22.07.2021   21:00
1382

Էն վաղ էր, որ էշը կաղ էր


«Հայաստան» դաշինքի վարչապետի թեկնածու Ռոբերտ Քոչարյանն իր լրատվամիջոցներին տված հարցազրույցում ասել է. ««Բարի գալուստ Սադամ Հուսեյնի Իրաք։ Մոտավորապես  այս ճանապարհն ենք բռնել։ Իմ տպավորությամբ այս իշխանության ցանկությունը հենց դա է և ժողովրդավարության  բաստիոնը դարձնում է ժողովրդավարության գերեզմանոց»:

Այ, որ ժամանակին Քոչարյանը հայերեն գրել-կարդալ սովորեր, ապա կիմանար, որ 2000-ականների սկզբներից «ՉԻ»-ն ներկայացնում էր Հայաստանի կյանքը՝ «Էջեր Մոզամբիկի պատմությունից» խորագրով: Հիմա էլ ենք անում: Բայց սա սկսվեց այն բանից հետո, երբ Քոչարյանն ընդամենը 2-3 տարում Հայաստանը վերածեց Մոզամբիկի, որտեղ ինքն իրեն վոժդ էր պատկերացնում, ու իր մտածելակերպն էլ առանձնապես չէր տարբերվում աֆրիկյան ցեղախմբի առաջնորդի մտածելակերպից: Մոտավորապես նույն մակարդակն էր: Կամ՝ է:

Ավելի հետաքրքիր պատմություն հիշեցնենք. 2008 թվականի մարտի 1-ից հետո, որտեղ արյան մեջ խեղդեցին ժողովրդական ընդվզման ալիքը, Քոչարյանը, այ, էս Քոչարյանի մասին է խոսքը, արտակարգ դրություն մտցրեց և արգելեց իր վերահսկողության տակ չգտնվող լրատվամիջոցների գործունեությունը: Այսինքն՝ պաշտոնապես դա կոչվեց ոչ թե արգելել, այլ ներքաղաքական կյանքի, մարտի 1-ի մասին հրապարակումներ լինելու դեպքում արգելել լրատվամիջոցի տպագրությունը: Այսինքն, եթե դու մարտի 1-ի, ներքաղաքական կյանքի, իշխանությունների մասին չես գրում, պրոբլեմ չունես: Իբր թե:

Մենք այդպես էլ արեցինք. թերթի հերթական համարում զետեղեցինք Հայաստանի, իշխանությունների, մարտի 1-ի հետ ընդհանրապես կապ չունեցող հոդվածներ, նյութեր: Տարանք տպարան, իսկ Քոչարյանը բոլոր տպարաններում ԿԳԲ-ից աշխատողներ էր ուղարկել, որ ստուգեն լույս ընծայելիք թերթի բովանդակությունը, և եթե կասկածելի բաներ գտնեն, չթողնեն, որ տպագրվի:

Տարանք, կգբ-շնիկները ստուգեցին, զանգեցին վերադասին, ու թերթի տպագրությունը արգելվեց: Գիտե՞ք, թե ինչի համար. չեք հավատա՝ Սադամ Հուսեյնի մասին հոդվածի համար: Այսինքն՝ հոդված էր Սադամի իշխանավարության, նրա չարագործությունների մասին, ինչի համար 2006-ին մահապատժի ենթարկվեց: Հայաստանի հետ ընդհանրապես կապ չունեցող հոդված էր, բայց դրա տպագրությունն արգելվեց, քանի որ Քոչարյանն ի դեմս Սադամ Հուսեյնի՝ իր կերպարն էր տեսել: Այսինքն՝ այն ամենը, ինչ գրել էինք Սադամի, նրա հանցանքների, ոճրագործությունների մասին, դա իշխանությունների կողմից ընկալվում էր այնպես, որ Քոչարյանի մասին ենք գրել: Մենք ասում էինք՝ Սադամ, Քոչարյանը հասկանում էր՝ Քոչարյան: Ու այդպես բոլոր ընդդիմադիր, անկախ լրատվամիջոցների գործունեությունն արգելեց՝ մինչև արտակարգ դրության ավարտը: Բոլոր ընդդիմադիր, անկախ... մեկն էլ կիմանա, թե հարյուրներով էին այդ լրատվամիջոցները: Ընդամենը 3-4 հատ էին: Այդ հիմա է, որ նույն Քոչարյանը 3-4 հատ ջեբի հեռուստաընկերություն ունի, որոնց շաբաթը մեկ հավաքում է և իր տանջալից հայերենով փորձում մտքեր հայտնել:

Իսկ իր օրոք ոչ թե հեռուստաընկերություն, ինչը բացառված էր, այլ ընդամենը մի քանի հատ ոչ իշխանական թերթ էր: Ու ինքը՝ իր գավառական քինախնդրությամբ, տարիներ շարունակ ընկել էր այդ լրատվամիջոցների ետևից: Իր իսկ հայտարարած սահմանափակումները չէինք խախտել, բայց մեկ է, Սադամ Հուսեյնի, Միլոշևիչի մասին հոդվածներից խրտնել էր:

Ու հիմա սա եկել՝ թե բա Սադամ Հուսեյն: Այդ մենք քեզ պետք է ասենք. բարի գալուստ քո ստեղծած Իրաք: Այդ քո համար է այս Հայաստանը անսովոր, որովհետև սաղ կյանքդ դու ես սովոր եղել ընդդիմությանը ծեծել, դատել, բիզնես խլել, եթերներից զրկել: Հիմա այդ հնարավորությունից զրկվել ես, միանգամից երկիրը քեզ Իրաք է թվում: 
Դու մեզ մի ասա՝ բարի գալուստ Իրաք: Մենք Իրաք տեսած ժողովուրդ ենք: Քո օրոք 10 տարի գործելով, կարելի է ասել՝ պատվաստվել ենք տարատեսակ Սադամների դեմ, շատ ուժեղ իմունիտետ ենք ձեռք բերել: Այդ դու պիտի հարմարվես նոր իրողություններին: 

Հ.Գ. Yesterday, all my troubles seemed so far away
Now it look as though they're here to stay
Oh, I believe in yesterday:
Տու-րու-լու-լու...



 Պիտակներ

         Ռոբերտ Քոչարյան, «Չորրորդ իշխանություն», Սադամ Հուսեյն

››› Չարենց. Դաշնակցականներին (Ներբող քաղաքական)
››› Սա քո պատերազմն էր, Նիկո՛լ
››› Ոչ ոք չի թաքցրել տարածքներ զիջելու փաստը
››› Քայլ արեք, իրար կերեք
››› Արմեն Շեկոյան. Միջնորդը
››› «Չորրորդ իշխանություն» թերթի և 4rd.am կայքի ՀԱՅՏԱՐԱՐՈՒԹՅՈՒՆԸ
››› Ո՞ւմ ձեռնտու չէ 200 միլիոն դոլարի ներդրումը
››› Երևանի ժառանգության պաշտպանության կոմիտեի հայտարարությունը
››› Իշխելու թշվառությունն ու փառքի արվեստը
››› Անասնաֆերմա՝ Նարեկ Սարգսյանից Նիկոլ Փաշինյանին... Տիգրան Ավինյանին էլ
››› Մերժվածների ջղակծկումների և վարչապետի ձախողումների արանքում
››› Ո՞վ է եղել իրական դավաճանը
››› Երբ թիրախավորվում է լռությունը
››› Ինչո՞ւ են զինվորները զոհվում Ղարաբաղում և ինչո՞ւ են բոլոր զոհերը հայաստանցի
››› Մշակութային հեղափոխություն չի լինելու
››› Ատելության խոսքը, ամբոխահաճությունը և տրամաբանությունը
››› Տաշիրյան սարդոստայն
››› Գործող Սահմանադրությունը կարող է ոչնչացնել հեղափոխությունը
››› Առաջիկա երկու-երեք ամիսները վճռորոշ են լինելու
››› ԱԱԾ-ն պետք է կանխի Քոչարյանի գայթակղությունները
››› Նիկոլն ընդդեմ Նիկոլի
››› Այսպես է լինում, երբ վեթթինգի փոխարեն հավատում են դատախազի ազնիվ խոսքին
››› Սրանց գործը փախնողներին «հաջող» անելն է
››› Արսեն Թորոսյանն ու Ալեն Սիմոնյանը՝ 1-9 հաշվով պարտության գլխավոր մեղավորներ
››› Ակորդեոնիստը որոշել է նստել «սուխոյ ատկազով»
››› ՀՀԿ-ի անհաջող գրագողությունը
››› Տանը վեր ընկնելու ժամանակները
››› Անցյալի պատանդները

Ամսվա ամենաընթերցվածները


















Էս չե՞ք դուք
Էս չե՞ք դուք
06.09.2021 / 1279