Քաղաքական
25.02.2021 / 23:27
Սատիրիկոն/Լուր-մեկնաբանություն
25.02.2021 / 19:40
18.07.2020   20:00
1017

Ռևանշիստների դիրքերը նույնպես պետք է վերցնել


Վերջին երկու շաբաթվա ընթացքում տեղի ունեցած իրադարձությունները լրիվ նոր խճանկար են ստեղծել Հայաստանում և նրա շուրջ:

Սկզբում հաղթանակ արձանագրվեց ռևանշիստների նկատմամբ: Նրանք դուրս շպրտվեցին Սահմանադրական դատարանի «խրամատներից»՝ այդպես էլ օգնություն չստանալով միջազգային իրավական կազմակերպություններից: Դժվար հանգուցալուծվող ճգնաժամ կառաջանար, եթե ՄԻԵԴ-ը որոշեր բավարարեր Գյուլումյանի և ընկերների հայցի ապահովման միջնորդությունը և վերականգներ նրանց պաշտոնները: Ռևանշիստները կստանային լուրջ հաղթաթուղթ և կստացվեր, որ նրանք ոչ թե պայքարում են նեղ անձնական շահերի համար, այլ առաջնորդվում են օրենքով և պաշտպանում են իրավունքը: Պատահական չէ, որ ՄԻԵԴ-ի որոշումից հետո դադարեցին շահարկումները, թե սահմանադրական փոփոխությունները հակաիրավական են և այլն: Մոռացության մատնվեց անգամ նախագահ Արմեն Սարգսյանի դեմարշը՝ չստորագրելու փոփոխությունների երկրորդ փաթեթը: Մի քանի օրից կլրանա պահանջվող անհրաժեշտ ժամկետը, և ԱԺ նախագահը կստորագրի օրենքը՝ ռևանշիստներին զրկելով անգամ փոքր շանսից՝ վիճարկելու սահմանադրական փոփոխությունների լեգիտիմությունը:

Տավուշում սկիզբ առած մարտերը էլ ավելի լուրջ հարված հասցրին ռևանշիստների դիրքերին: Նոր Հայաստանը պատվով է հանձնում քննությունը նաև ռազմի դաշտում՝ զրկելով նախկիններին իրենց ամենամեծ քարոզչական առասպելներից և բացահայտելով նրանց հակապետական բնույթը: 2016 թվականը պարտություն չէր, բայց հաստատ նաև հաղթանակ չէր և լավագույնս չէր անդրադարձել բանակի բարոյահոգեբանական վիճակի վրա: 4 տարի անց ամեն ինչ վերադարձավ ի շրջանս յուր և վերականգնվեց 90-ականների կեսից հաստատված ստատուս քվոն՝ հայկական բանակը ոչ միայն ի զորու է հետ շպրտել ադրբեջանական բանակին, այլև ազատագրել նոր տարածքներ:

Իսկ երեկ Իլհամ Ալիևի՝ Մամեդյարովի հասցեին հնչեցրած հրապարակային քննադատությունը հերթական մեխը խփեց ռևանշիստների հակաքարոզչության դագաղին: Արդեն քանի օր է, ինչ նախկինները հերթական քարոզչական հնարքն են պտտեցնում և փորձում նրան կշիռ տալ: Հնարքի բովանդակությունը հետևյալն է. բանակը, ի դեմս նախկինների ներկայացուցիչ Խաչատուրով կրտսերի, փայլուն իրագործել է իր առաքելությունը, բայց դիվանագիտությունը, որն անմիջականորեն իրականացնում են Փաշինյանը և Մնացականյանը, տապալված է, պարտվողական և ըստ էության ունի դավաճանության տարրեր: Երկրորդ կարգի գործիչների շուրթերով կասկածներ էին տիրաժավորում, թե իբր քաղաքական ղեկավարությունը պատրաստվում է դիվանագիտության միջոցով առ ոչինչ դարձնել բանակի հաջողությունները: Ալիևի խոստովանությունները ակներև դարձրին, որ Ադրբեջանն այս օրերին պարտվել է ոչ միայն ռազմի դաշտում, այլև դիվանագիտական հարթությունում: Նույն նախկինները հաճախ շահարկում էին, որ հայկական դիվանագիտությունը շրջանցում է Թուրքիային, հետին պլան է մղվել Ցեղասպանության միջազգային ճանաչումը և այլն: Թուրքիայի վերաբերյալ Հայաստանի ԱԳՆ-ի հայտարարությունը ամենախիստն էր վերջին երկու տասնամյակի ընթացքում:

Այս երկու հանգամանքը, ինչպես նաև կորոնավիրուսի տարածման համեմատական կառավարելիությունը նոր, երկրորդ շանսն է տալիս կառավարությանը և մասնավորապես վարչապետ Փաշինյանին: Նրա վարկանիշը նորից վերելք է ապրում և արդեն միայն իրենից է կախված, թե ինչպես այն կօգտագործվի: Վճռական և ոչնչացնող հարվածներ կհասցվե՞ն ռևանշիստների դիրքերին, թե՞ հերթական անգամ կմսխվի թանկարժեք ժամանակը և հնարավորություն կտրվի, որ նախկինները վերստին ուշքի գան շոկից:

Արիս Վաղարշակյան

«Չորրորդ իշխանություն», թիվ 18, 2020



Համաձայն «Հեղինակային իրավունքի և հարակից իրավունքների մասին» օրենքի՝ լրատվական նյութերից քաղվածքների վերարտադրումը պետք է չբացահայտի նյութի էական մասը: Կայքի նյութերից քաղվածքներ արտատպելիս լրատվամիջոցի անվանման նշումը և ակտիվ հղումի տեղադրումը պարտադիր է:
Հարգելի ընթերցողներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելով Facebook-ի ձեր account-ը: Խնդրում ենք լինել կոռեկտ և հետևել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ և հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում:

 Պիտակներ

         Արիս Վաղարշակյան, «Չորրորդ իշխանություն»


››› Արմեն Շեկոյան. Միջնորդը
››› «Չորրորդ իշխանություն» թերթի և 4rd.am կայքի ՀԱՅՏԱՐԱՐՈՒԹՅՈՒՆԸ
››› Ո՞ւմ ձեռնտու չէ 200 միլիոն դոլարի ներդրումը
››› Երևանի ժառանգության պաշտպանության կոմիտեի հայտարարությունը
››› Իշխելու թշվառությունն ու փառքի արվեստը
››› Անասնաֆերմա՝ Նարեկ Սարգսյանից Նիկոլ Փաշինյանին... Տիգրան Ավինյանին էլ
››› Մերժվածների ջղակծկումների և վարչապետի ձախողումների արանքում
››› Ո՞վ է եղել իրական դավաճանը
››› Երբ թիրախավորվում է լռությունը
››› Ինչո՞ւ են զինվորները զոհվում Ղարաբաղում և ինչո՞ւ են բոլոր զոհերը հայաստանցի
››› Մշակութային հեղափոխություն չի լինելու
››› Ատելության խոսքը, ամբոխահաճությունը և տրամաբանությունը
››› Տաշիրյան սարդոստայն
››› Գործող Սահմանադրությունը կարող է ոչնչացնել հեղափոխությունը
››› Առաջիկա երկու-երեք ամիսները վճռորոշ են լինելու
››› ԱԱԾ-ն պետք է կանխի Քոչարյանի գայթակղությունները
››› Նիկոլն ընդդեմ Նիկոլի
››› Այսպես է լինում, երբ վեթթինգի փոխարեն հավատում են դատախազի ազնիվ խոսքին
››› Սրանց գործը փախնողներին «հաջող» անելն է
››› Արսեն Թորոսյանն ու Ալեն Սիմոնյանը՝ 1-9 հաշվով պարտության գլխավոր մեղավորներ
››› Ակորդեոնիստը որոշել է նստել «սուխոյ ատկազով»
››› ՀՀԿ-ի անհաջող գրագողությունը
››› Տանը վեր ընկնելու ժամանակները
››› Անցյալի պատանդները

Ամենաընթերցված













Շատ ուրախ ե՞ք
Շատ ուրախ ե՞ք
09.02.2021 / 979









Էդ սպառնըմ ե՞ս
Էդ սպառնըմ ե՞ս
10.02.2021 / 842


















Խզարում ենք
Խզարում ենք
02.02.2021 / 634