Քաղաքական
25.02.2021 / 23:27
Սատիրիկոն/Լուր-մեկնաբանություն
25.02.2021 / 19:40
23.01.2021   22:00
216

Հունվարի 25-31-ի աստղագուշակը՝ ըստ Արտաշես Մանկուլովի


Խոյ

Նորի, հեռանկարայինի հանդեպ մեծ հետաքրքրության շրջան է: Սերտ կապեր կստեղծվեն ընկերների հետ: 25-27-ին անսպասելի դժվարություններ կծագեն ֆինանսական գործերում, համատեղ գումարն օգտագործելիս: Կախվածության մեջ կընկնեք ընկերներից: Ընկերների վրա ծախսեր կանեք:

28-31-ին՝ անսպասելի ծախսեր: Բիզնեսում իմպուլսիվությունը, ոչ այնքան խելամիտ սպեկուլյացիաները կարող են կորուստների հանգեցնել: Խնդիրներ կծագեն կազմակերպությունների հետ տարվող ֆինանսական օպերացիաներում:

Ցուլ

Կարևոր որոշումների և ձեռքբերումների շրջան է: Մասնագիտական գործերն առաջ մղելու, հասարակական դիրքը բարելավելու ձգտում կցուցաբերեք: 25-27-ին հնարավոր է բարդ, անսպասելի իրավիճակներում հայտնվեք: Ձեր սեփական հակասական ու տարօրինակ վարքը, նպատակների ու ծրագրերի կտրուկ փոփոխությունը կխանգարեն գործերում հաջողությունների հասնելուն:

28-31-ը լարված օրեր են: Ձեր ոչ կառուցողական, իմպուլսիվ և անշրջահայաց վարքի պատճառով հնարավոր է խնդիրներ առաջանան սեփական նախաձեռնությունները կամ ցանկություններն առաջ տանելիս: Վատ օրեր են ղեկավարության հետ բանակցելու համար:

Երկվորյակ

Այս շրջանում կուզենաք ամբողջությամբ ցույց տալ ձեր կարողությունները, իսկ հնարավորության դեպքում՝ նաև ընդլայնել դրանք: 25-27-ին՝ անկատար խոստումներ ազդեցիկ անձանցից: Տարօրինակ նորություններ ու առաջարկներ կստանաք արտերկրից: Արտաքին ուժերն ու իրադարձությունները կարող են փոխել գործերի սովորական ընթացքը:

28-31-ին՝ ցածր աշխատունակություն, չեք հավատա ձեր ուժերին: Չափից դուրս սկզբունքային կլինեք, ինչի պատճառով հարաբերություններում դժվարություններ կստեղծվեն:

Խեցգետին

Ուշադրություն և ինքնաքննադատություն պահանջող շրջան է: Սովորականից հաճախ պետք է հաշվի նստեք ձեր կամքից անկախ գոյություն ունեցող իրավիճակների հետ: 25-27-ին ամեն գնով ազատության ձգտումը կարող է դժվարությունների հանգեցնել: Անսպասելի փոփոխություններ գործերում, որոնք կստիպեն խնդիրների լուծման այլ ուղիներ փնտրել: Զգույշ եղեք տարօրինակ լուրերի ու էքսցենտրիկ մարդկանց հետ:

28-31-ին խնդիրներ կծագեն իմպուլսիվ, անշրջահայաց վարքի պատճառով: Հնարավոր է դժվարություններ առաջանան համատեղ ֆինանսական գործերում: Խմբային հետաքրքրություններից կախվածության մեջ կընկնեք:

Առյուծ

Անձնական ծրագրերը մեծ չափով կախված կլինեն շրջապատողների վարքից ու տրամադրությունից: Մեծ կախվածություն գործընկերներից ու ամուսիններից: 25-27-ին հակասություններն ու գործընկերների անհուսալի վարքը գործերում, նպատակին հասնելու հարցում դժվարություններ կառաջացնեն: Էքստրավագանտ ու տարօրինակ մարդկանց հետ ընկերություն հաստատելը շահեկան չի լինի: Մեծ կախվածություն կունենաք արտաքին ուժերից ու պայմաններից:

28-31-ին խնդիրներ կունենաք մեծ ամբիցիաների և մրցակցային վարքի պատճառով: Ձեր կամքն ուրիշներին պարտադրելու փորձերը կարող են կոնֆլիկտների հանգեցնել:

Կույս

Համառ աշխատանքի շաբաթ է: Միաժամանակ մի քանի հարց լուծելու անհրաժեշտություն կառաջանա: 25-27-ին հնարավոր է ծագեն աշխատանքին, պրակտիկ գործերին առնչվող անսպասելի խնդիրներ: Փոփոխություններ կլինեն արտերկրի, արտասահմանցիների հետ կապված գործերում: Անկատար խոստումներ կարևոր անձանց կողմից:

28-31-ին համբերատարության պակասը, ավելորդ ինքնավստահությունը խնդիրներ կստեղծեն աշխատավայրում: Անուշադրությունն ու ծանրաբեռնվածությունը վնասվածքների պատճառ կարող են դառնալ:

Կշեռք

Մեծ ուշադրություն կդարձնեք սեփական անձին, նույնը կպահանջեք նաև շրջապատողներից: Առաջատար լինելու ձգտում: 25-27-ին ամեն գնով ազատության ձգտումը կարող է խանգարել սիրելի ու թանկ մարդկանց հետ հարաբերություններին: Համառությունը թույլ չի տա լսել խորհուրդները: Համատեղ ֆինանսների հետ կապված խնդիրներ կծագեն:

28-31-ին իմպուլսիվությունը, ուրիշներին ձեր կամքը պարտադրելու փորձերը դժգոհություններ ու կոնֆլիկտներ կառաջացնեն: Իմպուլսիվ ֆինանսական օպերացիաները կորուստների կհանգեցնեն:

Կարիճ

Ստիպված եք լինելու մեծ ուշադրություն հատկացնել տնային գործերին ու կենցաղային խնդիրներին: 25-27-ին կբարդանան ամուսինների, գործընկերների հետ հարաբերությունները: Անսպասելի փոփոխություններ տանը: Անկայուն և ոչ հուսալի վարք: 

28-31-ին հնարավոր են կոնֆլիկտային իրավիճակներ ընտանիքում, ինչը կապված կլինի ինքնահաստատվելու, անձնական ծրագրերն առաջ մղելու ձեր ցանկության հետ: Ընտանեկան տհաճությունները վատ կանդրադառնան գործնական հարաբերությունների և աշխատանքի վրա:

Աղեղնավոր

Հաղորդակցվող կլինեք, կհետաքրքրվեք տեղեկատվությամբ և ակտիվ կաշխատեք նրա հետ: 25-27-ին հանդիպումների և ծանոթությունների ժամանակ անսպասելի պահերը կազդեն գործերի վրա: Տարօրինակ գաղափարներ կծագեն, որոնք անիրագործելի կլինեն: Հնարավոր են տրամադրության և առողջական անսպասելի փոփոխություններ:

28-31-ին՝ անուշադրության կամ փորձի, գիտելիքների պակասի պատճառով խնդիրներ աշխատանքի մեջ: Խճճվածություն գործերում: Ոչ կառուցողական հանդիպումներ:

Այծեղջյուր

Պրակտիկ կլինեք, կհետաքրքրվեք ձեր նյութական վիճակով և այն բարելավելու համար ուժեր կներդնեք: Ակտիվություն բիզնեսում և առևտրի մեջ: 25-27-ին՝ անկայունություն ֆինանսական գործերում ու բիզնեսում: Ոչ խելամիտ սպեկուլյացիաները վտանգավոր կլինեն: Ծախսեր՝ նորաձև իրեր ձեռք բերելու վրա: Բիզնեսում միայն սեփական շահին ձգտելը կարող է կոնֆլիկտների հանգեցնել:

28-31-ին ֆինանսական գործերում մեծ ինքնավստահությունն ու սեփական կամքն ուրիշներին պարտադրելու փորձերը նոր խնդիրներ կառաջացնեն: Ծախսեր միջոցառումների վրա:

Ջրհոս

Շարունակվում է Ջրհոսի ամիսը: Դա ակտիվություն կհաղորդի անձնական նախաձեռնություններն առաջ տանելիս և ինքնահաստատվելիս: 25-27-ին անձնական ազատության ծարավը կարող է ազդել ընտանեկան հարաբերությունների վրա: Տանը ինչ-որ բան արմատապես փոխելու ցանկություն կառաջանա: Հակասական վարք:

28-31-ին՝ խնդիրներ ագրեսիվ, իմպուլսիվ վարքի պատճառով: Բարձր հուզականություն: Ընտանեկան հոգսերը կարող են խանգարել անձնական ծրագրերին:

Ձկներ

Զանազան պատահականություններից մեծ կախվածություն: Տեղի ունեցող ամեն ինչ չէ, որ բացատրելի կլինի: 25-27-ին խնդիրներ կառաջանան հանդիպումների, ուղևորությունների ժամանակ: Եսասիրությունն ու համառությունը թույլ չեն տա լսել լավ խորհուրդները: Տրամադրության ու ծրագրերի անսպասելի փոփոխություն: Կարևոր հանդիպումները կարող են չկայանալ:

28-31-ին ծանոթությունների ու հանդիպումների ժամանակ անօգուտ ակտիվությունը, անիմաստ վեճերը, անուշադրությունը անձնական ծրագրերն իրագործելիս անհաջողությունների պատճառ կդառնան: Հնարավոր է բախվեք ստի, անհրաժեշտ տեղեկատվության բացակայության հետ:

«Չորրորդ իշխանություն», թիվ 3, 2021



Համաձայն «Հեղինակային իրավունքի և հարակից իրավունքների մասին» օրենքի՝ լրատվական նյութերից քաղվածքների վերարտադրումը պետք է չբացահայտի նյութի էական մասը: Կայքի նյութերից քաղվածքներ արտատպելիս լրատվամիջոցի անվանման նշումը և ակտիվ հղումի տեղադրումը պարտադիր է:
Հարգելի ընթերցողներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելով Facebook-ի ձեր account-ը: Խնդրում ենք լինել կոռեկտ և հետևել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ և հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում:

 Պիտակներ

         «Չորրորդ իշխանություն»


››› Արմեն Շեկոյան. Միջնորդը
››› «Չորրորդ իշխանություն» թերթի և 4rd.am կայքի ՀԱՅՏԱՐԱՐՈՒԹՅՈՒՆԸ
››› Ո՞ւմ ձեռնտու չէ 200 միլիոն դոլարի ներդրումը
››› Երևանի ժառանգության պաշտպանության կոմիտեի հայտարարությունը
››› Իշխելու թշվառությունն ու փառքի արվեստը
››› Անասնաֆերմա՝ Նարեկ Սարգսյանից Նիկոլ Փաշինյանին... Տիգրան Ավինյանին էլ
››› Մերժվածների ջղակծկումների և վարչապետի ձախողումների արանքում
››› Ո՞վ է եղել իրական դավաճանը
››› Երբ թիրախավորվում է լռությունը
››› Ինչո՞ւ են զինվորները զոհվում Ղարաբաղում և ինչո՞ւ են բոլոր զոհերը հայաստանցի
››› Մշակութային հեղափոխություն չի լինելու
››› Ատելության խոսքը, ամբոխահաճությունը և տրամաբանությունը
››› Տաշիրյան սարդոստայն
››› Գործող Սահմանադրությունը կարող է ոչնչացնել հեղափոխությունը
››› Առաջիկա երկու-երեք ամիսները վճռորոշ են լինելու
››› ԱԱԾ-ն պետք է կանխի Քոչարյանի գայթակղությունները
››› Նիկոլն ընդդեմ Նիկոլի
››› Այսպես է լինում, երբ վեթթինգի փոխարեն հավատում են դատախազի ազնիվ խոսքին
››› Սրանց գործը փախնողներին «հաջող» անելն է
››› Արսեն Թորոսյանն ու Ալեն Սիմոնյանը՝ 1-9 հաշվով պարտության գլխավոր մեղավորներ
››› Ակորդեոնիստը որոշել է նստել «սուխոյ ատկազով»
››› ՀՀԿ-ի անհաջող գրագողությունը
››› Տանը վեր ընկնելու ժամանակները
››› Անցյալի պատանդները

Ամենաընթերցված













Շատ ուրախ ե՞ք
Շատ ուրախ ե՞ք
09.02.2021 / 979









Էդ սպառնըմ ե՞ս
Էդ սպառնըմ ե՞ս
10.02.2021 / 842


















Խզարում ենք
Խզարում ենք
02.02.2021 / 634