Քաղաքական
07.08.2020 / 22:00
Լուր-մեկնաբանություն
07.08.2020 / 21:30
Քաղաքական
07.08.2020 / 21:00
Քաղաքական
07.08.2020 / 20:00
Լուր-մեկնաբանություն
07.08.2020 / 19:00
Տնտեսական
07.08.2020 / 17:00
01.07.2020   21:00
1911

Ռեցեդեվիստին չեն գովում


Երեկ Սերժ Սարգսյանի ծնունդն էր: Եվ նրա կուսակիցներն ու աջակիցներն իրենց առաջնորդի ծնունդը շնորհավորելիս հերթական անգամ որպես նրա գլխավոր ձեռքբերում նշեցին առանց արյան իշխանությունը հանձնելու կամքը:

Իհարկե, հասկանալի է շնորհավորողների վիճակը: Եթե պետության ղեկավարը, 10 տարի աշխատելով նախագահի պաշտոնում, չի ունեցել որևէ ձեռքբերում, ավելին՝ ամբողջ պաշտոնավարումը ձախողումների մի ամբողջ շղթա է, ստիպված ես այսպիսի փաստարկներով գունազարդել հոբելյարին հղվող բարեմաղթանքները:

Արյուն չթափելու և զինված ուժերը չօգտագործելու մասին բարձրաձայնողները միտումնավոր մոռանում են մեկ կարևոր հանգամանք: 2018 թվականի ապրիլի 22-ին՝ հրաժարականից մեկ օր առաջ, Մարիոթ հյուրանոցում Նիկոլ Փաշինյանը Սերժ Սարգսյանին ասաց ամենակարևոր խոսքը՝ դուք այլևս չեք տիրապետում իրավիճակին: Հաջորդ օրը հրաժարականի տեքստում Սերժ Սարգսյանը ամբողջովին ընդունեց Փաշինյանի գնահատականը՝ հատուկ շեշտելով, որ Նիկոլը ճիշտ էր, ինքը՝ սխալ:

Ապրիլի 23-ի առավոտյան փողոց դուրս եկան նաև պաշտպանության նախարարության առանձին ստորաբաժանումների զինծառայողներ, և Սերժ Սարգսյանը հասկացավ, որ արյուն թափելու փորձը առաջնահերթ կարող է վնասել իրեն և իր հարազատներին: Մի իրավիճակ է գիտակցված հավատարմությունը ժողովրդավարական արժեքներին, մեկ այլ իրավիճակ՝ ունենալ հեռատեսություն չգնալու արկածախնդրության՝ հաշվեկշռում ունենալով բավականին աղքատիկ ելակետային հնարավորություններ:

Սերժ Սարգսյանին վերագրել, թե նա առանց արյան իշխանություն է հանձնել նույն է, թե ռեցեդեվիստին գովես, որ հերթական անգամ չի գնացել գողության՝ քաջ գիտակցելով, որ ոստիկանությունը դարանակալել է և սպասում է նրան:

Այս համատեքստում չափազանց կարևոր է դառնում նաև Մարտի 1-ի խնդիրը: Եթե Սերժ Սարգսյանը այդպիսի հիանալի անձնավորություն է՝ հավատարիմ ներքաղաքական հարցերում զինված ուժերի չգործադրման սկզբունքին, 2008 թվականի Մարտի 1-ին ինչո՞ւ կրկին վարչապետի պաշտոնում ոչինչ չձեռնարկեց կանխելու մարդկանց գնդակահարությունը: Ինչո՞ւ չհայտարարեց, որ չի ցանկանում այդ գնով ստանալ նախագահի պաշտոնը:

Իրականում Սերժ Սարգսյանի աջակիցների շնորհավորանքը և ևս մեկ անգամ հիշեցնելը, թե նա առանց արյուն թափելու իշխանություն է հանձնել, որևէ արժեք չունեն հասարակության աչքերում: Դա ևս մեկ հերթական քարի նետումն է Քոչարյանի կողմը, որ իբր Սարգսյանը ունի առավելություն Քոչարյանի հանդեպ: Իրենց հաշվարկներում դա խաղաքարտ է, որ դիրքային առավելություն է տալիս ընդդիմության առաջնորդի համար պայքարում և ռևանշիստներին իր շուրջը համախմբելու մրցավազքում:

Ցավը միայն այն է, որ հեղափոխությունից երկու տարի անց մենք դեռևս ականատեսն ենք այդ երկուսի իրար դեմ հյուսվող ինտրիգներին, ճիշտ է, այս անգամ ընդդիմադիրի կարգավիճակում: Մինչդեռ նրանք վաղուց պետք է ազատազրկված լինեին և իրենց հաշիվները մաքրեին, ասենք՝ կալանավայրի ճաշարանում:

Արիս Վաղարշակյան



Հարգելի ընթերցողներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելով Facebook-ի ձեր account-ը: Խնդրում ենք լինել կոռեկտ և հետևել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ և հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում:
 Պիտակներ

         Սերժ Սարգսյան, Արիս Վաղարշակյան


››› Երևանի ժառանգության պաշտպանության կոմիտեի հայտարարությունը
››› Իշխելու թշվառությունն ու փառքի արվեստը
››› Անասնաֆերմա՝ Նարեկ Սարգսյանից Նիկոլ Փաշինյանին... Տիգրան Ավինյանին էլ
››› Մերժվածների ջղակծկումների և վարչապետի ձախողումների արանքում
››› Ո՞վ է եղել իրական դավաճանը
››› Երբ թիրախավորվում է լռությունը
››› Ինչո՞ւ են զինվորները զոհվում Ղարաբաղում և ինչո՞ւ են բոլոր զոհերը հայաստանցի
››› Մշակութային հեղափոխություն չի լինելու
››› Ատելության խոսքը, ամբոխահաճությունը և տրամաբանությունը
››› Տաշիրյան սարդոստայն
››› Գործող Սահմանադրությունը կարող է ոչնչացնել հեղափոխությունը
››› Առաջիկա երկու-երեք ամիսները վճռորոշ են լինելու
››› ԱԱԾ-ն պետք է կանխի Քոչարյանի գայթակղությունները
››› Նիկոլն ընդդեմ Նիկոլի
››› Այսպես է լինում, երբ վեթթինգի փոխարեն հավատում են դատախազի ազնիվ խոսքին
››› Սրանց գործը փախնողներին «հաջող» անելն է
››› Արսեն Թորոսյանն ու Ալեն Սիմոնյանը՝ 1-9 հաշվով պարտության գլխավոր մեղավորներ
››› Ակորդեոնիստը որոշել է նստել «սուխոյ ատկազով»
››› ՀՀԿ-ի անհաջող գրագողությունը
››› Տանը վեր ընկնելու ժամանակները
››› Անցյալի պատանդները

Ամենաընթերցված





Երգիր, որ չկռվես




«ՉԻ» ռիթմով
«ՉԻ» ռիթմով
01.08.2020 / 1052















Ստոպ-կադր
Ստոպ-կադր
01.08.2020 / 615









Մարգոյի ամոթը
Մարգոյի ամոթը
06.08.2020 / 448










В ритме «ЧИ»
В ритме «ЧИ»
01.08.2020 / 363