Սատիրիկոն/Լուր-մեկնաբանություն
26.02.2021 / 17:25
Սատիրիկոն/Լուր-մեկնաբանություն
26.02.2021 / 16:15
Սատիրիկոն/Լուր-մեկնաբանություն
26.02.2021 / 15:00
Սատիրիկոն/Լուր-մեկնաբանություն
26.02.2021 / 14:00
Սատիրիկոն/Լուր-մեկնաբանություն
26.02.2021 / 12:30
Քաղաքական
26.02.2021 / 11:05
17.01.2021   21:00
375

Մեղրին՝ պատանդի կարգավիճակում


ՓԱԹԵԹԱԾ

Քի Ուեսթյան հանդիպումն ավարտվեց: ԵԱՀԿ Մինսկի խմբի համանախագահները հայտարարեցին, թե հանդիպման արդյունքները գերազանցեցին իրենց բոլոր սպասելիքները: Թե ինչ էին սպասում հանախագահները՝ հայտնի չէ: Երևի սպասում էին, որ երկու երկրների նախագահներն իրար կծեծեն: 

Ամփոփենք: Քի Ուեսթում ստորագրվել է միայն մեկ փաստաթուղթ. դրանով բանակցող կողմերը պարտավորվել են գաղտնի պահել բանակցությունների ընթացքը: Հիշեցնենք, որ քոչարյանամետ լրատվամիջոցները երեք տարի շարունակ վայնասուն էին բարձրացնում Լևոն Տեր-Պետրոսյանի արտահայտած այն մտքի շուրջ, թե Ղարաբաղյան խնդրին փորձագիտական մակարդակով տիրապետում է վեց հոգի: Ավելացնենք՝ Քի Ուեսթում հայկական պատվիրակության անդամների թիվը վեցից պակաս էր:

Բանակցությունների մասին հայտնի է դարձել երկու դետալ: Առաջին՝ ԱՄՆ-ը նպատակահարմար է համարում ձեռք բերված համաձայնությունների մասին տեղյակ պահել Իրանին: Ոզնուն էլ հասկանալի է, որ խոսքը Մեղրիի տարածքով Ադրբեջանին միջանցք տրամադրելու մասին է: «Օրակարգ» կոչվող սաստիկ անկողմնակալ ծրագիրը ջանում էր կես ժամ շարունակ հեռուստադիտողներին համոզել, եթե խոսքը ոչ թե տարածքների փոխանակման մասին է, այլ կոմունիկացիաների: Իսկ մենք, միամիտներս, կարծում էինք, թե Ադրբեջանը Մեղրին ուզում է, որպեսզի բադրիջան ցանի: Պարզվում է՝ այդ խեղճերն ուզում են ընդամենը այդ տարածքով կոմունիկացիաներ անցկացնել: Հետևաբար կարող ենք հանգիստ լինել: 

Ի դեպ, նախագահի խորհրդական Ալեքսան Հարությունյանը մեկնաբանել է նախագահների քիուեսթյան հանդիպումը (միանգամայն ազնիվ զբաղմունք՝ տեղական ինքնակառավարման հարցերով նախագահի խորհրդականի համար) և նշել է, որ «հանգուցալուծումը չպետք է տարածաշրջանային հակամարտության նոր օջախներ ստեղծի»: Ի՞նչ եք կարծում, կարո՞ղ է, ասենք, Ֆիզուլին հակամարտության նոր օջախ դառնալ: Ոչ, չի կարող: Իսկ Ջեբրայի՞լը: Նույնպես՝ ոչ: Իսկ Մեղրին կարող է: 

Երկրորդ դետալը. երկու երկրների նախագահների մասնակցությամբ պատրաստվում է առաջարկների նոր փաթեթ, որը կքննարկվի հունիսին՝ Ժնևում: Քննարկվելը՝ կքննարկվի, բայց կստորագրվի՞ արդյոք: Իհարկե ոչ: Ռոբերտ Քոչարյանը շատ լավ հասկանում է՝ ցանկացած համաձայնագիր ստորագրելուց հետո հեռանալու է:

Հետևաբար կանի ամեն ինչ, որպեսզի համաձայնագիրը չստորագրվի: Իսկ դրա համար անհրաժեշտ է կազմակերպել «ժողովրդական լայն զանգվածների բողոք»: Ինչը և արվում է: 

Մի խոսքով, Մեղրին հայտնվել է ամերիկյան մարտաֆիլմերից հայտնի պատանդի կարգավիճակում: Կամ Քոչարյանը կտա Մեղրին և ինքը կհեռանա, կամ չի տա Մեղրին և կմնա նախագահ: Իդեալական տարբերակը, իհարկե, կլինի այն, որ նա Մեղրին չտա, բայց հեռանա: Բայց սա արդեն հնդկական ֆիլմ է: 

Պարզ ասած, Քի Ուեսթից հետո երկու լուր կա. մեկը վատ, մյուսը լավ: Վատն այն է, որ համանախագահները Քոչարյանից պահանջում են համաձայնագիր ստորագրել: Լավն այն է, որ ստորագրելուց հետո Քոչարյանը կհեռանա: Իսկ ամենավատն այն է, որ Նաիրի Հունանյանի խումբը ձերբակալված է և չի կարող ներխուժել ԵԱՀԿ նիստերի դահլիճ: 

Գրիգոր Ոսկանյան

«Չորրորդ իշխանություն», 11 ապրիլի, 2001թ. 



Համաձայն «Հեղինակային իրավունքի և հարակից իրավունքների մասին» օրենքի՝ լրատվական նյութերից քաղվածքների վերարտադրումը պետք է չբացահայտի նյութի էական մասը: Կայքի նյութերից քաղվածքներ արտատպելիս լրատվամիջոցի անվանման նշումը և ակտիվ հղումի տեղադրումը պարտադիր է:
Հարգելի ընթերցողներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելով Facebook-ի ձեր account-ը: Խնդրում ենք լինել կոռեկտ և հետևել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ և հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում:

 Պիտակներ

         «Չորրորդ իշխանություն», Գրիգոր Ոսկանյան, Ռոբերտ Քոչարյան, Ալեքսան Հարությունյան


››› Արմեն Շեկոյան. Միջնորդը
››› «Չորրորդ իշխանություն» թերթի և 4rd.am կայքի ՀԱՅՏԱՐԱՐՈՒԹՅՈՒՆԸ
››› Ո՞ւմ ձեռնտու չէ 200 միլիոն դոլարի ներդրումը
››› Երևանի ժառանգության պաշտպանության կոմիտեի հայտարարությունը
››› Իշխելու թշվառությունն ու փառքի արվեստը
››› Անասնաֆերմա՝ Նարեկ Սարգսյանից Նիկոլ Փաշինյանին... Տիգրան Ավինյանին էլ
››› Մերժվածների ջղակծկումների և վարչապետի ձախողումների արանքում
››› Ո՞վ է եղել իրական դավաճանը
››› Երբ թիրախավորվում է լռությունը
››› Ինչո՞ւ են զինվորները զոհվում Ղարաբաղում և ինչո՞ւ են բոլոր զոհերը հայաստանցի
››› Մշակութային հեղափոխություն չի լինելու
››› Ատելության խոսքը, ամբոխահաճությունը և տրամաբանությունը
››› Տաշիրյան սարդոստայն
››› Գործող Սահմանադրությունը կարող է ոչնչացնել հեղափոխությունը
››› Առաջիկա երկու-երեք ամիսները վճռորոշ են լինելու
››› ԱԱԾ-ն պետք է կանխի Քոչարյանի գայթակղությունները
››› Նիկոլն ընդդեմ Նիկոլի
››› Այսպես է լինում, երբ վեթթինգի փոխարեն հավատում են դատախազի ազնիվ խոսքին
››› Սրանց գործը փախնողներին «հաջող» անելն է
››› Արսեն Թորոսյանն ու Ալեն Սիմոնյանը՝ 1-9 հաշվով պարտության գլխավոր մեղավորներ
››› Ակորդեոնիստը որոշել է նստել «սուխոյ ատկազով»
››› ՀՀԿ-ի անհաջող գրագողությունը
››› Տանը վեր ընկնելու ժամանակները
››› Անցյալի պատանդները

Ամենաընթերցված













Շատ ուրախ ե՞ք
Շատ ուրախ ե՞ք
09.02.2021 / 980









Էդ սպառնըմ ե՞ս
Էդ սպառնըմ ե՞ս
10.02.2021 / 844


















Խզարում ենք
Խզարում ենք
02.02.2021 / 635