Սատիրիկոն/Լուր-մեկնաբանություն
22.01.2021 / 22:00
Քաղաքական
22.01.2021 / 21:00
Սատիրիկոն
22.01.2021 / 20:00
Սատիրիկոն/Լուր-մեկնաբանություն
22.01.2021 / 19:00
Սատիրիկոն/Լուր-մեկնաբանություն
22.01.2021 / 17:30
Սատիրիկոն/Լուր-մեկնաբանություն
22.01.2021 / 16:00
19.12.2020   20:00
677

Փաշինյանի մնալը սպառնալիք է ժողովրդավարությանը


Արցախում, ըստ ամենայնի, մոտ ապագայում տեղի կունենա իշխանափոխություն, և Արայիկ Հարությունյանին կփոխարինի Վիտալի Բալասանյանը: Երեկ, իր հայտնի ուղերձի խմբագրմամբ, Հարությունյանն ինքը դա խոստովանեց: Այսինքն, Արայիկ Հարությունյանն ընդունել է իրեն ներկայացված վերջնագիրն ու իշխանությունը սկուտեղի վրա կմատուցի հայտնի ուժերին:

Նիկոլ Փաշինյանը վերջին մի ամսվա ընթացքում հաճախ է սիրում հարցնել, թե որն է իր մեղքը և սովորաբար ինքն էլ պատասխանում է, որ ոչ մի մեղք էլ չունի:

Փաշինյանի մեղքի կոնկրետ օրինակ է այն, որ նա ամեն գնով պաշտպանեց Արայիկ Հարությունյանի թեկնածությունը, ինչպես նաև աչք փակեց ադմինիստրատիվ ռեսուրսի կիրառման, ընտրակաշառք բաժանելու և կորոնավիրուսի պայմաններում ընտրություններ կազմակերպելու վրա: Եվ Արցախը ստացավ մի նախագահ, որը հազար ու մի թելերով կապված էր նախկինների հետ, սակայն Փաշինյանին հավաստիացրել էր, թե հիմա իր հետ է։
Այժմ էլ, Հայաստանում արտահերթ ընտրությունները հետաձգելով, Փաշինյանը ստեղծում է նույն իրավիճակը, որն առկա է Արցախում։ Իրավիճակ, որն սպառնում է ստեղծել նախապայմաններ, որոնց պատճառով Փաշինյանը ստիպված կլինի հանձնել իշխանությունը Վիտալի Բալասանյանի նման մեկին:

Փաշինյանը գրեթե ամեն օր պնդում է, որ հրաժարական չտալով պահում է ժողովրդի քվեն, նրա ընտրելու իրավունքը և այլն: Մինչդեռ իրականությունը բոլորովին այլ է: Ամեն օր հետաձգելով արտահերթ ընտրությունները, Փաշինյանը ստեղծում է այնպիսի իրավիճակ, որ ժողովրդի կողմից իշխանություն ընտրելու պրակտիկան անվերադարձ վերանա Հայաստանից: Փաշինյանը չի ընկալում, որ օր օրի վարկաբեկվում է ժողովրդավարությունը, և առաջին պլան է գալիս ենթադրյալ անվտանգությունը: Մինչդեռ, Ադրբեջանը չի դադարեցնելու սադրանքները, խաղաղապահներն ավելի մեծ եռանդով չեն կատարելու իրենց պարտականությունները, իսկ 17-ի ուժերը շարունակելու են ավելի ինտենսիվորեն շահարկել առկա իրողությունները: Եվ գալու է մի պահ, որ հասարակ ժողովուրդը, արդեն առանց էլիտաների մասնակցության, դուրս գա փողոց և անվտանգությունը գերադասի ժողովրդավարությունից: 

Պատմությունը գիտի հազարավոր այդպիսի դեպքեր, երբ ժողովրդավարությունից տեղի է ունեցել անցում բռնատիրական համակարգի, քանզի ընտրված ղեկավարներն անընդունակ են եղել ապահովել հասարակ ժողովրդի անվտանգությունը: Սա նորություն չի լինի, և, թերևս, Մարիա Կարապետյանից բացի աշխարհում ոչ ոք չի զարմանա:

Եթե Փաշինյանն իսկապես ցանկանում է պահպանել ժողովրդի կողմից իշխանություն ձևավորելու պրակտիկան, օր առաջ, առանց երկրում տիրող բարոյահոգեբանական վիճակին հղումներ կատարելու, պետք է ազդարարի արտահերթ ընտրությունների օրը: Անկախ նրանից, թե ինչպիսին կլինի դրանց ելքը․ ինքը կմնա իշխանության, թե կդառնա ամենամեծ ընդդիմադիր խմբակցության ղեկավարը, այդ ընտրությունները կլինեն շատ ավելի արժանահավատ, քան այն ընտրությունները, որ կկազմակերպեն 17-ի ուժերը մի տարի հետո:

Այդ մի տարին, որի մասին խոսում են ընդդիմադիրները, նրանց անհրաժեշտ է Հայաստանում առկա ժողովրդավարական կառույցները վերացնելու համար, որպեսզի ոչ ոք չխանգարի ընտրակեղծիքների ինստիտուտի անխափան գործունեությանը: Այդ ընթացքում նրանք կփակեն բոլոր այն կառույցները, որոնք ի վիճակի են գրանցել ընտրակեղծիքներ, կծեծեն և կահաբեկեն մի քանի քաղաքացիական ակտիվիստի, դրանից հետո ընտրություններ կեղծելը կդառնա խաղ ու պար:

Փաշինյանը, ամեն օր մնալով իշխանության, նպաստում է, որպեսզի հայկական ժողովրդավարությունը մոտ ապագայում անվերադարձ հեռանա: Մի երկու ամիս իշխանության մնալ, ահա այն գինը, որ վճարելու ենք Արցախի սցենարի կրկնման համար:

Արիս Վաղարշակյան

«Չորրորդ իշխանություն», թիվ 40, 2020



Համաձայն «Հեղինակային իրավունքի և հարակից իրավունքների մասին» օրենքի՝ լրատվական նյութերից քաղվածքների վերարտադրումը պետք է չբացահայտի նյութի էական մասը: Կայքի նյութերից քաղվածքներ արտատպելիս լրատվամիջոցի անվանման նշումը և ակտիվ հղումի տեղադրումը պարտադիր է:
Հարգելի ընթերցողներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելով Facebook-ի ձեր account-ը: Խնդրում ենք լինել կոռեկտ և հետևել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ և հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում:
 Պիտակներ

         «Չորրորդ իշխանություն», Վիտալի Բալասանյան, Արայիկ Հարությունյան, Նիկոլ Փաշինյան, Արիս Վաղարշակյան


››› «Չորրորդ իշխանություն» թերթի և 4rd.am կայքի ՀԱՅՏԱՐԱՐՈՒԹՅՈՒՆԸ
››› Ո՞ւմ ձեռնտու չէ 200 միլիոն դոլարի ներդրումը
››› Երևանի ժառանգության պաշտպանության կոմիտեի հայտարարությունը
››› Իշխելու թշվառությունն ու փառքի արվեստը
››› Անասնաֆերմա՝ Նարեկ Սարգսյանից Նիկոլ Փաշինյանին... Տիգրան Ավինյանին էլ
››› Մերժվածների ջղակծկումների և վարչապետի ձախողումների արանքում
››› Ո՞վ է եղել իրական դավաճանը
››› Երբ թիրախավորվում է լռությունը
››› Ինչո՞ւ են զինվորները զոհվում Ղարաբաղում և ինչո՞ւ են բոլոր զոհերը հայաստանցի
››› Մշակութային հեղափոխություն չի լինելու
››› Ատելության խոսքը, ամբոխահաճությունը և տրամաբանությունը
››› Տաշիրյան սարդոստայն
››› Գործող Սահմանադրությունը կարող է ոչնչացնել հեղափոխությունը
››› Առաջիկա երկու-երեք ամիսները վճռորոշ են լինելու
››› ԱԱԾ-ն պետք է կանխի Քոչարյանի գայթակղությունները
››› Նիկոլն ընդդեմ Նիկոլի
››› Այսպես է լինում, երբ վեթթինգի փոխարեն հավատում են դատախազի ազնիվ խոսքին
››› Սրանց գործը փախնողներին «հաջող» անելն է
››› Արսեն Թորոսյանն ու Ալեն Սիմոնյանը՝ 1-9 հաշվով պարտության գլխավոր մեղավորներ
››› Ակորդեոնիստը որոշել է նստել «սուխոյ ատկազով»
››› ՀՀԿ-ի անհաջող գրագողությունը
››› Տանը վեր ընկնելու ժամանակները
››› Անցյալի պատանդները

Ամենաընթերցված
























37-ի երկրպագուն
37-ի երկրպագուն
07.01.2021 / 4820