Ռոբերտ Քոչարյանը՝ ելույթ ունենալով Մարտի 1-ի գործով դատավարությանը, ասել է. «Իմ տպավորությամբ՝ սա Հայաստանի Հանրապետության մեջ ամենից խայտառակ քրեական գործն է»:
ՉԻ.- Այստեղ դժվար է դիմանալ գայթակղությանը և Քոչարյանի բառապաշարով չարձագանքել. «Чья бы корова мычала..»:
Մեր նորանկախ Հայաստանի ամենախայտառակ իրադարձությունները հենց Քոչարյանի հետ են կապված: Ամենամեծ խայտառակությունը 1999թ. հոկտեմբերի 27-ին խորհրդարանի սպանդն էր իր ղեկավարության օրոք:
Ամենամեծ խայտառակությունը 2008թ. մարտի 1-ի սպանդն էր, որի համար նստած է մեղադրյալի աթոռին:
Ամենամեծ խայտառակությունը հարյուրավոր քաղբանտարկյալներն էին, որոնց համար Եվրոդատարանի որոշումներով հիմա մենք ենք փոխհատուցում վճարում, ոչ թե՝ Ռ. Քոչարյանը:
Եվ ընդհանրապես, ամենամեծ խայտառակությունը հենց Ռ. Քոչարյանն է, որին թույլ ենք տվել Հայաստանում իշխանություն զավթել: