Երեքշաբթի 25.02.2020 22:21

Լուր-մեկնաբանություն
25.02.2020 / 21:00
Քաղաքական
25.02.2020 / 20:00
Լուր-մեկնաբանություն
25.02.2020 / 19:00
Տնտեսական
25.02.2020 / 17:30
Լուր-մեկնաբանություն
25.02.2020 / 16:00
Լուր-մեկնաբանություն
25.02.2020 / 15:30
03.02.2020   09:30
3610

Իշխանությունը պետք է իրագործի Քոչարյանի ծրագիրը


Ինչպես ասվում է հայտնի ասացվածքում՝ անգամ պատից կախված ցախավելն է տարին մեկ կրակում: Այս ասացվածքը լավագույնս է բնորոշում Ռոբերտ Քոչարյանի՝ սեփական լրատվամիջոցին տված վերջին հարցազրույցը: Նա նշեց մի գաղափար, որն ամենայն հավանականությամբ դառնալու է առաջիկա ամիսների քաղաքական օրակարգի գլխավոր լեյմտոտիվը: Երկրի թիվ մեկ ամբաստանյալը խոսեց «կոնսենսուս մինուս մեկ» գաղափարի մասին: Ըստ նրա, բոլորը պետք է միավորվեն՝ ընդդեմ Նիկոլ Փաշինյանի:

Չափազանց էմոցիոնալ և սխալ կլինի միանգամից մերժել գաղափարը՝ գտնելով, որ Քոչարյանը չի կարող արժեքավոր միտք արտահայտել:

Պետք է մի կողմ թողնել, թե ո՞վ է ասողը և ընդհանրապես բարոյական իրավունք ունի՞ նման կոչեր հնչեցնելու: Քաղաքականության մեջ բարոյականությունը ունի տասներորդական նշանակություն, իսկ նրա մասին հաճախ հիշատակողներին նայում են իբրև աղքատ բարեկամների:

Անգամ էական չի դառնում այն հանգամանքը, որ «կոնսենսուս մինուս մեկ» գործողություն է ծրագրվում մեկի հանդեպ, ով մեկ տարի առաջ ստացել է հանրության գերակշիռ մասի վստահության քվեն: Իսկ ընտրությունները ճանաչվել են ազատ, արդար և թափանցիկ համաշխարհային հանրության կողմից: Անգամ էական չէ, որ գաղափարի հեղինակը երբեք չի ընտրվել Հայաստանի նախագահ և նրա բոլոր ընտրությունները անցել են չտեսնված կեղծիքներով, իսկ միջազգային կազմակերպությունները մշտապես կասկածի տակ են դրել դրանց լեգիտիմությունը:

Եթե առաջիկայում իշխանությունը չունենա կամք և հմտություն հանգուցալուծելու ՍԴ ճգնաժամը, ապա Քոչարյանի ազատության մեջ հայտնվելը կդառնա ամիսների հարց: Դրանից հետո, սկսվելու է մի գործընթաց, երբ փողի ու ռևանշի ձգտող բոլոր ուժերը միավորվելու են այդ անձնավորության շուրջ: 

Ի՞նչ պետք է անի իշխանությունը: Մի կողմից՝ արագորեն լուծի ՍԴ-ի խնդիրը: Արագացնի քաղաքական ռեֆորմները՝ փոխի կուսակցությունների մասին օրենքը և Ընտրական օրենսգիրքը: Մյուս կողմից՝ սկսի իրագործել Քոչարյանի գաղափարը՝ հակառակ կողմից: Անհրաժեշտ է սկսել մեծ երկխոսություն քաղաքական դաշտի բոլոր առողջ ուժերի հետ: Պետք է ստեղծվի իրական կոնսենսուս՝ ընդդեմ բոլոր այն ուժերի և անհատների, որոնք ձգտում են ռևանշի: Ընդդեմ այն ուժերի, որոնք, ելնելով իրենց նեղ անձնական շահերից, պատրաստ են վտանգել Հայաստանի պետականությունը: Ընդդեմ այն ուժերի, որոնք համագործակցում են օտար պետությունների հատուկ ծառայությունների հետ: Ընդդեմ այն ուժերի, որոնք չեն խորշում բռնության կոչեր հնչեցնելուց և հատկապես նրանցից, ովքեր ունեն կոնկրետ հետագիծ արյուն թափելու՝ հանուն սեփական քաղաքական շահերի: Ընդդեմ այն ուժերի, որոնք լոբբինգ են անում միջազգային կազմակերպությունների կողմից հակահայկական բանաձևեր ընդունելու ուղղությամբ: Քոչարյանը այդ բոլոր ուժերի մարմնավորումն է: 

Քաղաքական բոլոր առողջ ուժերը պետք է հստակ ջրբաժան գծեն իրենց և վերոհիշյալ ուժերի միջև: Իշխանությունը պետք է ձգտի լայն կոնսենսուս ձևավորել՝ չսեփականաշնորհելով այդ չափազանց կարևոր քաղաքական պայքարը: Անսխալականության և աննախադեպության ախտանիշները պետք է իրենց տեղը զիջեն քաղաքական ճշգրիտ հաշվարկին:

Հայաստանին անհրաժեշտ է առողջ և օտարների շահերը չսպասարկող ընդդիմություն: Բայց նախ և առաջ պետք է փակել նախկինի էջը՝ չթողնելով նրան որևէ շանս պատմության անիվը հետ շրջելու համար:

Արիս Վաղարշակյան

«Չորրորդ իշխանություն», թիվ 18, 2020



 Պիտակներ

         Արիս Վաղարշակյան, Ռոբերտ Քոչարյան, Նիկոլ Փաշինյան, Չորրորդ իշխանություն




Գովազդ
››› Ինչո՞ւ են զինվորները զոհվում Ղարաբաղում և ինչո՞ւ են բոլոր զոհերը հայաստանցի
››› Մշակութային հեղափոխություն չի լինելու
››› Ատելության խոսքը, ամբոխահաճությունը և տրամաբանությունը
››› Տաշիրյան սարդոստայն
››› Գործող Սահմանադրությունը կարող է ոչնչացնել հեղափոխությունը
››› Առաջիկա երկու-երեք ամիսները վճռորոշ են լինելու
››› ԱԱԾ-ն պետք է կանխի Քոչարյանի գայթակղությունները
››› Նիկոլն ընդդեմ Նիկոլի
››› Այսպես է լինում, երբ վեթթինգի փոխարեն հավատում են դատախազի ազնիվ խոսքին
››› Սրանց գործը փախնողներին «հաջող» անելն է
››› Արսեն Թորոսյանն ու Ալեն Սիմոնյանը՝ 1-9 հաշվով պարտության գլխավոր մեղավորներ
››› Ակորդեոնիստը որոշել է նստել «սուխոյ ատկազով»
››› ՀՀԿ-ի անհաջող գրագողությունը
››› Տանը վեր ընկնելու ժամանակները
››› Անցյալի պատանդները

Ամենաընթերցված


















































Ստոպ-կադր
Ստոպ-կադր
03.02.2020 / 3294