ԱԺ ՔՊ-ական պատգամավոր Հովիկ Աղազարյանը խորհրդարանում հայտարարել է. «Ժամանակին «Երթամ, հասնիմ զիմ Կիլիկիա» երգը լսում, լացում էի, հետո հասկացա, որ Կիլիկիան իմ պատմական հայրենիքը չէ»:
«ՉԻ». Գիտեք, չէ՞, գոյություն ունի Դարվինի մրցանակ: Ամեն տարի դա շնորհում են ամենաանհեթեթ, արտառոց, երբեմն զվարճալի հանգամանքներում մահացած մարդկանց:
Կարծում ենք, ժամանակն է, որ նման մի մրցանակ էլ մեզ մոտ ստեղծվի, որը կշնորհվի ամենաանհեթեթ, արտառոց մտքերի հեղինակներին:
Հովիկ Աղազարյանին միանգամից կարելի էր ցմահ այդ մրցանակը տալ: Իրեն հավասարը չունի... չնայած, բազմաթիվ քպ-ականներ կարող է համաձայն չլինեն մեր տեսակետի հետ: Ու ճիշտ էլ կանեն, որ չհամաձայնվեն:
Բայց թող շատ չնեղվեն, վերջը, Հովիկ Աղազարյանը ժամանակին շատ է աղի արտասուք թափել: Հիմա ստիպված երգում է «Երթամ, հասնիմ զիմ Քյարամյան»: