Ինքը քրեական հիերարխիայի ամենաբարձր կարգավիճակում է հայտնվել: Արդեն օրենքով գող է, սակայն մինչ այժմ չունի մականուն: Մի քանի այլ օրենքով գողերի հետ մտմտում են, թե որ անունը ավելի մեծ շուք կհաղորդի երկար մաքառումներից հետո ճանաչում ստացած Գևորգին:
Հատուկ այդ կապակցությամբ Շաքրո Մալադոյը «քսիֆ» է ուղարկել. «Առաջարկում եմ Գևորգին կնքել «Գևորգ Զլոյ» մականունով»:
Հաջորդը բացում են ազգությամբ ադրբեջանցի օրենքով գող Գուլիի նամակը. «Գևորգը մեր օրենքները հարգող և տարածող անձնավորություն է, և քանի որ մի ժամանակ աշխատել է պատգամավոր, ճիշտ կլինի նրան կնքել «Գևորգ Զակոննիկ» անունով»:
Այս առթիվ արտահայտվել է նաև Պաշա Վոսկրեսը. «Իբրև ԼԳՏՊ-ի դեմ իր պայքարով հայտնի անձնավորություն, առաջարկում եմ Գևորգին կնքել «Նատուռալ Գևորգ» անունով»:
Տեսակետ է հայտնել նաև Սաշա Օսետրինան. «Իբրև հայ գիտեմ, որ Գևորգը շատ է սիրում իշխան ձուկ: Առաջարկում եմ կնքել «Կնյազ Գևորգ» անունով»:
Արթնանում է բանկում՝ դիմակ չկրելու պատճառով տուգանք վճարելու հերթին սպասելիս: