Քաղաքական
07.08.2020 / 22:00
Լուր-մեկնաբանություն
07.08.2020 / 21:30
Քաղաքական
07.08.2020 / 21:00
Քաղաքական
07.08.2020 / 20:00
Լուր-մեկնաբանություն
07.08.2020 / 19:00
Տնտեսական
07.08.2020 / 17:00
24.05.2020   09:30
4721

Երբ թիրախավորվում է լռությունը


Հինգ անգամ: Հինգ անգամ փաստորեն Միշիկը կրակեց: Ըստ որում առաջին անգամը` հաստատ, երկրորդը` փաստորեն հաստատ չգիտեր, որ էլի բաներ է ասելու: Երրորդից արդեն գիտեր ու սկսեց ուղերձները համարակալել, դրանք ավելի ոճավորված դարձնել` սծիլնի, գլխադիրը` ռետրո-մետրո:  

…Հավատացի՞ք, որ չգիտեր: Միամիտ չլինեք: Մեդիա-Մագնատ-Միշիկը` ՄՄՄ (կար ժամանակին այդպիսի ռուսական բուրգ-ավանտյուրա)` տեղեկույթը չափաբաժիններով նետում էր մեդիադաշտ ու արձագանքի սպասում: Ոչ այլ մեկի, քան Նիկոլ Փաշինյանի արձագանքին. Միշիկի միակ թիրախը Նիկոլն էր և է, միակ թշնամին Նիկոլն էր և է, և Միշիկի բացահայտումների նյութն էլ Նիկոլն է. ռուսներից` դրսի և հայ(ռուսն)երից` ներսի ստացած, հորինվածքին (թերևս) միահյուսած, սիրուն-սիրուն ածականով-բանով մատուցած նրա նյութերի հերոսն է Նիկոլը: Ուստի և ազգիս էքս-փեսեն կրակում էր, հետո վազում` հեռադիտակով նայում` կա՞ արդյունք, և ինչպիսի՞ արդյունք է, հետո էլի կրակում էր… Եվ քանի որ վարչապետը լ-ռ-ու-մ էր… ազգիս էքս-փեսեն, նորից կրակում էր: Որ պահին որ Նիկոլը խոսեր` ազգիս էքս-փեսեն արդեն այդ խոսքին կկրակեր և շաղ չէր տա թանկանոց տեղեկույթները մեկը մյուսի հետևից` պատկան օրը պատկան բան ասելն ավելի է միշիկա-սերժական:

Ինչևէ` Նիկոլը լռում էր և Միշիկը, առայժմ հինգ կտորով «բացահայտումներ» արեց: Լուռ է Նիկոլը: Մինչդեռ ծխախոտով-ադամանդով-մնացած բոլոր բաներով «հակահեղափոխական» ու «սարսափելի» միշիկ-մերկացումներին որևէ պատասխան` գործնական, խոսքային, իրեղեն ՔԱՅԼ չկա: Չէ, կա իհարկե` քրեական գործ է հարուցվել Միշիկի դեմ այն բաների համար, որ բոլորս գիտենք: Քրեական գործ, որ երկու տարի առաջ պիտի հարուցված-փաստված-փակված լիներ… Չէ, կա իհարկե` օրենք է ընդունվել ապօրինի գույքի բռնագրավման և ազգայնացման վերաբերյալ: Օրենք… որ երկու տարի առաջ պիտի ընդունված, պրծած լիներ, իսկ ապօրինի գույքը, իր հիմնական մասով` այսպես ասած` խրատական-ուսուցողական մասով` Սերժիկ, Ռոբիկ, Լիսկա, Արմենչիկ, Մուկ... պիտի բռնագրավյալ լիներ ու ազգապատկան այլևս, իսկ պակաս խրատական մասով` ընթացքի մեջ: Եվ ԴԱ պիտի լիներ հեղափոխության և նոր իշխանության ուժը և համաժողովրդական հաղթանակի` արդարության իրականացման փաստացի իրեղեն ապացույցը` նյութական-քրեական-հակահրեշային:

