Լուր-մեկնաբանություն
06.06.2020 / 10:00
Քաղաքական
06.06.2020 / 09:30
Լուրեր
06.06.2020 / 09:00
4rd.am на русском
06.06.2020 / 09:00
Լուր-մեկնաբանություն
05.06.2020 / 22:00
Լուր-մեկնաբանություն
05.06.2020 / 21:00
04.05.2020   10:45
4911

ԿԲ-ն, պետական ռեսուրսները վատնելով, ճնշում է քաղաքացուն


Սամվել Սահակյանը ԿԲ-ի դեմ բողոք կներկայացնի ՄԻԵԴ

Իր անձնական կյանքի գաղտնիության իրավունքը խախտելու մեջ Կենտրոնական բանկին մեղադրող քաղաքացի Սամվել Սահակյանը պատրաստվում է դիմել ՄԻԵԴ:

Արդեն 4 տարի տևող դատական գործընթացում քաղաքացին չի կարողանում արդարության հասնել: ԿԲ-ը դատական գործընթացում փորձում է առաջ գնալ` վարչական ռեսուրսներ կիրառելով: Սամվել Սահակյանը հույս ուներ, որ նոր Հայաստանում իր գործը արդար քննության կենթարկվի, բայց կրկին հին գործիքակազմն է կիրառվում: ԿԲ նախագահ Արթուր Ջավադյանը շարունակում է հին ավանդույթով միջամտել դատարանի գործունեությանը: Տուժող քաղաքացին էլ պատրաստվում է տեղի ունեցող անարդարության մասին ՄԻԵԴ-ում բարձրաձայնել:

«Արդարադատությանը խոչընդոտում են: ԿԲ-ն ադմինիստրատիվ մեծ ռեսուրս է վատնում քաղաքացուն ճնշելու համար: Մոտ 4 տարի է՝ 3 փաստաբաններ, որոնք հաստիքացուցակով աշխատում են ԿԲ-ում, զբաղված են այս գործով: Կառավարությունը բողոքում է, որ դատական գործերն առաջ չեն գնում՝ դատավորները գերծանրաբեռնված են, որովհետև միայն 5-6 դատավորի գերզբաղվածության հարցը Ջավադյանն է լուծում: Պետական ռեսուրսներն օգտագործում է մարդու դեմ, որն իրեն ասել է՝ ինչի ես իմ նկարները տվել կրիմինալին»,- «ՉԻ» հետ զրույցում ասաց Սամվել Սահակյանը:

Նրա խոսքով, եթե ՄԻԵԴ-ը որոշեց, որ քաղաքացու իրավունքը խախտվել է՝ կտուգանվի կառավարությունը: Կստացվի, որ Արթուր Ջավադյանի անձնական խնդիրները լուծելու համար պետության և հարկատուների գումարներն են վատնվում:

«Այն մարդը, որն իմ և կնոջս լուսանկարները հանել է, տվել կրիմինալին, նա էլ պետք է պատասխանատվության ենթարկվի: 2016 թվականից ինձ կրիմինալ մարդիկ են զանգում, ԿԲ-ում արված իմ ու կնոջս ֆոտոներն են ուղարկում և ինչ-որ բաներ են ուզում դրա դիմաց: Խնդիրը զոքանչիս բիզնեսը խլելն է եղել: ԿԲ նախագահ Արթուր Ջավադյանն ասել է՝ նամակը տվեք կրիմինալին, որ իմանան՝ ով է նամակ տվողը և նրա հարցերը լուծեն»,- նշեց մեր զրուցակիցը:

Դեռ 2016 թվականին Սամվել Սահակյանը սոցիալական ցանցերում և լրատվամիջոցներին հայտնեց, որ ԿԲ-ն իրեն առնչվող անձնական բնույթի տեղեկատվությունը անօրինական տրամադրել է այլ անձանց՝ դրանով խախտելով իր անձնական կյանքի տվյալների պաշտպանության իրավունքը: Նա կնոջ հետ այցելել է ԿԲ, որտեղ մի փաստաթուղթ է մուտքագրել՝ «Ֆ.Ի.Կ.Օ» ունիվերսալ վարկային կազմակերպության գործունեության հետ կապված:

Սամվել Սահակյանը պատմեց, որ զոքանչը «Ֆ.Ի.Կ.Օ» ունիվերսալ վարկային կազմակերպության հիմնադիրներից է եղել, սակայն խնդիրներ են ծագել հիմնադիրների միջև, որոշել են բաժնեմասերը խլել նրա ձեռքից: Սկզբում քրեական հեղինակություններին են խառնել, հետո էլ ԿԲ-ի վերահսկողության վարչության պետի հսկողությամբ   ճնշումների ենթարկելով զոքանչին՝ հեռացրել են գործից և վերցրել բաժնեմասը: Սամվել Սահակյանը զոքանչի փոխարեն տեղի ունեցածի մասին փաստաթուղթ է ներկայացրել ԿԲ և հայտնվել թիրախում:

Հետո վարկային կազմակերպության անունից հանդես եկող անձից ստացել է հեռախոսազանգ և տեսագրությունից արված լուսանկարներ, որտեղ երևում է, թե ինչպես են նա և իր կինը մոտենում ԿԲ ու հանձնում փաստաթուղթը:

Սամվել Սահակյանը քրեական գործ հարուցելու պահանջով դիմել էր ոստիկանություն և դատախազություն` հայտնելով, որ Կենտրոնական բանկը խախտել է իր անձնական տվյալները: ԿԲ-ն էլ երկու հայց է ներկայացրել քաղաքացու դեմ՝ մեկը զրպարտության համար, մյուսն էլ՝ վիրավորանքի:

ԿԲ-ն երկրորդ գործով Վերաքննիչ դատարան է հայց ներկայացրել: Արդյունքում, ըստ նրա, ծիծաղելի որոշում է եղել:

«Որոշումը տարանք Վճռաբեկ դատարան: Այստեղ էլ չուզեցան թաթախվել այս ամենի մեջ, շատ հնարավոր է նաև, որ վերևից զանգ է եղել և վարույթ չի ընդունվում՝ շատ զավեշտալի մեկնաբանությամբ: Ասում է՝ մեզ ուշ է նամակը հասել: Փոստի թուղթն եմ ցույց տալիս, ասում են՝ կարող է այդ թղթի մեջ ձեր գործը չի եղել: Ասում են՝ գնա նորից առաջին ատյանից սկսիր: Այս մասը բողոքարկել ենք և ՄԻԵԴ ենք ներկայացնելու, զուգահեռաբար նաև ՍԴ»,- ներկայացրեց նա:

Սամվել Սահակյանը, սակայն, ՍԴ-ի հետ հույսեր չի կապում: Նկատում է՝ ԿԲ-ի, ՍԴ-ի ղեկավարներն ու Վճռաբեկի դատավորը իրար հետ փոխկապակցված անձինք են:  

Սամվել Սահակյանը հույս ունի, որ ԿԲ-ի նոր նախագահը այդ կառույցում արմատավորված արատավոր ավանդույթները չի շարունակի և նոր Հայաստանում առհասարակ վարչական ռեսուրս կիրառելով հարցեր չեն լուծվի:

Մանյա Պողոսյան 



Հարգելի ընթերցողներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելով Facebook-ի ձեր account-ը: Խնդրում ենք լինել կոռեկտ և հետևել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ և հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում:
 Պիտակներ

         Սամվել Սահակյան, Կենտրոնական բանկ, Մանյա Պողոսյան


Գովազդ
››› Մերժվածների ջղակծկումների և վարչապետի ձախողումների արանքում
››› Ո՞վ է եղել իրական դավաճանը
››› Երբ թիրախավորվում է լռությունը
››› Ինչո՞ւ են զինվորները զոհվում Ղարաբաղում և ինչո՞ւ են բոլոր զոհերը հայաստանցի
››› Մշակութային հեղափոխություն չի լինելու
››› Ատելության խոսքը, ամբոխահաճությունը և տրամաբանությունը
››› Տաշիրյան սարդոստայն
››› Գործող Սահմանադրությունը կարող է ոչնչացնել հեղափոխությունը
››› Առաջիկա երկու-երեք ամիսները վճռորոշ են լինելու
››› ԱԱԾ-ն պետք է կանխի Քոչարյանի գայթակղությունները
››› Նիկոլն ընդդեմ Նիկոլի
››› Այսպես է լինում, երբ վեթթինգի փոխարեն հավատում են դատախազի ազնիվ խոսքին
››› Սրանց գործը փախնողներին «հաջող» անելն է
››› Արսեն Թորոսյանն ու Ալեն Սիմոնյանը՝ 1-9 հաշվով պարտության գլխավոր մեղավորներ
››› Ակորդեոնիստը որոշել է նստել «սուխոյ ատկազով»
››› ՀՀԿ-ի անհաջող գրագողությունը
››› Տանը վեր ընկնելու ժամանակները
››› Անցյալի պատանդները

Ամենաընթերցված













































«ՉԻ» ռիթմով
«ՉԻ» ռիթմով
06.06.2020 / 58