Հինգշաբթի 02.07.2020 09:59

Քաղաքական
01.07.2020 / 22:00
Քաղաքական
01.07.2020 / 21:00
Սատիրիկոն
01.07.2020 / 20:00
Տնտեսական
01.07.2020 / 19:30
02.06.2020   18:00
626

Գազի քաղաքական գործոնը պետք է վերանա


Հանրային ծառայությունները կարգավորող հանձնաժողովն առաջարկում է բնակչությանը վաճառվող բնական գազի սակագինը թողնել անփոփոխ՝ 139 հազար դրամ հազար խմ համար։ Հայաստանում բնական գազի սակագների վերաբերյալ ՀԾԿՀ պատասխան է ներկայացրել «Գազպրոմ Արմենիայի» ներկայացրած առաջարկներին:

«Գազպրոմ Արմենիան» իր հայտում առաջարկել էր բնակչության վաճառվող գազի գինը 139 հազար դրամից դարձնել 135 909 դրամ։ Մինչդեռ ՀԾԿՀ-ն նաև առաջարկում է անփոփոխ թողնել սոցիալապես անապահով ընտանիք համարվող սպառողներին վաճառվող՝ տարեկան մինչև 600 խմ բնական գազի սպառման համար նախատեսված սակագինը` 100 հազար դրամ հազար խմ դիմաց։

Գյուղատնտեսության ոլորտում գործունեություն իրականացնող ջերմոցային տնտեսությունների, ինչպես նաև վերամշակող՝ պահածոների, խմիչքների և կաթնամթերքի արտադրությամբ զբաղվողներին վաճառվող բնական գազի գինը ՀԾԿՀ-ն առաջարկում է 212 դոլարից դարձնել 224 դոլար, ոչ թե 283․1 դոլար, ինչպես առաջարկում էր «Գազպրոմ Արմենիան»։

Արդյունքում, ՀԾԿՀ-ն առաջարկում է սպառողներին վաճառվող գազի սակագինը բարձրացնել 4․5 %-ով, ոչ թե 11 %-ով, ինչպես առաջարկում է «Գազպրոմ Արմենիան»:

«Հասարակական պաշտպանների միության» ՀԿ նախագահ, էներգետիկ հարցերով փորձագետ Արամ Գրիգորյանը «ՉԻ»-ի հետ զրույցում նկատեց, որ գազի սակագինը մի փոքր բարձրանում է խոշոր տնտեսվարողների համար:

«Այս քայլով հանձնաժողովն իր նախորդ սակագինը փորձել է փաստաթղթավորել: Նույն գները մնացել են, երբ սահմանին գազի գինը 150 էր, նույնը մնացել է, երբ սահմանին 165 է: Սակագների մեջ սպառողի կամ մատակարարի օգտին որևէ բան չի կարելի, որ լինի: Սակագները պետք է լինեն կարգավորված»,- նշեց նա:

Ըստ փորձագետի՝ հանձնաժողովի հաշվարկներում տնտեսագիտություն չկա: Հիմնավորումների բացակայությունն էլ թույլ չի տալիս հստակ վերլուծություններ անել:

«Քննարկման է դրված գազի սակագնի հաշվարկի նոր մեթոդիկան: Այդ քննարկումը դեռ շարունակվում է: Հիմա ներկայացված է գազի սակագնի հաշվարկ: Ինձ համար՝ որպես փորձագետ, հասկանալի չէ՝ հաշվարկն արված է հին մեթոդիկայո՞վ, թե՞ նորով: Ներկայացված հաշվարկում՝ աղյուսակների մի սյունակում, դրված են «Գազպրոմ Արմենիայի» թվերը, կողքին հանձնաժողովն ինչ-որ թվեր է գրել: Շահագործման ծախսերը 3 մլրդ-ից դառնում են 24 մլրդ, մոտ 10 մլրդ-ի չափ իջեցրել է հանձնաժողովը, բայց հիմնավորում չկա, թե դա ոնց է լինում: 5 մլրդ-ով իջեցրել են նյութածախսը: Նյութածախսը գազի մատակարարման, բաշխման, տեղափոխման համակարգերի, նորոգման աշխատանքների ծախսերն է: Սրա քաղաքական ասպեկտը հետևյալն է. եթե կարելի էր նյութածախսը 5 մլրդ-ով միանգամից մի հատ գրիչով իջեցնել, ապա այսքան տարի ինչի՞ է այդքան նյութածախս դրված եղել, իսկ բնակիչները վճարել են գազի բարձր սակագին: Եթե այսօր ընկերությունը 11 մլրդ-ի տեղը կարող է յոլա գնալ 7 մլրդ-ով, ապա ինչու են նախկինում այդքան շատ գումար տվել այդ ընկերությանը»,- նկատեց փորձագետը:

Արամ Գրիգորյանի խոսքով՝ ՀԾԿՀ-ն իջեցրել է «Գազպրոմ Արմենիայի» աշխատավարձի ֆոնդը:

«Դա ընդհանուր աշխատավարձի մոտ 25 տոկոսն է, մեծ թիվ է: Ես ենթադրում եմ, որ այդքան աշխատավարձով «Գազպրոմը» կարող է իրականացնել գազի մատակարարման որակյալ ծառայություն: Այս դեպքում հարց է ծագում՝ ո՞նց է եղել նախկինում: Այստեղ ես տնտեսագիտական ոչ մի բան չեմ տեսնում, այստեղ քաղաքական խնդիր կա: Բնակիչների գազի սակագնին ձեռք չեն տալիս, որովհետև կարող է աղմուկ բարձրանալ»,- մատնանշեց մեր զրուցակիցը:

«Հասարակական պաշտպանների միության» ՀԿ նախագահի կարծիքով՝ գազի սակագնի շուրջ ձևավորված թնջուկը կլուծվի, եթե գազը որպես քաղաքական գործոն վերանա՝ դառնալով տնտեսական գործոն:

Նա շեշտում է, որ այդ գործում հանձնաժողովը պետք է մեխանիզմ կիրառի:

«Մոնոպոլ վիճակը պետք է վերանա: Ի՞նչ է նշանակում, որ ՀՀ-ն միայն ՌԴ-ից կարող է գազ գնել: Եթե մենք մրցակցություն չապահովենք, վիճակը մնալու է այսպես: Տնտեսական հաշվարկ իրականում չկա: ՀԾԿՀ-ն ստեղծված է, որպեսզի սակագները զերծ պահի քաղաքական գործոններից: Հանձնաժոողովը պետք է գործիք հնարի, որ որոշումների ընդունմանը մասնակցի սպառողը: Թվերն արդեն գրել է, քննարկում պետք է լինի: Հիմա ինչ տնտեսագիտական հաշվարկ էլ ներկայացնեն, ինքն իր թվերը դրել է և այդ սահմաններից դուրս չի գալու»,-եզրափակեց նա:

Մանյա Պողոսյան



Հարգելի ընթերցողներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելով Facebook-ի ձեր account-ը: Խնդրում ենք լինել կոռեկտ և հետևել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ և հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում:
 Պիտակներ

         գազի գին, Արամ Գրիգորյան, Մանյա Պողոսյան


››› Երևանի ժառանգության պաշտպանության կոմիտեի հայտարարությունը
››› Իշխելու թշվառությունն ու փառքի արվեստը
››› Անասնաֆերմա՝ Նարեկ Սարգսյանից Նիկոլ Փաշինյանին... Տիգրան Ավինյանին էլ
››› Մերժվածների ջղակծկումների և վարչապետի ձախողումների արանքում
››› Ո՞վ է եղել իրական դավաճանը
››› Երբ թիրախավորվում է լռությունը
››› Ինչո՞ւ են զինվորները զոհվում Ղարաբաղում և ինչո՞ւ են բոլոր զոհերը հայաստանցի
››› Մշակութային հեղափոխություն չի լինելու
››› Ատելության խոսքը, ամբոխահաճությունը և տրամաբանությունը
››› Տաշիրյան սարդոստայն
››› Գործող Սահմանադրությունը կարող է ոչնչացնել հեղափոխությունը
››› Առաջիկա երկու-երեք ամիսները վճռորոշ են լինելու
››› ԱԱԾ-ն պետք է կանխի Քոչարյանի գայթակղությունները
››› Նիկոլն ընդդեմ Նիկոլի
››› Այսպես է լինում, երբ վեթթինգի փոխարեն հավատում են դատախազի ազնիվ խոսքին
››› Սրանց գործը փախնողներին «հաջող» անելն է
››› Արսեն Թորոսյանն ու Ալեն Սիմոնյանը՝ 1-9 հաշվով պարտության գլխավոր մեղավորներ
››› Ակորդեոնիստը որոշել է նստել «սուխոյ ատկազով»
››› ՀՀԿ-ի անհաջող գրագողությունը
››› Տանը վեր ընկնելու ժամանակները
››› Անցյալի պատանդները

Ամենաընթերցված