Հինգշաբթի 21.01.2021 20:52

Սատիրիկոն/Լուր-մեկնաբանություն
21.01.2021 / 19:00
Սատիրիկոն/Լուր-մեկնաբանություն
21.01.2021 / 16:30
Սատիրիկոն/Լուր-մեկնաբանություն
21.01.2021 / 14:30
Սատիրիկոն/Լուր-մեկնաբանություն
20.01.2021 / 22:00
Քաղաքական
20.01.2021 / 21:00
Քաղաքական
20.01.2021 / 20:00
12.12.2020   20:00
618

Փաշինյանը պետք է բացահայտի իր վախերը


Հայաստանում ստեղծված իրավիճակը պետք է հանգուցալուծվի: Սին են իշխանությունների հույսերը, թե ժամանակը ձգձգելով հնարավոր կլինի վիճակը կայունացնել և խուսափել մեծ առճակատումից:

Գործող իշխանության խոսքից ու գործից ակնհայտ է, որ նրանք սխալ պատկերացում ունեն ստեղծված վիճակի մասին:

Իշխանությունն այն մտայնությունն ունի, որ ընդամենը պետք է տեղի չտալ և ամեն ինչ կներծծվի և կվերջանա: Սովորական օրերին հազարին մոտ մարդ էլ դուրս չի գալիս փողոցներ, իսկ շաբաթ օրերին, իրենց ամբողջ ներուժը ներդնելով, 17-ի միավորումը 10000 հազարից ավել մարդ չի կարողանում բերել հրապարակ: Իշխանությունները այս շարժումը դիտարկում են նախորդ տարիների շարժումների տրամաբանության մեջ և թույլ են տալիս հերթական ռազմավարական սխալը:

Նախորդ շարժումները, եթե չեն կարողացել մի քանի օրվա մեջ հավաքել կրիտիկական զանգված, շատ արագ մարել են: Մարել են, որովհետև շարժման առաջնորդները իրենց առաջ խնդիր չեն դրել ամեն գնով հասնել հաջողության, իսկ շարքային մասնակիցները եկել են իրենց կամքով և հետագայում չեն մասնակցել, որովհետև այլևս չեն տեսել հնարավորություն հաջողության հասնելու համար: Ներկա ցույցերի մասնակիցների շարժառիթները այլ են:

Կա մասնակիցների երկու խումբ. առաջինը նրանք են, որոնք կորցրել են իշխանությունը և հիմա հույս ունեն այն վերադարձնել: Այս խմբի մեջ են մտնում նաև նրանց ընտանիքի անդամներն ու մտերիմները: Սա այնքան էլ փոքր խումբ չէ: Նրա թվաքանակը պատկերացնելու համար պետք է հասկանալ, որ շուրջ երկու հազար պաշտոնյա կորցրել է իր աշխատատեղը: Երկրորդ խումբը ստիպողաբար կամ գումարի դիմաց ցույցերին մասնակցողներն են: Հաշվի առնելով, որ գործող իշխանություններին այդպես էլ չհաջողվեց գործուն հարվածներ հասցնել օլիգարխիայի կուտակած հարստությանը, նրանք կարող են շատ երկար ժամանակ մարդկանց ստիպել կամ գնելու միջոցով պարտադրել մասնակցելու իրենց կազմակերպած հանրահավաքներին:

Երկրորդ կարևոր գործոնը պատերազմում կրած պարտությունն է: Նախորդ շարժումների հետ համեմատելը սխալ է նաև այս դիտանկյունից: 30 տարվա մեջ մենք դեռ պարտված չէինք եղել. սա ևս առճակատման մասնակիցների նոր խումբ է ապահովում: Պարտադիր չէ համաձայն լինեն 17-ի հետ, որպեսզի ոչ միայն մասնակցեն ցույցերի, այլև գնան բախման: Պատերազմի շատ մասնակիցներ ունեն համոզմունք, որ եթե ամեն ինչ ճիշտ կազմակերպվեր, չէինք ունենա այսօրվա պատկերը:

Իշխանությունը պետք է հրաժարվի մտադրությունից, թե կարելի է խուսափել արտահերթ ընտրություններից: Հնարավոր չէ անընդհատ շահարկել ժողովրդի անունը, նրա ընտրելու իրավունքը պահպանելու ցանկությունը, բայց չգնալ արտահերթ ընտրությունների:

Եթե Փաշինյանը մտավախություն ունի, որ հրաժարականի դեպքում, իր թիմից կվերցնեն 20 հոգի և կընտրեն նոր վարչապետ, ապա այդ մասին պետք է խոսի ավելի բացահայտ: Ստվերային պայմանավորվածությունների դաշտում նախորդներն ավելի պրոֆեսիոնալ են և ունեն շատ ավելի լուրջ լծակներ: Վտանգը չեզոքացնելու լավագույն միջոցն այն հանրայնացնելն է: Պետք է հստակ բացատրվի, որ բոլոր այն պատգամավորները, որոնք կգնան այդ քայլին՝ նպատակ ունեն ժողովրդին զրկել ընտրելու իրավունքից և Հայաստանը մղում են բռնատիրության:

Կարծում ենք, որ հրաժարական տալու և երկշաբաթյա գործընթացը առանց նոր վարչապետ ընտրելու լավագույն ժամկետը դեկտեմբերի 24-ից մինչև հունվարի 8-ն է:

Արիս Վաղարշակյան

Հ.Գ. Արդար ընտրությունների անցկացման առաջին երաշխիքը պետք է դառնա Տիգրան Մուկուչյանի հրաժարականը և այդ պաշտոնում արտասահմանցի մասնագետ հրավիրելը:

«Չորրորդ իշխանություն», թիվ 39, 2020



Համաձայն «Հեղինակային իրավունքի և հարակից իրավունքների մասին» օրենքի՝ լրատվական նյութերից քաղվածքների վերարտադրումը պետք է չբացահայտի նյութի էական մասը: Կայքի նյութերից քաղվածքներ արտատպելիս լրատվամիջոցի անվանման նշումը և ակտիվ հղումի տեղադրումը պարտադիր է:
Հարգելի ընթերցողներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելով Facebook-ի ձեր account-ը: Խնդրում ենք լինել կոռեկտ և հետևել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ և հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում:
 Պիտակներ

         «Չորրորդ իշխանություն», Արիս Վաղարշակյան, Նիկոլ Փաշինյան, Տիգրան Մուկուչյան


››› «Չորրորդ իշխանություն» թերթի և 4rd.am կայքի ՀԱՅՏԱՐԱՐՈՒԹՅՈՒՆԸ
››› Ո՞ւմ ձեռնտու չէ 200 միլիոն դոլարի ներդրումը
››› Երևանի ժառանգության պաշտպանության կոմիտեի հայտարարությունը
››› Իշխելու թշվառությունն ու փառքի արվեստը
››› Անասնաֆերմա՝ Նարեկ Սարգսյանից Նիկոլ Փաշինյանին... Տիգրան Ավինյանին էլ
››› Մերժվածների ջղակծկումների և վարչապետի ձախողումների արանքում
››› Ո՞վ է եղել իրական դավաճանը
››› Երբ թիրախավորվում է լռությունը
››› Ինչո՞ւ են զինվորները զոհվում Ղարաբաղում և ինչո՞ւ են բոլոր զոհերը հայաստանցի
››› Մշակութային հեղափոխություն չի լինելու
››› Ատելության խոսքը, ամբոխահաճությունը և տրամաբանությունը
››› Տաշիրյան սարդոստայն
››› Գործող Սահմանադրությունը կարող է ոչնչացնել հեղափոխությունը
››› Առաջիկա երկու-երեք ամիսները վճռորոշ են լինելու
››› ԱԱԾ-ն պետք է կանխի Քոչարյանի գայթակղությունները
››› Նիկոլն ընդդեմ Նիկոլի
››› Այսպես է լինում, երբ վեթթինգի փոխարեն հավատում են դատախազի ազնիվ խոսքին
››› Սրանց գործը փախնողներին «հաջող» անելն է
››› Արսեն Թորոսյանն ու Ալեն Սիմոնյանը՝ 1-9 հաշվով պարտության գլխավոր մեղավորներ
››› Ակորդեոնիստը որոշել է նստել «սուխոյ ատկազով»
››› ՀՀԿ-ի անհաջող գրագողությունը
››› Տանը վեր ընկնելու ժամանակները
››› Անցյալի պատանդները

Ամենաընթերցված
























37-ի երկրպագուն
37-ի երկրպագուն
07.01.2021 / 4812