Վեթինգով ու լյուստրացիայով, սահմանադրության չեղարկմամբ ու անցած տասնամյակների` իշխանության ուզուրպացիայի քաղաքական գնահատմամբ պիտի այդ ամենը ԴՐՈՇՄԱԿՆՔՎԱԾ լիներ, և ժողովուրդն ու երկիրը անցած լիներ իր ամենօրյա, հետհեղափոխական, տքնաջան աշխատանքին` Նոր Հայաստանի իրականացմանը:

Մինչդեռ անցել է երկու տարի և «կարբիդով չայ խմած» համազգային էքս-փեսեն` իր ու աներոջ ու մնացածի ողջ գույքը տեղը-տեղին ու անվնաս, աննշան, կոսմետիկ ու շտկելի վնասվածքներից էապես ՆՈՒՅՆԻՍԿ ոգևորված, «դուխով», դրսից մեղադրում է` ներկայացնում փաստեր ու, հուսամ` «փաստեր», առ այն, որ Հայաստանում մի տեսակ նոր օլիգարխ է առաջացել և իր անունը Նիկոլ է, կլան է առաջանում, որի անունը Նիկոլի կլան է, և այդ կլանի գործողությունները այնքան տեսանելի-թափանցիկ ու անօրինական են, որ ամենօրյա ռեժիմով արտաքսյալ էքս-փեսայի սեղանին են դրվում և այլ բան չի մնում Միշիկին, քան հրապարակել այդ ամենը, Մուրադ-Ռաֆայելյան ճեմարանում սերտած իր վարժ հայերենով ու մեդիա-ճարտասանության ողջ շուքով:

Իսկ Նիկոլը, այո, լռում է: Ու վեց, յոթ կամ ութերորդ բացահայտումներից հետո էլ լռելու է: Ու ճիշտ է անելու: Ի վերջո, հետհեղափոխական «ֆեյսբուք-լայֆերի հիմնադիր հայրը» ինքն է, և ահա թե ինչ է արել Միշիկը. հաշվարկել է, որ եթե մտնի այդ դաշտ` Նիկոլին կներքաշի: Նա նույնիսկ մի թեթև զարմանում ու (իբր) տարակուսում է` էսքան բան եմ ասում` փաստ եմ հրապարակում` խայտառակ անում` բան չի պատասխանում: Չի էլ պատասխանելու: Բայց… ահա թե ինչ` Նիկոլի ցանկացած «ֆեյսբուք-լայֆ», ՀՀ կառավարության, Ազգային Ժողովի ցանկացած քայլ, որոշում, լուծում, ՀՀ ուժային և ոչ ուժային նախարարությունների, իրավապահների ցանկացած գործողություն հիմա պիտի մի թարս ապտակով, Միշիկի ասածն էլ ավլելով աղբամանի մեջ` Նոր Հայաստանի ընթացքը հաստատեին ու առաջ գնային: Մինչդեռ… «Փաստ համար այսինչ» և բենզինի գինն ընկել է շնորհիվ հեղափոխության, հովազը Ենոքավան է հասել շնորհիվ հեղափոխության և շատ շտապ անուն է պետք դնել հովազին` հենց այս մեկին` հեղափոխականին և իջևանցուն, ինչպես նաև շատ շտապ պետք է ոչնչացնել «Զվարթնոց» օդանավակայանի անունը և այն հորջորջել Շառլ Ազնավուր: Ըստ որում` էդ «Շառլի շառը» կարծես թե գցում են որդու վրա` թե բա խնդրել ու առաջարկել է: Էդ խեղճ տղեն` որդին Շառլի, երկու տարի է եկել է` հոր` Կասկադում վաղուց կառուցված մշակութային կենտրոնի վերաբերյալ ծրագիր ու ֆինանս է բերել` հետները հանդիպում ու հանդիպում է` բան դուրս չի գալիս: Հիմա ասում են` օդանավակայանի անունն է ուզում… Մանկամիտ փաստարկ: Մի կողմ ենք թողնում «Զվարթնոց» սակրալ անվան պատմությունն ու իմաստը ջնջելու դեպքում դրա մշակութաբանական բոլոր ծանր հետևանքները. դրանք Նիկոլ Փաշինյանի, Արայիկ Հարությունյանի, Հայկ Մարությանի և ըմմմ… Արթուր Մեշչյանի, ըմմմ… մշակութային քաղաքականության և ըմմմ… քաղաքաշինության շրջանակներում հրաշալի են տեղավորվում: 

Հա, ինչ էի ասում` եկեք հովազին անուն դնենք…

Նիկոլ Փաշինյանի այդքան հավանած ու սիրած ու տիրած ֆեյսբուքում, Հայաստանի առաջադեմ մամուլում, ու նույնիսկ` ստեպ-ստեպ` միշիկ-մեդիայում տասնյակներով են հորդորները, կոչերն ու նախազգուշացումները նրա և իր իշխանության ինքնակործան, անմիտ ու նեղմիտ քայլերի մասին: Տասնյակներով են պատշաճ ու սթափ, որակյալ ու էմոցիոնալ պատասխանները Միշիկի ուղերձներին ու միշիկ-մեդիայի ուղերձներին… Ու Նիկոլը ոչ սրանց, ոչ նրան, ոչ էլ նրանց է պատասխանում: Ոչ խոսքով, ոչ գործով: (Եկեք չնկատենք մանր-մունր կսմիթները: Հարահոսի մեջ դրանք տոկոս չեն կազմում:) Անշնորհակալ բան կլինի սա մեկնաբանելը. անիմանալի է ընթացքն իր տրամաբանության և մտքերի: Կարող ենք միայն ենթադրել, որ նա չինացի Լաո-Ցզիի «հու-ուեյ»` չգործելու, չանելու սկզբունքի իր մեկնությունն է իջեցրել ասպարեզ… Թավշյա, ոչ բռնի հեղափոխության հաղթանակ... ից երկու տարի անց:    

Հակոբ Գրիգորյան  

«Չորրորդ իշխանություն», թիվ 25, 2020



Հարգելի ընթերցողներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելով Facebook-ի ձեր account-ը: Խնդրում ենք լինել կոռեկտ և հետևել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ և հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում:
 Պիտակներ

         Նիկոլ Փաշինյան, Միքայել Մինասյան, «Չորրորդ իշխանություն», Հակոբ Գրիգորյան


››› Երևանի ժառանգության պաշտպանության կոմիտեի հայտարարությունը
››› Իշխելու թշվառությունն ու փառքի արվեստը
››› Անասնաֆերմա՝ Նարեկ Սարգսյանից Նիկոլ Փաշինյանին... Տիգրան Ավինյանին էլ
››› Մերժվածների ջղակծկումների և վարչապետի ձախողումների արանքում
››› Ո՞վ է եղել իրական դավաճանը
››› Երբ թիրախավորվում է լռությունը
››› Ինչո՞ւ են զինվորները զոհվում Ղարաբաղում և ինչո՞ւ են բոլոր զոհերը հայաստանցի
››› Մշակութային հեղափոխություն չի լինելու
››› Ատելության խոսքը, ամբոխահաճությունը և տրամաբանությունը
››› Տաշիրյան սարդոստայն
››› Գործող Սահմանադրությունը կարող է ոչնչացնել հեղափոխությունը
››› Առաջիկա երկու-երեք ամիսները վճռորոշ են լինելու
››› ԱԱԾ-ն պետք է կանխի Քոչարյանի գայթակղությունները
››› Նիկոլն ընդդեմ Նիկոլի
››› Այսպես է լինում, երբ վեթթինգի փոխարեն հավատում են դատախազի ազնիվ խոսքին
››› Սրանց գործը փախնողներին «հաջող» անելն է
››› Արսեն Թորոսյանն ու Ալեն Սիմոնյանը՝ 1-9 հաշվով պարտության գլխավոր մեղավորներ
››› Ակորդեոնիստը որոշել է նստել «սուխոյ ատկազով»
››› ՀՀԿ-ի անհաջող գրագողությունը
››› Տանը վեր ընկնելու ժամանակները
››› Անցյալի պատանդները

Ամենաընթերցված





Երգիր, որ չկռվես




«ՉԻ» ռիթմով
«ՉԻ» ռիթմով
01.08.2020 / 1054















Ստոպ-կադր
Ստոպ-կադր
01.08.2020 / 617









Մարգոյի ամոթը
Մարգոյի ամոթը
06.08.2020 / 451











В ритме «ЧИ»
В ритме «ЧИ»
01.08.2020 / 365