Ռոբերտ Քոչարյանի կրտսեր որդին՝ Լևոն Քոչարյանը, մեկնաբանել է իր հետ տեղի ունեցած զարմանահրաշ արկածն ու հայտարարել, թե ոստիկանները «կոնկրետ ցուցումով եկան հենց ինձ բերման ենթարկելու համար»։ Չի բացառվում, որ հենց այդպես էլ եղած լինի։ Պարզապես հարց է ծագում՝ կոնկրետ ի՞նչ հանձնարարություն էին ստացել ոստիկանները։ Ըստ երևույթին՝ նրանց հանձնարարվել էր կրտսեր Քոչարյանին մեծ շուքով ուղեկցել ոստիկանություն, թույլ տալ, որ այնտեղից նամակ գրի կնոջը, ու անմիջապես ազատ արձակել։ Ու ոստիկանները հենց այդպես էլ արել են։
Վճարովի է եղել այդ գովազդը, թե ոչ՝ մնում է անհայտ, բայց հիշեցնենք, որ նրա հայրը ճիշտ նույն կերպ է դարձել «ընդդիմության լիդեր»․ մի քանի անգամ ձերբակալվել-ազատ արձակվելու արդյունքում։