգելի ընթերցողներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելով Facebook-ի ձեր account-ը: Խնդրում ենք լինել կոռեկտ և հետևել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ և հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում:
 Պիտակներ

         բնապահպանություն, Մանյա Պողոսյան


Գովազդ
››› Մերժվածների ջղակծկումների և վարչապետի ձախողումների արանքում
››› Ո՞վ է եղել իրական դավաճանը
››› Երբ թիրախավորվում է լռությունը
››› Ինչո՞ւ են զինվորները զոհվում Ղարաբաղում և ինչո՞ւ են բոլոր զոհերը հայաստանցի
››› Մշակութային հեղափոխություն չի լինելու
››› Ատելության խոսքը, ամբոխահաճությունը և տրամաբանությունը
››› Տաշիրյան սարդոստայն
››› Գործող Սահմանադրությունը կարող է ոչնչացնել հեղափոխությունը
››› Առաջիկա երկու-երեք ամիսները վճռորոշ են լինելու
››› ԱԱԾ-ն պետք է կանխի Քոչարյանի գայթակղությունները
››› Նիկոլն ընդդեմ Նիկոլի
››› Այսպես է լինում, երբ վեթթինգի փոխարեն հավատում են դատախազի ազնիվ խոսքին
››› Սրանց գործը փախնողներին «հաջող» անելն է
››› Արսեն Թորոսյանն ու Ալեն Սիմոնյանը՝ 1-9 հաշվով պարտության գլխավոր մեղավորներ
››› Ակորդեոնիստը որոշել է նստել «սուխոյ ատկազով»
››› ՀՀԿ-ի անհաջող գրագողությունը
››› Տանը վեր ընկնելու ժամանակները
››› Անցյալի պատանդները

Ամենաընթերցված
















«ՉԻ» ռիթմով
«ՉԻ» ռիթմով
11.05.2020 / 2524










«ՉԻ» ռիթմով
«ՉԻ» ռիթմով
04.05.2020 / 2176














Թիմ չի, մուրազ է





Գործակալ 00
Գործակալ 00
02.05.2020 / 1726