4rd.am на русском
28.03.2020 / 23:00
Ձեռագրերը չեն այրվում
28.03.2020 / 22:00
Լուր-մեկնաբանություն
28.03.2020 / 21:45
Ձեռագրերը չեն այրվում
28.03.2020 / 21:30
Երազահան
28.03.2020 / 21:15
Ձեռագրերը չեն այրվում
28.03.2020 / 21:00
19.09.2019   09:30
2734

Հերթական հարվածը Ռոբերտ Քոչարյանին


Թեպետ այսօր ներհայաստանյան գլխավոր իրադարձությունը ՀՀ ոստիկանապետ Վալերիյ Օսիպյանին աշխատանքից ազատելու, իսկ հետո՝վարչապետի գլխավոր խորհրդական նշանակելու որոշումներն էին, բայց մի բան էլ տեղի ունեցավ, որը բավական լուրջ իրավական և քաղաքական հետևանքներ է ունենալու:

Վճռաբեկ դատարանը՝ Համլետ Ասատրյանի նախագահությամբ՝ արդարացրեց ՀՀ նախկին զինդատախազ Գագիկ Ջհանգիրյանին՝ բավարարելով նրա բողոքը, որով նա պահանջել էր բեկանել տարիներ առաջ իր նկատմամբ կայացված մեղադրական դատավճիռը և արդարացնել։

Գագիկ Ջհանգիրյանը դիմել էր Վճռաբեկ դատարան՝ խնդրելով բեկանել իր վերաբերյալ 2009 թվականի դատավճիռը և նույն թվականի մայիսի 20-ի որոշումը, ճանաչել և հռչակել իր անմեղությունը, կայացնել արդարացման դատական ակտ։

Գագիկ Ջհանգիրյանը ձերբակալվել էր 2008 թվականի փետրվարի 23-ի հանրահավաքից հետո։ Նա մեղադրվում էր իշխանության ներկայացուցչի նկատմամբ բռնություն գործադրելու համար և դատապարտվել էր 3 տարվա ազատազրկման։

Ջհանգիրյանը սույն դատավճիռը բողոքարկել էր Վերաքննիչ դատարան, սակայն 2009 թվականի մայիսին դատարանը անփոփոխ էր թողել այն։ Գագիկ Ջհանգիրյանն ազատ էր արձակվել համաներման հիմքով: 10 տարի անց ներկայացված բողոքը մակագրվել էր Վճռաբեկ դատարանի քրեական պալատի նախագահ Լիլիթ Թադևոսյանին, սակայն վերջինս ինքնաբացարկ է հայտնել և գործով զեկուցող էր նշանակվել դատավոր Արթուր Պողոսյանը։

Այսպիսով, Ռոբերտ Քոչարյանի վարչախմբի հարյուրավոր քաղբանտարկյալներից մեկն էլ արդարացվեց: Ընդ որում, այս անգամ նման վճիռը կայացվել  է ներհայաստանյան դատական համակարգում:

Խոսելով հետևանքների մասին. նախ, այս վճռից հետո Բարձրագույն դատական խորհուրդը կարող է կարգապահական վարույթ սկսել այն դատավորների հանդեպ, որոնք ապօրինի վճիռներ են կայացրել Գագիկ Ջհանգիրյանի հանդեպ՝ սկսած առաջին ատյանի դատարանից:

Երկրորդ. ՀՔԾ-ն և ՀԿԳ-ն կարող են գործը հարուցած քննիչների և դատախազների հանդեպ ծառայողական քննություն սկսել և պարզել այս գործի պատվիրատուներին:

Երրորդ. Վերջին շրջանում քոչարյանականների ձեռնարկած լայնածավալ քարոզչական տեռորին հարված հասցվեց, ընդ որում, բացառված չէ, որ Գագիկ Ջհանգիրյանի գործը հետագայում մարտի 1-ի գործով դատավարություններում ևվս մեկ փաստարկ լինի՝ Քոչարյանի ապօրինի գործողությունների ապացուցման առումով:

Եվ վերջապես, կա ևս մեկ հանգամանք. վճռաբեկ դատարանի այսօրվա որոշումից հետո Գագիկ Ջհանգիրյանը կարող է հավակնել պաշտոնի, ու ինչն է հետաքրքիր, որ այս մասին առաջինը «ահազանգել» են Քոչարյանի լրատվամիջոցները: Ինչ պաշտոնի է հավակնում Ջհանգիրյանը, դրա մասին չեն ասում, բայց իրենք էլ հասկանում, որ ՀՀ նախկին դատախազը հանրապետության լավագույն և պատրաստված իրավաբաններից մեկն է, ծայրեծայր տիրապետում է հոկտեմբերի 27-ի գործի բոլոր մանրամասներին: Իսկ հոկտեմբերի 27-ի գործի վերաբացումը Ռ. Քոչարյանի համար կարող է շատ ավելի մղձավանջային հետևանքներ ունենալ, քան նույնիսկ՝ մարտի 1-ի գործը:



 Պիտակներ

         Ռոբերտ Քոչարյան, Գագիկ Ջհանգիրյան


Մեկնաբանել

Մուտք գործեք կայք

լուսանկար չկա
Գովազդ
››› Ինչո՞ւ են զինվորները զոհվում Ղարաբաղում և ինչո՞ւ են բոլոր զոհերը հայաստանցի
››› Մշակութային հեղափոխություն չի լինելու
››› Ատելության խոսքը, ամբոխահաճությունը և տրամաբանությունը
››› Տաշիրյան սարդոստայն
››› Գործող Սահմանադրությունը կարող է ոչնչացնել հեղափոխությունը
››› Առաջիկա երկու-երեք ամիսները վճռորոշ են լինելու
››› ԱԱԾ-ն պետք է կանխի Քոչարյանի գայթակղությունները
››› Նիկոլն ընդդեմ Նիկոլի
››› Այսպես է լինում, երբ վեթթինգի փոխարեն հավատում են դատախազի ազնիվ խոսքին
››› Սրանց գործը փախնողներին «հաջող» անելն է
››› Արսեն Թորոսյանն ու Ալեն Սիմոնյանը՝ 1-9 հաշվով պարտության գլխավոր մեղավորներ
››› Ակորդեոնիստը որոշել է նստել «սուխոյ ատկազով»
››› ՀՀԿ-ի անհաջող գրագողությունը
››› Տանը վեր ընկնելու ժամանակները
››› Անցյալի պատանդները

Ամենաընթերցված



















Ապրի Հրայրի արևը












Գող՝ սիրտը դող
Գող՝ սիրտը դող
08.03.2020 / 2558



Ստոպ-կադր
Ստոպ-կադր
09.03.2020 / 2511








Մեր Վանգան
Մեր Վանգան
05.03.2020 / 2335

Վախեցածը
Վախեցածը
08.03.2020 / 2324







Вите надо выйти
Вите надо выйти
01.03.2020 / 2259