26.07.2021   10:00
826

Լևոն Տեր-Պետրոսյանի նորմալ պետությունը և ազգային միֆերը - 3


(վերջաբան)

Լևոն Տեր-Պետրոսյանի նորմալ պետության գաղափարին հակադրվող ազգային միֆերի մասին կարելի է գիտական ծավալուն աշխատանք գրել և ցույց տալ դրանց արտաքին ու ներքին աղբյուրները, հեքիաթասացների ազնիվ և անազնիվ մղումները, նպատակները: Կարելի է ուսումնասիրել և ներկայացնել որպես ձեռնարկ այն մասին, թե ինչպես է ազգը կործանում ինքն իրեն: Ձեռնարկը գուցե հայերիս այլևս պետք չգա, ուստի այն կթարգմանեն այլ ազգերի համար: Լ. Տեր-Պետրոսյանի քաղաքական ժառանգությունն էլ այլազգիները կուսումնասիրեն, կսովորեն, կկիրառեն և կստեղծեն նորմալ պետություն…

Ուրեմն 1998-ից իշխանությունը պատկանում է «ազգային» ուժերին: Ռոբերտ Քոչարյանն ու Սերժ Սարգսյանը վարպետորեն օգտագործեցին հաղթանակը՝ առասպելաբանությունը գրեթե կատարելության հասցնելով: Մի քանի արտահայտություն հիշեցնեմ՝ արյունով նվաճվածը գրչով չեն հանձնում, մենք տալու հող չունենք, Շուշին գրավել ենք ի հեճուկս Լևոն Տեր-Պետրոսյանի և այլն: Նրանք վարպետորեն օգտագործեցին նաև պատերազմական տարիների օբյեկտիվ և սուբյեկտիվ դժվարությունները: Այսպես, չնայած թմբկահարվում էր հաղթանակը, հայոց ռազմական հզորությունը, դաժան պատերազմի տարիները հորջորջվում էին ցրտի ու մթի: Սրանով ոչնչացնում էին այն իշխանությանը, որի օրոք կերտվել էր հաղթանակը: Այսինքն՝ ոչնչացնում էին իրենց խանգարող գաղափարները՝ արժանապատիվ խաղաղություն, պետության զարգացում և այլն: Հայաստանը, ըստ Ռոբերտ Քոչարյանի հավատարիմ արտգործնախարար Վարդան Օսկանյանի, 100 տարի էլ կարող էր զարգանալ մեկուսացման մեջ: Այնինչ, ինչպես զգուշացրել էր Լևոն Տեր-Պետրոսյանը, բալանսը փոխվում էր ի վնաս մեր երկրի: Ադրբեջանը հարստանում էր, ուժեղանում: Կառուցվեցին Բաքու- Թբիլիսի- Ջեյհան նավթամուղը և Բաքու- Թբիլիսի-Կարս երկաթուղին: Ի դեպ, երկաթուղու նախագծի մասին խոսելիս քոչարյանականները մեզ համոզում էին, որ այն չի կառուցվելու: Բայց կառուցվեց: Ադրբեջանը կարևոր երկիր էր դառնում ոչ միայն տարածաշրջանում: Ճանապարհները, տնտեսական մեծ ծրագրերը շրջանցում էին Հայաստանը: Բանակցությունների սեղանի շուրջ թշնամու դիրքորոշումը կարծրանում էր: Եվ դա բնական էր:

Հայաստանի ներսում նույնպես բալանս էր փոխվում: Հարուստների և աղքատների միջև աճում էր տարբերությունը: Ռ. Քոչարյանի և Ս. Սարգսյանի պրագմատիզմը գործում էր հօգուտ իրենց և այն մարդկանց, որոնք ծառայում էին իրենց: Իսկ երկի՞րը: Երկիրն իրականում ոչ ոքի պետք չէր: Այն պետք չէ նաև ներկաներին, որոնք չգիտես ինչ են ուզում: Եթե բացառենք պետական դավաճանության վարկածը, ապա պետք է ասենք, որ սրանց անմեղսունակությունը և անգրագիտությունը դրան հավասար պատուհաս են: 

Հիշեցնենք, որ սրանք բոլորը՝ քոչարյանականները, սերժականները և նիկոլականները մեկ թշնամի ունեն երկրի ներսում: Այո՛, չեք սխալվում, Լևոն Տեր-Պետրոսյանն է, հետևաբար նորմալ պետությունը, պետականության շահը: 

Ի՞նչ ունենք այսօր: Պետության բոլոր հակառակորդները ԱԺ-ում են, այսինքն՝ իշխանություն են: Արցախում մնացած մի բուռ հայերի անվտանգությունը կախված է ռուս խաղաղապահներից: 44-օրյա պատերազմում ջարդվել է մեր բանակի ողնաշարը, իսկ իշխանությունը հրճվում է՝ պարեկային խաղալիք ծառայություն գովազդելով: Հայաստանի սահմաններին ամեն օր հրաձգություն է: Թշնամին գործում է, իսկ մենք ոչինչ չենք անում: Սպասում ենք: 

Զարուհի Գաբրիելյան

Մաս 1

Մաս 2



 Պիտակներ

         Զարուհի Գաբրիելյան, Լևոն Տեր-Պետրոսյան, Սերժ Սարգսյան, Ռոբերտ Քոչարյան

››› Չարենց. Դաշնակցականներին (Ներբող քաղաքական)
››› Սա քո պատերազմն էր, Նիկո՛լ
››› Ոչ ոք չի թաքցրել տարածքներ զիջելու փաստը
››› Քայլ արեք, իրար կերեք
››› Արմեն Շեկոյան. Միջնորդը
››› «Չորրորդ իշխանություն» թերթի և 4rd.am կայքի ՀԱՅՏԱՐԱՐՈՒԹՅՈՒՆԸ
››› Ո՞ւմ ձեռնտու չէ 200 միլիոն դոլարի ներդրումը
››› Երևանի ժառանգության պաշտպանության կոմիտեի հայտարարությունը
››› Իշխելու թշվառությունն ու փառքի արվեստը
››› Անասնաֆերմա՝ Նարեկ Սարգսյանից Նիկոլ Փաշինյանին... Տիգրան Ավինյանին էլ
››› Մերժվածների ջղակծկումների և վարչապետի ձախողումների արանքում
››› Ո՞վ է եղել իրական դավաճանը
››› Երբ թիրախավորվում է լռությունը
››› Ինչո՞ւ են զինվորները զոհվում Ղարաբաղում և ինչո՞ւ են բոլոր զոհերը հայաստանցի
››› Մշակութային հեղափոխություն չի լինելու
››› Ատելության խոսքը, ամբոխահաճությունը և տրամաբանությունը
››› Տաշիրյան սարդոստայն
››› Գործող Սահմանադրությունը կարող է ոչնչացնել հեղափոխությունը
››› Առաջիկա երկու-երեք ամիսները վճռորոշ են լինելու
››› ԱԱԾ-ն պետք է կանխի Քոչարյանի գայթակղությունները
››› Նիկոլն ընդդեմ Նիկոլի
››› Այսպես է լինում, երբ վեթթինգի փոխարեն հավատում են դատախազի ազնիվ խոսքին
››› Սրանց գործը փախնողներին «հաջող» անելն է
››› Արսեն Թորոսյանն ու Ալեն Սիմոնյանը՝ 1-9 հաշվով պարտության գլխավոր մեղավորներ
››› Ակորդեոնիստը որոշել է նստել «սուխոյ ատկազով»
››› ՀՀԿ-ի անհաջող գրագողությունը
››› Տանը վեր ընկնելու ժամանակները
››› Անցյալի պատանդները

Ամսվա ամենաընթերցվածները


















Էս չե՞ք դուք
Էս չե՞ք դուք
06.09.2021 / 1285