ԱԺԲ ներկայացուցիչները լուսանկարներ են հրապարակել և գրել. «Բևեռի աջակիցների ավտոշարասյունն ուղեկցում է ֆրանսիական հումանիտար օգնության բեռնատարները»։
«ՉԻ». Արդեն պատկերացնում ենք, որ բևեռականների ինքնակենսագրական անկետաներում նոր տող է ավելանալու. բացի նրանից, որ Կանադաներից ու Լոսերից անդուլ պայքար են տանում հանուն Հայաստանի, Արցախի, Քուռ-Արաքսյան Հանրապետության և Վիլսոնյան Հայքի, հիմա նաև գրելու են, որ 2023թ. օգոստոսի 30-ին մասնակցել են ֆրանսիական հումանիտար օգնության բեռնատարներին ուղեկցելու սուրբ գործին:
Մի հատ ձկան տեսակ կա, լոցման է կոչվում: Այս ձուկը նրանով է հայտնի, որ մշտապես ուղեկցում է շնաձկներին: Հենց այնպես չեն ուղեկցում, սպասում են, որ շնաձուկը հացն ուտի, պրծնի, թերմացքներով սնվեն, պլյուս, շնաձկան մաշկը մաքրում են պարազիտներից: Այսինքն՝ այդ ուղեկցելուց իրենց դիվիդենտներն են քաղում:
Հիմա էս մեր ընկերներն էլ իրենց դիվիդենտներն են քաղում: Մեր քաղաքական լոցմաններն են: