ԱԺ ՔՊ խմբակցության պատգամավոր Լիլիթ Մինասյանը գրել է. «Լեռնային Ղարաբաղի կապիտուլացիան ստորագրած անձինք պետք է քաջ գիտակցեն, որ Երևանում ստորագրված` Ղարաբաղին վերաբերվող որևէ փաստաթուղթ ոչ մի իրավական ուժ չունի: Նմանատիպ ցանկացած «օրենք», ցանկացած «որոշում» առոչինչ է և ոչ մի կապ չունի Հայաստանի Հանրապետության պետական և իրավական կառուցվածքի հետ»:
«ՉԻ». Յա, տես, է՜, ինչ քաջ են, ինչ դուխով են վրա տվել Արցախի ղեկավարներին: Երբ գոռում էին. «Արցախը Հայաստան է ու վերջ», Արցախի ղեկավարներին շան տեղ չէին դնում, ու էն ժամանակ Արցախը փաստորեն Հայաստանի Հանրապետության պետական և իրավական կառուցվածքի մի մասն էր: Հիմա գոռում են. «Արցախը Ադրբեջան է ու վերջ», էլի շան տեղ չեն դնում:
Մի քիչ էլ գնա, Արցախի ղեկավարներին բռնելու են՝ անջատողական գործողությունների և Ադրբեջանի սահմանադրությունը խախտելու համար:
Բայց ինչ խորհրդանշական է, որ այս իշխանությունները Արցախի ղեկավարությանը անվանում են կապիտուլյանտ: